1 Corinthians 14
Eesor-gi waa taakthokpagi amasung tongaan-tongaanba longikhudon
14 Nungsiba tallu; adum oinamakpu thawaaygi oiba khudon, thoidokpadi Eesor-gi waa takthoknanaba, nakhoyna thawaay yaaonapamjou. 2 maramdi lol amaa ngaangba mahaak aduna misingda ngaangba natte, adubu Eesor-dani; maramdi mi kana amatana maadu tade; touegumsung mahaakna thawaayna athuppa waa ngnagthokpani. 3 adubu Eesor-gi waa taakthokpa mahaak aduna misingda semgatpiba, ensinbiba amasung themjinbiba waa ngaang-e.
4 Lol amaa ngaangba mahaak aduna masa mathantabu semgatchei, adubu Eesor-gi waa taakthokpa mahaak aduna seengluppu semgatli. 5 nakhoy pumnamakna tongaan-tongaanba lol ngaangba einadi paammi, adubu nakhoyna Eesor-gi waa taakthokpa eina henna paammi. adugaa seenglupna semgatpa phangna-naba lol handokpidrabadi, tongaan-tongaanba lol ngaangba mahaak adudagi Eesor-gi waa taakthokpa mahaak aduna henna chaaobani.
6 touegumsung, echin-enaaosa, houjik eina tongaan-tongaanba lol ngaangduna nakhoyda laaklabadi, phongdokpa waana, maheina, Eesor-gi waa taakthokpana, nattraga tambibana nakhoyda eina ngangdrabada, ei nakhoyda kari tongjaba oigadage? 7 Makhol houriba, Mathawaai leitba potmaknasu bansi oirabasu, pena oirabasu, makhon makhonda khennaba pidrabadi, bansi khonglibra nattraga pena khonglibra, maadu karamna kh-nggadage? 8 maramdi peresinggana chumdaba makhol pirabadi, kanaana masa mathanta laangi damak thouraang toujagadage?
9 Adugumduna nakhoynasu laaina khngba yaaba waa nareina haidoktrabadi, kari ngaangliba maadu karamna kh-nggadage? maramdi nakhoyna mahada ngaangba oigani. 10 Taaibang-paanda makhongiasup yaamba makhal leibasu mayaai, adugaa khangnaba khudam yaaodaba karisu leite. 11 adunadi eina makhol adugi artha khangdraabadi, ngaangliba mahaak aduna eidi mireibakki mi oigani, adugaa ngaangliba mahaak adu eingonda mireibakki mi oigani. 12 Adugumduna nakhoynasu thawaaygi oiba adu yaamna paambagi maramna, seengluppu semgatnabagi damak nakhoyna hen-gatnaba thiyu.
13 maram asigi damakna lol amaa ngaangba mahaak aduna lol handoknanaba haayjasanu. 14 maramdi eina lol amanaa haayjarabadi, eigi thawaayna haayjabani adubu eigi khngbadi mahei yaande. 15 adunadi maadu karino? eina ethawaaina haayjagani, adugaa eigi khngbanasu haayjagani; eina ethawaaina esei sakchaagani, adugaa eigi khngbanasu esei sakchaagani.
16 adu nattraga nahaakna nathawaaian thaagat chaarabadi, etam tamdabagi kaada leiriba mahaak aduna nahaakki thaagatchaba adu Amen karamna haaygadage? maramdi nahaakna kari haayriba nahaakna khangde. 17 maramdi nahaaknadi phajanaa thaagatchabani, adubu ateibudi semgatpide, 18 Eina nakhoy pumnamaktagi henna tongaan-tongaanba lol ngaangi haayduna Eesor-bu thaagatchei. 19 touegumsung seenglupta eina ateisingbu tambinanaba, lol amanaa waahei 10,000 ngaangbadagi, eigi khngbaga loynanaa waahei mangata ngaangba eina henna paammi.
20 echin-enaaosa, waakhalda angaang oibiganu; adubu phattabada angaang oibiduna, waakhalda ahal oibiyu.
21 Waayel yaathang aduda maasi ekhrabani,
atop atoppa lolgi misingna amasung atop atoppa misinggi machinna eina mising asida ngangnagani; adugaa asumna tourabasu makhoyna eigi waa tabiroi, haayduna Eesor-na haay.
22 Adugumduna tongaan-tongaanba lol ngaangba aduna thaajaba singgi damak nattaduna, thaajadabasinggi damak khudamni; touegumsung Eesor-gi waa taakthokpa aduna thaajadabasinggi damak nattaduna thaajaba singgi damakni. 23 maram aduna seenglup apumbana tinnaduna pumnamakna tongaan-tongaanba lol nganglabadi, adugaa tamdaba nattraga thaajadaba misingna changlaklabadi, nakhoy ngao-i haayduna makhoyna haayroidra? 24 touegumsung purmamakna Eesor-gi waa takthoklabadi, adugaa thaajadaba nattraga tamdaba kanaagumbana changlaklabadi, pumnamakki mapaanna mahaakpu maraal khang-jahalli, pumanamkki mapaanna mahaakpu waakhal toujahalli; 25 mahaakki pukninggi athup athuppa adu phongdoklak-e; adugaa asum touna nakhoygi narakta soydana Eesor lei haayna mahaakna haidoktuna uprakna tuthajaraga Eesor-bu khurumjagani.
Eesor khurumbada mathang manaao naibagi kaannaba
26 adunadi, echin-enaaosa, maadu karino? nakhoyna tinnaba khudingda, dharma esei oirabasu, tambiba oirabasu, phongdokpu waa oirabasu lol amaa oirabasu, lol handokpa oirabasu, nakhoy amam-mamgi lei. thabak pumnamak semgatnabagi damak tousanu. 27 kanaagumbana lol ngaangba matamda, anina nattraga ahumdagi hendana, mathang mathang ngangsanu; amasung mi amanaa handokpisanu. 28 adubu lol handokpa mi leitrabadi, mahaakna seenglup manungda tuminna leisanu; adugaa mahaak mathantada amasung Eesor-da ngangjasanu.
29 Amasung Eesor-gi waa taakthokpa sing anina oirabasu, ahumna oirabasu, ngangsanu, adugaa ateisingna aoioida khansanu. 30 touegumsung phamliba atei amada karigumba waa phongdokpirabadi, ahaanba mi aduna tuminna leisanu. 31 maramdi pumnamakna tamjanaba, amasung pumnamakpu ensinbinaba, nakhoy pumnamakna amam-mam oinaa Eesor-gi waa taakthokpa yaai; 32 adugaa Eesor-gi waa taakthokpa singgi thawaay sing adu waa taakthokpa sing adugi maakha polli; 33 maramdi Eesordi ninkhongbagi Eesor natte, engthabagini. asengba-singgi seenglup pumnamakta asum chatnabani. 34 nupi-singna seenglup manungda tuminna leisanu, maramdi makhoy waa ngaangba yabide; adubu waayel yaathang adunasu haaybagumna, makhoyna maakha ponna leisanu. 35 adugaa makhoyna karigumba tamjaninglabadi, mayum mayumda makhoy makhoy-makki mapuroibasinda haayjasanu; maramdi nupina seenglup manungda waa ngaangba ekaaibani. 36 Karino! nakhoydagi Eesor-gi waa adu thokkhibra, nattraga maadu nakhoytada lakpibra?
37 Kanaagumba mina masa mathanta Eesor-gi waa taakthokpa amani nattraga thawaaygioiba mini haayna ninglabadi, eina nakhoyda eri eriba asi Eesor-gi yaathangni haayna mahaakna khngjasanu. 38 touegumsung kanaagumbana khangdraabadi, mahaakpu khangdabani. 39 maram adugu damakna, eigi echin-enaaosa, Eesor-gi waa taakthokpa thawaay yaaonapamjou, adugaa tongaan-tongaanba lol ngaangba khaamganu. 40 adubu thabak pumnathak phajanaa amasung mathang manaao naaina tousanu