Galatians 6
Aphaba Tounaba Insinbiba
6 Ichin inaosa, karigumba aranbada taba mi amabu pharabadi, nangbusu themba yai haiduna, nang nasabu yengjaduna, thawaigi oiriba nakhoina pukning tappagi thawaina asigumba mibu mensinbiyu. 2 Nkhoina amana amagi arumba pubiyu, aduga asumna Christagi wayel yathang adu thunghallu. 3 Maramdi karisu oidaba kanagumba mi amana masa mathantabu karigumba ama oina ningjarabadi, mahakna masa mathantabu minamjabani. 4 Adubu mi khudingna magi magi thabak chang Yengbiyu, aduga matam aduda mi ateigi nattaba, mahak masa mathantamakki maramda mahakki chaothokchaba phangjagani. 5 Maramdi mi khudingna magi magi potlum pujagadabani.
6 Touigumsung Ishorgi wa tamba phangba mahak aduna tambiba mahak aduda aphaba pot pumnamaktagi katsnu. 7 Nakhoibu minamhanganu; Ishorbu noknaphade, maramdi mina magi hunkhi hunkhiba adu madumak loksu lokchagani. 8 Maramdi mahakmakki hakchanggi damak hunba mi aduna mahakki hakchangdagi amangba lokchagani; adubu thawaigi damak hunba mi aduna thawaidagi lomba naidaba hingba lokchagani. 9 Amasung aphaba touringeida eikhoina waganusi; maramdi sonthadrabadi, achaba matamda eikhoina lokkani. 10 Adunadi eikhoina khudongchaba phangba phangbada, mi pumnamakta amasung thoidokpadi thajabagi imung oiribasingda eikhoina aphaba adu tousi.
Aroiba wa
11 Yengbiyu eigi ikhutmakna kaya chaoba mayekna nakhoida eina ijabano! 12 Hakchangda phajana uhanba pamba makheina nakhoibu un kaknanaba namduna touhanbani; Christagi Crosski maramda makhoibu ot-neidanabatani. 13 Maramdi un kaklabasing phaobanasu makhoi masana wayel yathang adu ngakte; adubu makhoina nakhoigi hakchanggi maramda chaothokchananaba, nakhoibu un kakhanningbani. 14 Touigumsung eikhoigi prabhu Jesus Christagi crosski maramda nattana chaothokchaba eigi oidasanu; madugi mapanna taibangpanna eingonda, aduga eina taibangpallomda crossta sire.
15 Maramdi un kakpana nattraga kaktabana karisu natte, adubu anouba sembanani.
16 Amasung changchat asi chatliba makheida aduga Ishorgi Israelda ingthaba amasung nungsibiba oisnu.
17 Houjiktagi eibu kana amatana otpidasanu; maramdi Jesusgidamak eigi isada atang atangba mapham eina pujari.
18 Ichin inaosa, eikhoigi prabhu Jesus Christagi thoujal nakhoigi thawaiga loinabisnu. Amen.