Revelation 19
Swargada ngamba amasung yaao machaagi luhongba
19 Asigi matungda swargada miyaam ayaambagi awaangba khonjengumna asi haayba eina taare; Halliluya! kanbiba matik mangaan, amasung paanggal eikhoygi Eesor-gini,
2 maramdi ebungngo mahaakki waayeldi achumba amasung dharma chenba ni; maramdi ebungngo mahaakna prithibibu maagi marumbi thabakna maanghanba achoubi oktabi adubu waayel toure, amasung ebungngo mahaakki minaaisinggi ee adu maagi mathakta ebungngo mahaakna laman khumle.
3 Amasung anirak makhoyna haay, Halliluya! amasung maagi meikhu lomba naaidana kakhatli. 4 adugaa ahal-laman kunmarina amasung Mathawaai paanba mari aduna tuthajaraga, phambaal aduba phamliba Eesor-bu khurunijaduna haay, Amen; Halliluya! 5 Amasung phambaal adudagi khonjen amanaa haayrak-e,
he Eesor-gi minaaisa, ebungngo mahaakpu kiba achou-apik pumnamak saa, eikhoygi Eesor-bu thaagatlu.
6 Amasung mayaam ayaambagi khonjen-gumna, eesing mayaamgi amasung akan akanba nongkhaakpagi makhon-gumna, asi haayba eina taare,
Halliluya! maramdi eikhoygi engam ngamba Eesor aduna palle.
7 Eikhoina haraaoduna thoidokna nungaaijasi; adugaa eikhoyna ebungngo mahaakpu thaagatkani, maramdi yaao machaa adugi luhongba laakle, adugaa ebungngo-gi nupina masa thouraang langjare;
8 Amasung arangba, asengba, anaanba leemon phina setnaba maangonda pibire; maramdi anaanba leemon phi adudi asengba-singgi dharma chenba thabakni.
9 Amasung mahaakna eingonda haay, isillu: yaao machaa adugi luhongbagi chaak khaangbada baarton phangbasing yaaiphabani, adugaa mahaakna eingonda haay, asisingdi Eesor-gi achumba waani. 10 maaduda mahaakpu khurumjananaba eina mahaakki khuyaada tuthajare. adugaa mahaakna eingonda haay, khangu, maasi nahaak touganu! eidi nahaakka amasung Jesus-gi saakhi adu piriba nachin nanaaosinggi minaai oiminnajabani, Eesor-bu khurumjou. maramdi Jesus-gi saakhi adudi Eesor-gi waa taakthokpagi thawaayni.
Angamba Christa
11 Amasung eina swarga haangdokkhraba ure; adugaa yeng-u, sagol angouba, amasung thaajaba yaaba adugaa achumba kouba ebungngo aduna maadugi mathakta tongli; amasung dharma chenbada ebungngona waayelbi amasung laal soknei. 12 adugaa ebungngo-gi mitti meigi meirini, amasung ebungngo-gi kokthakta ningthougi luhup mayaam, adugaa ebungngomasa nattana atei kana amatana khngdaba ekhraba ming lei.
13 Amasung eena chaaykhraba phi ebungngona tholli, adugaa ebungngo-gi ming Eesor-gi waahei kou-e. 14 Amasung swargada leiriba laanmi singna angouba, asengba, anaanba leemon phi settuna sagol angouba mathakta ebungngo-gi tung ellammi. 15 Amasung Jaatsingbu haatna-naba ebungngo-gi chindagi athouba kabaak-thaang thoklak-e; adugaa ebungngona makhoybu yotki cheina ngak senbigani. Amasung ebungngona engam ngamba Eesor-gi meihouna saaobagi angur mahi netpham adu netli. 16 adugaa ebungngo-gi phida amasung pheiganda, ningthou-singgi ningthou adugaa Eesor-singgi Eesor, haayba ekhraba mingthol asi lei.
ebungngo-gi yeknaba-singbu maanghanba
17 Amasung swarga-dut amanaa numitta lepliba eina ure; amasung mahaakna atiyagi mayaaida pairiba uchek pumnamakta khonjen waangna laaorak-e, laak-u Eesor-gi chaak-khangba achoubada, 18 nakhoyna ningthou-singgi masa, lanjinglen-singgi masa akan-athousinggi masa, sagongi amasung madusinggi mathakta tonglibasinggi masa maningtambasu minaaisu achou-apik, mi pumnamakki masa chaananaba tillaro.
19 Amasung sagol aduda tongliba ebungngo-gi amasung ebungngo-gi laanmigi mathakta laal soknaba saa aduna, Prithibigi ningthou-singna amasung makhoygi laanmisingna punna tinnaba eina ure. 20 Amasung saa adubu, adugaa maaga loynanaa maagi mamaangda khudam sing toukhiba Eesor-gi waa takthoksinnaba adubu phare; khudam sing asina saa adugi khangnaba khudam phanglabsingbu amasung murtibu khurumbasingbu minamle, Makhoy anibu gandhup thaariba meigi pat adugi manungda hingna hunjil-le. 21 Amasung leihouba makheibu sagol adugi mathakta tongliba ebungngo-gi chindagi thokkhraba kabaak-thaang aduna haatle; adugaa uchek pumnamak makhoygi saa aduna mapuk thalle.