Numbers 18
Purohit Amadi Levishinggi mathou
1 Maramsina Eeshorna aronda haayrammi: Ningnashangsida touba ayon araan pumnamak nahaak nashaamak, nachaa-nupaashing amadi nahaakki shaageida leiriba mishingna pugadabani. Nahaakka nachaa-nupaashinggana purohit oibagi thoudangdu pugadabani.
2 Napaagi shaageida leiriba levishingsi mateng pangnanaba kouksillu. Nahaakka Nachaa-nupaashinggana matik mayaai tungnapham oiriba shonnapungda seba changba matamda makhoyna nahaakki nateng pangba makhoybu pusinba yaai.
3 Makhoyna nahaakki Mteng panggani. Mitinshaangda tougadouba thabakshingdasu makhoyna nahaakki nateng pangadabani. Adum oinamak makhoyna ningnashangda leiriba patrashing amadi phaankhongdu shokpadi yaade. Karigumba makhoyna maasi hek toubada makhoysu nahaaksu shigani.
4 Mitinshaangda makhoyna touba yaaba thabakshingdu touhanduna nahaakki nateng panghalbadi yaai. Adubu makhoyna nahaakki nanak nakna changlakpadi yaaroi.
5 Nahaakna ningnashang amadi phaankhongda toupham thokpashingdu tougadabani maasi kaidana chatlabadi Israelgi mishinggi mathakta Ebungngona shaaoroi.
6 Nahaakki nachin nanaao oiriba Levishingbu Israelgi mishinggi maraktagi khandokpirabani. Makhoysi Eeshorda katthoklaba khudon oinaa leihanduna mitinshaangda touhadouba thabak khudingda makhoysu seba changhangadabani.
7 Nahaakka nachaa-nupaashinggana purohit oinaa leiduna phaankhong amadi masigi manungda leiriba potshingdu hakthengnna seba changgadabani. Eina nakhoyda purohitki phamsi khudon oinaa pirabani. Kanaagumbana nakhoygi nanakta nakna changlalklabadi adugumba nupaadu shoydana shigani.
Purohit shinggi chaakthung
8 Eeshorna aronda haayrammi, "Eigi ephamda katlaba pot khuding nahaakki oigani. Israelgi mishingna katlaba ashengba pot pumnamak nahaakkini. Maasi nahaakki oinaba Eina pirabani. Nahaakki nachaashingnasu maasibu matam leibada phangjagadabani.
9 Meida thaaduna tougadouba thougi thoidokna shenglaba potshingdu nakhoygini, makhoyna katlaba thou, mahei maronggi thou, amadi ayon-araangi thounachingba makhoyna katlaba nahaak amadi nachaashinggi maphamda thoidokna ashengba potshingni.
10 Ashengba mapham amada nakhoyna maasibu chagadabani. Maasi nupaa khudingna chaaba yaai. Nakhoygi damak maasi ashengba potshingni.
11 Makhaada piribashingsisu nakhoygini. Makhoyna khudon oinaa katlaba potshing, Israelgi mishingna athoiba khudon oinaa katlaba potshingdu nahaak amadi nahaakki nachaashinggidamak hongba naaidana eina tamkhrabani. Nahaakki nayumda leiriba amaangba shoknarudaba mina maasibu chaaba yaai.
12 Thaao ashengba, angur mahi aphaba, ahaanba lokpa mahei marong achumba, shamna haayrabada makhoyna katliba pot khuding eina nangonda pigani
13 Makhoygi lamda houba ahaanba lokpa mahei marong pumnamak eina nahaakki oinaba khaaidokkhrabani. Nahaakki nayumda leiba amaangba shoknadaba mishingna maasibu chaaba yagani.
14 Israelgi manungda ashengba potni haayna khaaidokkhrabashingdu nahaakki oigani.
15 Ehaan haanna pokpaa mi nattraga shaa oirabasu Eeshorgi maphamda katlaba potshingdu nahaakki oigani. Adubu ahaanba pokpaa migidi mamal piraga handokhangadabani. Ahaanba pokpaa amaangba shaa oirabadi mamal louduna purakliba nupaadubu handokhangadabani.
16 Katlariba potshingdu handoklaba matamdi thaa amagi manungda oigadabani. Mamalna matamdugi chatnariba silver shekels 5 oigadabani.
17 San, yaao amadi haameng machaa ahaanba pokpaa oirabadi mamal louduna handokhanba yaaroi. Makhoysi ashengba potshingni. Haayriba shaashingsidagi taarakpa eedu phaankhongda tahangadabani. Mashaaduna meida thaaduna katpa thu oinaa thaadokkadabani. Asumna Eeshorgi khuyaakhaada manam nungshiba thok-hangadabani.
18 Adubu shaashinggi masha, mathabaak amadi maphaigan athoiba khudon oinaa katpashingdu nahaakki sharuk oigadabani.
19 Israelgi mishingna einongda katlaba ashengba potshingdu nahaakkini. Nahaakki nachaashinggidamak hongba leitana eina sharuk oinaa tamlabani. Maasi thugaayba yararoidouba nakhoyga eigaa yaanaraba areppa waashakkani.
20 Eeshorna aronda makha taana haayrk-e, "makhoygi marakta nakhoygi lam tanba yaaroi. Nakhoygini haayna sharuk yaaba yaade. Israelgi mishinggi marakta Eeshor oiriba Eisi nakhoygi shaarukni, nakhoygi chaakthungni.
Levishinggi chaakthung
21 Israelgi mishingna pukhatnarakpa potshingdu Levishinggi chaakthung oigani. Maasi makhoyna mitinshaangda seba changbadugi mamalni.
22 Maramsina matamsidagi houna Israelgi mishingna mitinshanggi manungda changba yararoi. Makhoyna karigumbada changlakpa thoklabadi makhoyna atouba marangi maheidu phanggani. Masigi mahei oinaa makhoy shiba yaai.
23 Levishingna mitinshaangda seba changduna makhoyna toukhiba marandugi maheidu pugadabani. Nahaakki tungda laakkadouba chaaron-shurondasu maasi chatnapathap amaa oinaa leihougadabani. Israelgi mishinggi marakta nakhoygini haayna chaakthung phangba yaade.
24 Eeshor oiriba eigi ephamda Israelgi khudon oinaa katlariba pot khudingmak Levishinggidamak chaakthung oinaa Eina tamkhrabani. Maramsinani Eina makhoygi chaakthung Israelgi mishinggi marakta leite haayribasi."
Levishingna pigadouba chang
25 Eeshorna Mosesda haayrammi,
26 "Masigi mathakta nahaakna Levishingda asumna haaygadabani: Nahaakki chaakthung oinaa Israelgi mishingdagi Eina loukhatliba chandadu loushinba matamda Eeshor eigi ephamda athenpottudagi khara katkadabani.
27 Nakhoyna katkadaba pottu lou yeiphamdagi purakpa mahei marong nattraga angur chaphudagi heiduna purakpapni khanggani.
28 Israelgi mishingdagi phangliba Athenpottudagi Eeshor eigi ephamda khara katkadabani. Eeshor oiriba eigini haayna tamkhraba pottu nakhoyna purohit aronda pigadabani.
29 Nakhoyna phangba khudondudagi eigi ephamda katpham thokpadu latnaba leitana Khwaaidagi henna phaba shaaruktu khandoklaga pigadabani.
30 Maramsina nahaakna makhoyda asumnasu haaygadabani. Nakhoyna katlariba potshingdagi Khwaaidagi henna phabadu katlaba matungda leihouriba potshingdu lou yeiphamdagi lokpa mahei maronggum amadi angur mahi sungphamdagi phangba angur mahiga pankhak oigani.
31 Nakhoygi emunggi mishingna potshingsi Chaaningba maphamda chaaba yaai. Maramdi maasi nakhoyna mitinshaangda seba changbasigi mamal oinaa phangjaba khudonni.
32 Khwaaidagi phaba shaaruktu nakhoyna Eingonda katlaba matungda thoidokpa masidagi ayon araan thokkadouba leite. Israelgi mishingna katlaba ashengba potshingdu laanna shijinnaba yaaroi. Laanna shijinnarabadi nakhoy shigani.