2 Chronicles 26
Judah-gi ningthou Uzziah
(2 Ning 24:21-22, 15:1-7)
26 Judah-gi misingna chahi tarataruk suraba Uzziahbu puraktuna mapaa Amaziahgi mahutta ningthou oihankhi. 2 Uzziahna Elath laksinduna saagatkhi adugaa Judah-gi lam oihankhi. maasi Amaziah siraba matungda thok-khibani.
3 Uzziahna ningthou oiba matamda chahi tarataruk surammi adugaa Jerusalemda mahaak chahi yaangkheinithoi ningthou oinaa pankhi. Mahaakpu pokpi mamadi Jerusalemgi Jecoliahni. 4 mapaagi matung enduna Eesor-gi mityengda asina phei haaybadu mahaakna tourammi. 5 Dharmagi makok oinaa leiriba Zechariahna hinglingeida Eesor-bu thawaay yaaonaseba toujakhi adugaa masigi mahei oinaa Eesor-na mahaakpusu kubikhi. 6 Uzziahna Philisti-singga laanthengnakhi. Mahaakna Gath, Jabneh, amadi Asdodki chekpansingdu thugaayrammi adugaa chekpanna khagatlaba saharsing Asdod amadi Philisti-singgi akoybada saagatkhi. 7 Eesor-na Philisti-sing Gur Baada leiriba Arabsing amadi Meunisingbu mahaakki makhutta taahankhi. Amonsingsu Uzziahda loipot karammi. mahaakki mingchattu Egypt phaaoba saandokkhi.
9 Asigisu mathakta Uzziahna Jerusalemgi kachinggi thonggal, tampaakta leiriba thonggal, chidai ani samjinnabada leiriba thonggalsingdu, chekpan khagatuna laanbangi maonggum sarammi. 10 Mahaakna lamhaangda awaangba Laanjabung sarammi. eesing khong kayasu tourammi. Sephala amadi tampaakta Uzziahgi yaao yaamna leirammi. mahaak leihao leiba lam yaamna pamlammi maramsina mahaakna lou unanaba adugaa angur engkhonnachingba sem-gatnaba mising thamlammi. 11 ningthou laanmigi luchingba Hananiahgi matung ennaa secretary Jeiel amadi Maaseiahna khaaidokhiba kaanglup kaanglup naaina sindoklaba laanmi laangi damak sem-saaraba kayaa amasu Uzziahna thamkhi. 12 mapaa mapugi emunggi matung ennaa louraba mathouna leiraba laanmi 2,600 oirammi. 13 ningthoubu yeknabana laaksillakpa matamda ngakthokpa ngamlaba mathouna leiraba laanmi 3,07500 surammi. 14 Uzziahna haayriba laanmisingsigidamak chunggoi, ta, tupi, saun-gi kot, lirung langsinkhinaba nungnachingba thouraang tourammi. 15 Jerusalemda mahaakna hei singlaba misinggi matengna enjin amaa sarammi. Haayriba enjinsi awaangba Laanjabunggi sang amada thamlaga ten kappa amadi nung langbasu yaarammi. mahaakki mingchat mapham khuding saandokkhirammi maramdi mahaak sollaba misingbu tuhatkhide.
napan touba Uzziahbu awaapham taahanba
16 mahaak mapaanggal leiraklaba matamda napan yaamna tourammi. Masimakna mahaakpu maangnanaba amaa oikhi. Mapu ebungngo Eesorugi maphamda araanba chatpa houkhi. Eesor-gi phaankhongda changduna mahaak masaana dhup thaakhi. 17 Purohit Azariahna mathouna leiraba Eesor-gi purohit 80 puduna mahaakki matung enkhi. 18 Mahaakna ningthou Uzziahbu maayoknaraga haayrammi, " Uzziahna Eesor-gi phaankhongda mei thabadu mathou natte. Dhup thaana-nabagidamak sengdokkhraba Aaron-gi machaa purohit singgi mathouni. ningna sanggi mapaanda thokkhro. maramdi nahaakna araanba toukhre adugaa masina mapu ebungngo Eesor-dagi mahaakpu ekaai-khumnabagi karigumba waahei amatta phangloi. 19 maadu taabada Uzziah saaorammi. Dhup thannaba mahaakna makhutta kambi amaa pairammi. Dhup thannaba phaankhonggi mamaangda amadi Eesor-gi ningna sangda leiriba purohit singdugi mamaangda mahaakna purohit singbu saorubadudagi maraibakta angouba paklammi. 20 Purohitlen Azariah amadi purohit ateiduna maangonda yenglammi. makhoyna mahaakki maraibakta angouba pakta urammi. maaduda makhoyna mahaakpu yaamna thuna taanthokkhirammi. adugaa mahaak masamksu maphamdudagi thuna chatkhirammi maramdi Eesor-na mahaakpu khudaktuda tenbanghalle haayba khangkhi. 21 ningthou Uzziahdu siba phaaoba angouba pakhi. maramsina mahaakpu Eesor-gi ningna sangda changhankhide adu-ga mahaakki machaa-nupaa Jothamna ningthougi mathou amadi leibaak ngaakpanachingba pumnamak paaykhatkhi.
22 Uzziahgi thabaksing Amozgi machaa-nupaa Isaiahna ekhi. 23 Uzziah mapaa mapusinggi khudung enkhi. makhoyna mahaakpu ningthou-singgidamask khaaidoktuna thamkhraba mongphamduda potloibirammi. Matamsida makhoyna haayrammi," mahaak angouba pakpa nupaa amani. Adu-ga mahaakki machaa-nupaa Jothamna mahaakki mahut sinduna pankhi.