Habakkuk 2
Eeshorna Habakkukta paaoukhum piba
1 Awaangba yum kakhattuna eigi waakatki paaoukhum oinaa Eeshorna kari laaibao taakpirakkadouribano taaduna leigani.
2 Eeshorna asumna paaoukhumbi khi: "iraai laaina paaba yaanaba leibaakna shaaba apaakpa amada eina nangonda khanghalliba pumbaa eshinduna thammu.
3 Eina nangonda phongdokkadouriba waasi eshinduna thammu maramdi maasi thoklagadouba waatli. Adubu matamdu thoina thappa natre maramdi eina nangonda utlibasi shoydana thaokkadouriba amani. Tapna thok-e nattraga oiragani khanba yaai adubu ngaibata kallu. Nongma thokpa haaybadudi phaklangda khutumna shubagumbani aduga kuisu kuihallaroi.
4 Thokkadouba waaphamdu asini: "phattabashingdu punsi tolloina palloi. Achumba shingdu punsi shaangna leigani maramdi makhoydi Eeshorda thaajagani."
Aranba toubashingdu manglakpa
5 Landi minambani. Karam chaaoba midi napan touwi amadi apenba leite. ashibaa koubana pendabagum makhoygi apenba karisu leite. Maramsina makhoyna jaat amagi mathangda amaa lousillibani.
6 Laan-ngambashingdubu maaythibashingduna noknagani aduga maaythibashingduna laan-ngambashingdubu cheigani. Makhoyna haaygani, "Nakhoyna naran nattabasu lousilli, adubu nakhoy manglabashingni. Nakhoygi peisa tonkhibashingdu namduna peisa shinghanbaduna kayaa kuina enaak khunba ngamgadouribano?"
7 Adubu nakhoyna maasi khangdringeida atoppabu joy toururibasi sendonna khwang koigani aduga sendoi happada nakhoygi aroiba oigani. Yeknabana laaktuna nakhoybu kihn-gani. Makhoyna nakhoybu tumna maanghan-gani.
8 Jaat kayagi mishingdu nakhoyna maanghalli aduga houjikti hinghoubashingduna nakhoybu maanghan-gani. Nakhoyna mi kayaa hatkhre aduga taaibangsida leiriba jaat kayagi mi amadi saahar kayaa nakhoyna tumhnkhre.
9 Nakhoydi tumna manglabani. Tamthiba uttuna lourakpa pottuna nakhoygi nayumda peiraga enaak khunba shari aduga nakhoygi nayumdu amaang ata thoklaroi ningli.
10 Adubu nakhoyna hotnariba thouram parengduna nakhoygi emunggi ekaainaba sharuk oiri, jaat kayaamarumbu nakhoyna manghankhibaduna maram oiraduna mashaamak amaang ata thoklibaduni.
11 Phaklangda shijinnariba nungshing phaaobana nakhoybu ubada tengthaari aduga yumthakna phaaoba kapli.
12 Nakhoy tumna manglabani. Nakhoyna mihat mipun touduna saahar shaagatli aduga mi haatpadudatna shemgatli saahar ama.
13 Nakhoyna joy toukhiba Jaatshingdu kannadaba thabak touduna lelli aduga makhoyna shaagatpa pumbaa aremba taay. Paanggallaba Eeshorna masimak thokhallibani.
14 Adubu epaak achoubada eeshing leibagumna maalemsina Eeshorbu shaak khanggani.
15 Nakhoy tumna manglabani. Nakhoyna ashaaoba meiriga loynanaa yumlonnabashingbu namthei aduga ekaaiba pi. Yu thakpagumna nakhoyna makhoybu turoi ngamloi chathalli.
16 Masigi laman oinaa nakhoy ekaaiba nangba taabani.
17 Lebanangi umangdu nakhoyna yaanthatle, maramsina houjikti nakhoybu yaantharagani. Nakhoyna maasida leiramba shaashing haatkhiba maramsina shaashingna nakhoybu kihallagani. Masimak thokkani maramdi nakhoyna mihat mipun kayaa paangthok-e aduga taaibangsida leiriba miyaam amadi saahar kayabu nakhoyna manghankhi.
18 Laai murtigi kaannaba karino? maasidi mioibana shaabani aduga maduna nangonda karisu ngaangba leite. Laisabaduna maasibu thajarubada kari phangbage? asigumba laisi waa ngaangba ngamde.
19 Nakhoy tumna manglabani. Nakhoyna u machet amada haayri, "lengkhatlasi." Nattraga nung matum amada asumna haayri, "hougatpiro. Laai murtina nakhoyda kari taakpiba ngambage? Murtidu sanaa amadi silverna yomba yaai adubu thawaaydi yaaode.
20 Eeshorna shengthoiraba ningnashangduda lengshinbire. Ebungngogi maangda taaibang maalem pumbaa tuminna leikhi.