2 Chronicles 23
Athaliahgi mayokta lalhouba
(2 Ning 11:4-16)
23 Adubu chahi tarataret suraklabada mapanggal phudoklage haina ningduna Jehoiadana lanmi chammagi luchingba Jehoramgi machanupa Azariah Jehohananggi machanupa Ishmael, Obedki machanupa Azariah, Adaiahgi machanupa Maaseiah aduga Zichrigi machanupa Elisaphatka tanaraga yanaba ama tham-khi. 2 Makhoina Judah thungna chattuna Judahgi saharsingdagi Levising aduga Israelgi yumburensingbu khomlammi. Aduga makhoina Jerusalemda laklammi. 3 Tilliba miyamduda ningthouga loinana Mapu Ibungo ningnashangda areppa wasak ama lourammi. Maduda Jehoiadana makhoida hairammi, "yenngu masi ningthougi machanupani. Eshor-na Davidki machasinggi maramda takpikhibagumna mahakna ningthou oiduna panjasanu. 4 Maramsigidamak makhoina tougadouba thabaktu asini: potthaba numitta seba changnanaba lakliba purohit amadi Levisigi maraktagi ahum thokpagi amadi thongakpa oigadoubani. 5 Ahum thokpagi amana ningthougi konung ngakkadoubani. Ahum thokpagi amana awangba maphamda leiria thonggaldu sennagadoubani. Aduga miyamna Eshor ningnashanggi sumangda leihangadoubani. 6 Purohit nattraga seba changgadouriba Levi nattana kana amattasu Eshor-gi ningnashangda changba yaroi. Makhoidi mapham-duda changba yai maramdi makhoi asengba mishingni. Adubu mi ateinadi Eshor-gi seba atei atei leibasingdu pangtho-knaba hotnagadabani. 7 Masa masagi khutlai paiduna Levisingna ningthoubu yomsingadoubani aduga ningnashangda changlakpa mi khudingmak hatkadabani. Ningthouna lengsinba amadi lengthokpada loinagadoubani.
8 Levi amadi Judahgi mishingna purohit Jehoiadana haiba matung inna tourammi. Makhoi khudingmakna masa masagi mishing haibadi potthaba numitta seba changdaba amadi seba changgadoubasing loina pudunalaklammi. Maramdi purohit Jehoiada hairiba kanglupsingsi lakkanu hairamde. 9 Adudagi purohit Jehoiadana Mapu Ibungogi ningnashangda leiba ningthou Davidkini haina khangnariba tasing chunggoi achouba amadi macha loina yenbirammi. 10 Phankhong amadi ningnashanggi akoibada khadagi awanglomda masa masagi khutlai paihanduna mi khuding ningthoubu sennanaba mahakna yathang tourammi. 11 Mathangda mahakna ningthougi machanupadubu puthokhallaba makokta luhup upirammi. Mahakki maramda khara hairammi aduga miyamduna mahakpu ningthouni haina laotho klammi. Jehoiadada amadi mahakki machasingna mahakpu thao noirammi. Makhoinasu hairammi, "ningthou punsi tolloina panba oisanu.
12 Athaliahna koichen chelliba amadi laokhongliba mishinggi khongjen taduna Eshor-gi ningnashangda mishingna langliba maphamduda chatlammi. 13 Mahakna yengthorakpada changpham-gi manakta yungliba yumbidugi makhongda ningthou leptuna leibadu urammi. Adugumba nungngairaba phongdokpa numittuda ishei sakpasingna jantra paiduna amadi mishingna harao tayamna Pere singa aduga lanmigi luchingba amadi pung yeibasingna ningthougi nakanda leptuna leibadu urammi. Mahakna phi segaiduna kaplammi. Aduga hairammi, "mangle Mangle." 14 Lanmishinggi makok oiriba luchingbasingdu kouthokladuna purohit Jehoiadana yathang tourammi, "mahakpu ningnashanggi mapanda puthokkho. Mahakki matung inba mishingdu thangna kaktuna hatkadabani. 15 Purohitna hairak-i, "Eshor-gi ningnashangsidadi mahakpu hatpa yade.' Makhoina mahakki mathakta leiba sagol shanggi thonggalduda tanna purammi aduga maphamduda mahakpu makhoina hatlammi.
Jehoiadana ahongba purakpa
(2 Ning 11:17-20)
16 Makhoi Eshor-gi mishing oigani haina Jehoiadada amadi mishingna areppa wasak ama lourammi. 17 Mathangda mi pumnamakna Baalgi ningphamdu chatlaga thugaikhi. Mahakki murti amadi phankhongdusu thugaikhi. Aduga loinana makhoina phankhonggi mamangda Baalgi purohit Mattanbu hatlammi. 18 Mtungda Jehoiadana Davidna piramba mathang manao naibagi niyamgi matung inna Mosesgi puyada iramba pumnamak pangthoktuna haraoba amadi ishei saktuna Eshor-gi ningnashangda meida thaduna touba thounachingba pangthoknabagidamak cheksinna chatnabi kaidana tourunabagidamak Levisingbu tharammi. 19 Kanagumba amangba mi changdanabagidamak mahakna Eshor-gi ningnashanggi thonggalda thongakpasing thamkhi. 20 Mahakna lanmigi makok, phamnaibasing, wayelbasing aduga leibaktuda leiriba mishingbu kourammi. Ningthouna Eshor ningnashangdagi lengthorakpa matamda miyamga loinana konunggi thonggaldu phaoba lakminnakhi. Miyamna ningthoubu phambalda lengsilhankhi.
21 Thangna kaktuna Athaliahbu hatkhrabada leibaktuda leiriba mishingna haraonakhi aduga masigi matungda sahar-singdu ingna panba ngamkhi.