Jeremiah 5
Jerusalemna araanba touba
1 Jerusalemgi laambelda hangathanda chatlu, thokliba thoudokshingdu yeng-u aduga khangjillu, mapham kadaayda lampak leibage yeng-u, yeng-u maphamduda mi leibra haayna, eina saahardubu ngaakpinaba kanaagumbana achumba thabak amadi ashengba toubra yeng-u.
2 Eeshorna saakhi oisanu haayna waashaklabasu makhoyna laanna waashak-e.
3 He Eeshor, nahaakki mittu achumbaduda yengbidrabara? Ebungngona makhoybu yeithubikhi adubu makhoyna tabiba leite, Ebungngona makhoygi thamoi kaihallabasu, makhoyna aphabadu tamjou haaybadi yaade. Makhoyna mamaidu nungdagi henna kalhalkhre, maramsina makhoyna Maraal haaydok-u haayba yaade.
4 Eina haaykhi, "phare, makhoyshingsi maraibak thiraba mishingni, apangba jibaashingni, khangde makhoyna Eeshorgi lambidu, ende makhoyna makhoygi Eeshorgi yaathangdu.
5 Eina pham chaaona pairibashingdugi maphamda chattuna waa haaygani, adu oirabadi makhoyna Eeshorgi laambeldu khanggani, makhoygi Eeshorgi yaathangshingdu taagani. Adubu makhoysu potpudu thudekkhre thadatkhre makhoyna kisidu kiramba.
6 Umangdagi thorakpa nongsha amanaa makhoybu haatkani, leikangla oiraba lamdagi laakpa keishaal amanaa makhoybu maanghan-gani, kabo kei amanaa makhoygi saahargi mayokta yengduna leiri, makhoygi maraktagi mapaan thokkhibashingdu masina machet machet tana chikthatkani, makhoyna touba paap yaamle, makhoygi dharma leitba matoudu khangba ngamde.
7 Matou karamna eina nakhoybu ngaakpigadage? nakhoygi nachaashingna eibu thaadokkhre, laaishu nattabashingdu maming panduna makhoyna waashakkhre, eina makhoybu waatta paadana thambiba matamda makhoyna mitu-miwaa laankhiba natre? Chatkhi makhoyna lamchat mangbishinggi mayumda.
8 Mi khuding atoppa amagi nupigti manaakta chang-e, makhoydi mayaai karaba shagolgi matougummi.
9 Haayribashingsigidamak eina makhoybu dandi piraroidra? taakpiri Eeshorna asigumba jaat amagi mathakta eina laman khumloidra?
10 Mahaakki angur houriba lourishingduda chattuna neikhaayyu, adubu tumna maanghanbadi touganu, makhoyda paalliba mashashingdu yaanthatlu, maramdi makhoydu Eeshorgi natte.
11 Maramdi Israelgi emung amadi Judahgi emungdu eibu haayningngai leitana thaajade. Eeshorna masimak taakpiri.
12 Makhoyna Eeshorgi maramda laanna waa haayri, makhoyna haayri, "Mahaakna karisu touba ngamloi." eikhoygi ethakta awaaba amatta taaroi. Eikhoy laan nangloi aduga chaak tangba thokloi.
13 Waa taakthokpa shingdu nonglei nungshitki matougum oigani, phongdokkadouriba waadu makhoyna khangde, masimak makhoygi oiragadaba phibhamni.
Eeshorna Israelbu enthokpa
14 Maramsina nongthak nongkha anigi mapu, Eeshorna taakpiri, "Makhoyna haayriba waashingsi haaykhrabanina, yeng-u, eina phongdokkhiba waaheishingduna nakhoygi nachinda mei oihan-gani, aduga asigumba mishingsi u oihanduna khambi meina makhoybu chakthekhan-gani.
15 Eeshorna taakpiri, "he Israelgi emung manung, nakhoygi nathakta eina athaappa maphamdagi purakkani jaat amaa laandaranaba, maasi yaamna kanba jatini, maasi thaainadagi lairaklaba jatni, haayriba jatsigi londu nakhoyna khangba ngamloi. Makhoyna haayba waadu nakhoyna khangbasu nagamloi.
16 Makhoygi thangkhumdu ahaangba mongphamgi matougummi, makhoydi akanba mishingni.
17 Chaagani makhoyna nakhoygi phou chengnachingbashingdu, maanghan-gani makhoyna nakhoygi nachaa-nupaa amadi nupishingdu, chaathokkani makhoyna nakhoygi yaao amadi san shanggushingdu, chaagani makhoyna nakhoygi angur amadi theibongshingdusu, nakhoyna yaamna thajana toujariba chekna khajallaba saaharshingdu maanghan-gani makhoygi thaangduna ngamnamak.
18 Eeshorna haayri, haayriba matamsidasu eina tumna maanghanbadi touroi.
19 Nakhoygi mishingna karigidamak Eeshorna eikhoygi ethakta asuk yaambasi toubikhribano haayna haayrakpa matamda nakhoyna makhoyda haaygadabani, "nakhoygi nareibaakta leiringei matamda nakhoyna eibu thaadoktuna atoppa laai ningkhibaduna nakhoygi nareibaak nattaba lamsida lamlaanbashinggi minaai oiduna leigadabani."
Eeshorna chekshin waa haayba
20 Jacobki emungda maasi haaybiyu, Judahdasu maasi taakpiyu:
21 He apangba amadi loushing leitba misa, taro' namitti palli adubu ubadi ngamde, nanadi palli adubu tabadi phangde
22 Eeshorna taakpiri, "nakhoy eibu kidra? nakhoy eigi emangda thak thak nikpa natra? samudragi ngamkhei oinaa eina leingoi shemkhi, maasi henduna samudrana keidoungeidasu laanthokpa ngamde, eethak hourabasu maasibu namthatpa ngamde, maduna laao khonglabasu maasibu laanduna chapadi ngamde.
23 Adubu mishing si nungum kallaba thamoi aduga lalhoubagi pukchel chelli, makhoyna lamangnaraba mishingni.
24 Haayde makhoyna thamoinungda, "Eikhoigi Eeshorbu kina chatsi." Matam oiraklabada nong taahanbiriba ebungngo, nongju pantha amadi asit awaan thaada taahanbi mahaakna nong, thambiri mahaakna eikhoygi lourok thaa haayduna numit kayaani ama.
25 Pumnamaksi nakhoyna touba paaptuna manghankhre, nakhoygi paapshingsina nakhoybu yaaiphaba haaybadu mashak khanghandre.
26 Eigi mishinggi marakta phattaba mi yaamna leire, machinjaak thiriba sagumna makhoyna lumli. Makhoyna lang thaktuna mi phari,
27 Uchek thanna haaplaba pon amagi matougumna makhoygi mayumda oigadabana thalli. Maramsina makhoy nungaaire amasung enaak khulle.
28 Makhoy noi pelle, phattaba toubadadi makhoyna ngamkhei thamde. Makhoyna chumbaduna waayende, mapaa leitbashinggi maramda makhoyna chaaokhatnaba waakhan toude, laairabashinggi maramda makhoyna laanthengnabide,
29 Eeshorna taakpiri, "haayriba mayaamsigidamak makhoybu eina dandi piroidra? asigumba jaat amagi mathakta eina laman khumloidra?
30 Mawong matou thiraba thoudok amaa leibaaksida thokle,
31 Waa taakthokpa shingna laanna phongdokli, purohit shingna makhoyna ningbadu touri, eigi mishingnasu haayribasi pamjei, adubu aroiba matamduda nakhoyna kari tougani?