Numbers 32
Jordangi waangmada taariba tribeshing
(Anishuba waa 3:12-22)
1 Matamduda Reuben amadi Gadki machaanupashinggi shaa-san yaamna leirammi. Makhoyna Jazar amadi Gilead kouba lam anisigi maramda phajanaa khanglammi. Haayriba mapham anisi thoidokna shaa-san loibada pharaba maphamshing oirammi.
2 Matou asumna Gad amadi Reubengi machaanupashinna Moses, purohit Ezeazar amadi miyaamda laaktuna haayrammi,
3 "Ataroth, Dibon, Jazar Nimrah, Hesbon, Elealeh, Sebam, Nebo amadi Beonnachingba
4 Lamshingsi Israelgi mishingna laaktringeida Eeshorna ngamnamak namthabikhraba lamshingni. Haayriba lamshingsida sanjabung ningthijana lei. Nanaaishingdi shaa-san yaamna loiba mishingni.
5 Makhoyna makha taana haayrammi, "nanai eikhoybu nungshibirabadi haayriba lamshingsi nanaai eikhoygi chaakthung oinaa panbiro. Nanaai eikhoybu Jordan waangma taanna pubiragani."
6 Maasi taabada Mosesna Gad amadi Reubengi machaanupashingda haayrammi, "nakhoyna maphamsida phamduna nungaaina leiringei matamda nakhoygi nachin nanaaoshingna laan tourunaba chatkadra?
7 Eeshorna pibigani haayna lepkhraba leibaaktu younnaba chatnaba hotnariba nachin nanaaoshingbu karigi pukning hanthahangadouribano?
8 Matou asumna nakhoygi nupaashingdusu eina Kades Barneadagi lam yenglunaba thaakhiba matamda toukhi.
9 Makhoyna Eskolgi tampaaktu youba matamda leibaaksi ukhribani. Eeshorna pinabiraba lamsi younaba chatliba Israelgi mishingbu pukning hanthahankhi.
10 Maramsina Eeshordu haayriba numitsida shaaobana ee kakhi. Maramsina Ebungngona waashaktuna haaykhi:
11 Egypttagi thorakliba chahi kungi mathakta leiriba mishingsi Eina Abraham, Issac amadi Jacobta pigani haaykhiba lamdu ubaa phangloi. Makhoydi Eibu ningthina ningkhide.
12 Makhoygi marakta Kenizzishinggi shaageigi makok oiriba Jepunnehgi machaanupa Caleb amadi Nun-gi machaanupa Joshua khakta hingkhi. Maramdi haayriba anisidi Eeshorbu thawaay hakchaang yaaona ningkhi."
13 Matamduda Eeshorna Israelgi mathakta yaamna shaaokhi. Eeshorna shaaoraduna makhoybu lamhaangda chahi niphu chupnaa leihankhi. Eeshorgi mityengda phattaba thabak toubashingdu shihankhi.
14 Houjiksu nakhoygi nupaashingna toukhibagumna nakhoyna Israelgi mishinggi mayokta Eeshorna thoina henna shaaonnaba thorakle.
15 Karigumba nakhoysu ebungngobu oiduna lamhaangsida shigani. Nakhoyna maram ningdrabadi Israelgi mishingsi manggadouri.
16 Maasi taabada makhoyna Mosesgi manaak nakna changshinduna haaynarak-e, "eikhoigi yaaokon maphamsida shaajage. Eikhoygi echaa esushingsi maphamsida leiba yaana-naba yum shaajage.
17 Eikhoy khutlai paayduna Israelgi mishinggi mang thaaduna lan chatkani. Eikhoygi echaa esushingsi chekpan khajillaba saaharshingda thamjaramge. Akoybada leiriba miranshingdagi makhoybu kandaba yaade.
18 Israelgi mishingna maagi maagi shaaruktu phangdriba phaaoba eikhoy eyumda halloi.
19 Jordangi waangmada leiriba lamsi yennaba matamda eikhoygi sharuk loujaroi. Eikhoygi shaaruktti Jordagi nongpok thangba maaykeisida loujage.
20 Maramsina Mosesna makhoyda haayrammi, "Eeshorgi mamaangda khutlai paayduna lan chatkani haaybasina ashengba oirabadi,
21 Nakhoygi narakta laangi damak shem shaaduna khutlai pairaba mi khudingna Jordan turelsi laangadabani. Ebungngona yeknabashingbu taanthoktriba phaaoba makhoyga loynanaa leiba taai.
22 Eeshorgi maangda lamsi khudum challaba matamda nakhoyna hallaga nayumda leiba matamda Eeshor nattraga Israelgidamak nakhoyna toupham thok-e haayna louribasi leiraroi. Nakhoygi Eeshorna lamsi pibirabani.
23 Adubu Karigumba haayribasi nakhoyna toudrabadi, Eeshorgi mayokta nakhoy yollabani. Nakhoyna toujaba ayon-araangi maheidu nakhoyna phan-gadabani.
24 Nakhoygi nachaa nasushinggidamak saahar shaagatlo. Nakhoygi yaaoshinggidamak shang shaaramlo. Nakhoyna waashakkhiba matung ennaa houjikti thabak paangthokpa taay.
25 Gad amadi Ruebengi machaashingduna Mosesda haayrammi, "Ebungngona taakpiba matung ennaa nanaaishingna paangthokchaagani.
26 Eikhoygi echaashing, yaao shanggu amadi shaa-san aduga nupishing Giledki saaharsida leihalhouragani.
27 Ebungngona taakpibagumna khutlai paayba ngamlaba nanaaishingdi lan chatchaagani.
28 Matou asumna Mosesna purohit, Eleazar, Nun-gi machaanupa Joshua amadi Israelgi tribeshinggi makok oiribashingduda makhoygi maramda waaphamsi shaandokna haayrammi.
29 Mosesna makhoyda haayrammi, "Gad amadi Reubengi machaanupashingna khutlai paayduna Eeshorgi mang thaaduna Jordan lallaga leibaaktubu khudum chanba phaaoba yaaorabadi Gileadgi lamsi makhoygi oihanba yaai.
30 Adubu makhoyna khutlai paayduna Jordan laandrabadi, makhoysi Canaanda chaktung pigadabani."
31 Gad amadi Reubengi machaanupashingna makhoyda paaoukhum pirak-e amasung haayrak-e, Eeshorna taakpiba matung ennaa eikhoy toujagani."
32 Eikhoy khutlai paayduna Eeshorgi mang thaaduna Jordan laanduna Canaan-gi lamda changgani. Eikhoygi chaakthungdi Jordangi nongpok thangba maaykeida leihanbiyu.
33 Gad amadi Reubengi machaanupashing aduga Josephki machaanupa Manasehgi shaagei tangkhay amada Mosesna Amorishinggi ningthou Sihon-gi leibaak Basangi ningthou Ogki leibaak, saaharshing amadi Jilashing loina pikhi.
34 Gadki machaanupashingna Dibon, Ataroth, Aroer,
35 Atrotsopan, Jazer, Jogbehah,
36 Bethnimrah amadi Bethharannachingba chekpan khagatlaba saaharshingsi shaakhi. Makhoyna yaaokonnachingbasu shaakhi.
37 Reubengi machaanupashingna Hesbo, Elealeh, Kiriathaim,
38 Nebo, Baalmeon, (Konna maming hongkhi) amadi Sibmahnachingba saaharshingsi shemgatkhi. Makhoyna shemgatkhiba saaharshingdu atoppa maming thonkhi.
39 Manassehgi machaanupa Makirna pokpaa machaanupashingna Gileadta chattuna khundaba houkhi. Maphamshingsida haanna taaduna leiramba Amorishingbu taanthokkhi.
40 Gilead kouba lamdu Mosesna Manasehgi machaanupa Makirgi machaanupashingda pikhi. Makhoyna maphamsida mara tana paankhi.
41 Manasehgi machaanupa Jairna khunggangshingdu loushinkhi. Khunggangshingdu mahaakna Havvoth Jair koukhi.
42 Nobahna Kenath amadi masigi akoybada leiriba khunggangshingdu loushinkhi. Mashaagi maming louduna Nobah thonkhi.