2 Chronicles 21
21 Jehosaphatna nonggaraba matungda mapaa mapugi mongpham Davidki saharda leibaduda potloibirammi. Mahaakna sirabada machaa-nupaa Jehoramna mahut sinkhi.
Judah-gi ningthou Jehoramgi punsi
(2 Ning 2:17-24)
2 ningthou Jehosaphatna poklamba Jehoramga pokminnaba machin manaao taruk leirammi. Makhoysi mamaing: Azariah, Jehiel, Zechariah, Azariahu, Michael amadi Sephatiah. 3 Makhoygi mapaana makhoyda sanaa, silver amadi mamal yaamlaba lan thum kayaa pirammi. Judah-gi manungda leiriba chekpan khagatlaba sahar amam-mamgi mapu oinaa haplammi. Jehoramna kokhan laihan oiba maramna ningthou Jehosaphatna mahaakki mahu-tta ningthou oihankhi. 4 Jehoramna leibaak phajanaa ngaakpa hourakpa matamda, mahaakna manaaosingdu amatta chitthadana haatlammi. Makhoyga loynanaa Israelgi phamnaaiba kharasu mahaakna haatkhi.
5 Jehoramna ningthou oiba matamda masaagi chahi khuthraanithoi surammi adugaa Jerusalemda ningthou oinaa chahi nipaan pankhi. 6 mahaak Ahab amadi atei phattaba ningthou-singgi matou tamlammi maramdi mahaakna Ahabki machaanupi amaa loukhi. maramsina mahaak Eesor-gi mityengda araanba thabak kayaa toukhi. 7 Eesor-na Davidki chaaron-surondu tumna maanghanba pam-khide maramdi Eesor-na Davidta waasaktuna Davidki chaaron-suronda ningthou oihan-gani haaybikhi.
8 Jehoramna pallingeida Edomna Judah-gi mathakta laandakhi. Edom maning tamba leibaak amaa oikhi. 9 maramsina Jehoram amadi mahaakki phamnaaiba-singga loynanaa Edomgi mathakta laandakhi. Laanphamsida Edomgi laanmina makhoybu koisillammi thouigumbasung ahingda makhoy naanthokkhi. 10 Matamdudagi houraduna Edom Judah-gi makhaada leikhide. Haayriba matamsida Libnahgi sahardusu laan hourammi. pumnamaksi mapaa mapusingna ninglamba Eesor-bu tungoinana thamba maramna thok-khibani. 11 Judah-gi chinggi lamdamda asengba maphamsing lingkhi. Mahaakna Judah amadi Jerusalemda leiriba misingdu araanba lambida chingkhi. asumna makhoyna Eesor-gi mityengda araanba toukhi.
12 Maichou Elaaijana Jehoramda chithi amaa thaarammi. maadugi marondi asini: napu Davidna ninglamba mapu ebungngo Eesor-na nahaakpu saaore maramdi nahaakna napaa ebungngo Jehosaphatki matou tamde nattraga napu Asagi matousu tamde. 13 Amaromda nahaakna Israelgi ningthou-singgi matou tamduna Judah amadi Jerusalemda leiriba misingbu mapu thaajadaba mising oihalle. Nahaakna touribasi Ahab amadi mahaakki tungda paankhiba ningthou-singna Israelbu laanna chingkhiba adugumna laanna chinglli. Nangondagisu henna singthaba yaraba nanaaosingdu nahaakna loina hatkhre. 14 masina maram oiraduna Eesor-na nahaakki mising, nachaasing amadi nupi-singdu awaabada tahan-gani adugaa masiga loynanaa nahaakki naran nathum loina maanghal-lagani. 15 Nongma nongmagi asum naaba hen-gatlakkadouba khoiringi laayna amanaa nahaakpu punsi loihan-gani."
16 Sudanngi misingna taariba lamda leiba Philisti amadi Arabahsingbu Eesor-na ensinduna Jehoramgi mathakta laandahankhi 17 makhoyna Judahda laandaraktuna konungda leiba potsing loukhi. Masida ningthougi nupising amadi machaasing loina bandi oinaa pukhi. Khaklamba haaybabu machaa-nupaa atonba Ahaziahdani.
18 pumnamaksi thokkhraba matungda Eesor-na ningthouda khoiringi laayna pakhankhi. 19 Chahi anirom naraba matungda mathibong thokkhi adu-ga awaaba khaangduna nonggaakhi. Mahaakna siba matamda mapaa mapusingna sibada meinachingba chaaona thabadugu-mna mahaak-kidamak paangthokpide. 20 Mahaakna ningthou oiba matamda chahi kunthraanithoi surammi. mahaak Jerusalemda chahi nipaan pankhi. Mahaakna siba matamda kanaasu thoina nungaaibata toukhide. makhoyna mahaakpu Davidki sahardua phumbirammi. adubu ningthou-singna siba matamda phumnaba leiriba mongphamduda mahaakpu phumkhide.