Psalm 105
Mapu Ibungo amadi Ibungogi mishing
105 Ishor-bu thagatlasi, Ibungogi matik thaduna saklasi. Ibungona toukhiba pumnamak thaduna jatsingda khanghallu.
2 Ishor-gi mingkhei sollasi, Ibungona toukhiba angakpasingdu phongdok-u.
3 Eikhoi Ibungogini haibasi ningsingduna haraosi,
4 Ibungogi khuyakhada changjaduna mateng nijou. Ibungobu matam leibada khurumjou.
5-6 Ibungogi manai Abrahamgi machasing, Ibungona khandokpikhiba Jacobki machasing, Mapu Ibungona pangthokkhiba angakpasingdu ningsingu, Ibungogi wayellondusu kaoganu.
7 Ishor eikhoigi ipuroini, Ibungogi yathangdu taibangsigini.
8 Ibungogi areppa wasaktu matam leibada lengloi, Ibungogi wasaktu miron lishing ama leihourani.
9 Ibungona Abraham amadi Isaacka saknakhiba wasak kaidana chathabiri.
10 Ishor-na Jacobta wasak ama sakpikhi, madu matam leibada hongba leiraroi.
11 Ibungona takpikhi, "Cannan-gi lamdu nahakki nakhutta sinnagani, madu nahakki oigadouribani.
12 Ipuroigi mishingdu hannadi mashing yamlamde, Cannan-gi lamda makhoi Saidangba oirammi.
13 Makhoi leibak amadagi leibak amada lam amadagi lam amada mathang mathang phaoduna lakkhi.
14 Adubu ipuroina makhoibu ot neihankhide, makhoibu ngakpinaba haiduna ningthousingbu cheksin wa haikhi.
15 "Eina khandoklaba inaisingsi manghan tahanba yaroi, eigi maichousingsi matu nama phaoba tekhanba yaroi.
16 Ishor-na makhoigi leibaksingda chaktangba thokhalli, mishingna chagadouba chinjaksingdu manghanbikhi.
17 Makhoigi mangda nupa ama thakhi, mamingna Joseph kouba Egyptta yonthokkhibaduni.
18 Mahakki makhongdu punduna thamkhi, yotki potpu ama mangaksamda hapkhi.
19 Mahakna phongdokkhibadu chummi haiba khangdriba phaoba phaduna thamkhi. Adubu Lainingthouna mahakki wasingdu chumhankhi.
20 Egyptki ningthouna mahakpu thadokkhi, jat kayagi wayel Mapuduna mahakpu thadokpikhi.
21 Ningthouna mahakpu leibak ngakpa oihankhi, ningthougi leibakta leingaklon oihankhi.
22 Ningthougi phamnaibasinggi makok oihankhi, ningthouda paotak piribasingdugi ojasu oihankhi.
23 Jacobna Egyptta chatkhiduna maphamduda khundaduna pankhi.
24 Ishor-na makhoigi macha masu yamna pokhanbikhi, mameida makhoigi yeknabasingdagi makhoina mapanggal leiba hellakkhi.
25 Egyptki mishingna Ibungogi mishingbu tukkachahankhi, mahakki manaisingdubu akhaba mityengna yenghankhi.
26 Masigi matungda Moses amadi Aaron anibu khandoklaga thakhi.
27 Makhoina Mapugi matikna angakpa thabaksing pangthokkhi, Egyptta makhoina angakpa khudam kaya uhankhi.
28 Leibaktuda Mapu Ibungona amambana kupsilhankhi, adubu Egyptki mishingna Ibungogi yathang inkhide,
29 Makhoigi lamda chelliba tureldu ee olhankhi, maduda leiramba ngasing loina sihankhi.
30 Leibak sinbathungna hangoi thok-hankhi, konung phaobada hangoina leipham leihankhide.
31 Ipuroigi yathangdana haying khongyanbi thok-hankhi, masina leibak sinba thungkhi.
32 Nonggi mahutta nonglei nungsit amadi len tahankhi,
33 Ibungona makhoigi drakha pambi amadi theibong pambi manghankhi, leibak aduda houriba upansing manghankhi.
34 Ibungona yathang toubatada koujeng pairakhi, koujengsingdu mashing thiba ngamlamde.
35 Koujengsingduna leibaktuda houriba upansing chathokkhi, makhoina mahei marongsingsu chathokkhi.
36 Ibungona Egyptki imung khudinggi ahanba pokpa machasingdu hatkhi.
37 Masigi matungda Ibungona Israelgi mishingbu pubirakkhi, makhoina lakpada lupa amadi sana purakkhi, matamduda Israel machasingdu masa mau pharammi.
38 Egyptki mishingna makhoibu kirammi, makhoina leibaktudagi chatkhraba matungda haraokhi.
39 Mapu Ibungona nungthinda leichinna Ibungogi mishingbu khanjinbikhi, numidangda Ibungona makhoida mangal pinabikhi.
40 Makhoina haijarabada Ibungona uchek pibikhi, makhoi pennaba haiduna Ibungona nongmadondagi chinjak tharakkhi.
41 Mahakna chingdum ama hangdokpa matamda ishing mapan naidana tarakhi, leikanglada chenba turelgi matougumlammi.
42 Ibungogi manai oikhiba Abrahamgi maphamda sakkhiba wasaktu kaobikhide.
43 Maramsina Ibungona khandokpikhraba mishingdu chingbikhi. Makhoina haraona ishei sakkhi aduga nin khongba loinana chatkhi.
44 Mahakna atoppa mishinggi leibaktu makhoida pikhi, makhoina atoppa mishinggi loubuksing lousinkhi.
45 Maramsina Ibungogi mishingna Ibungogi yathang induna matam leibada puyadu kaidana chatkani. Ishor-gi mingkhei sollasi.