2 Kings 8

Sunemdagi nupiduna amuk hallaka

1 Elisana machaanupa kanbikhiba Sunemdagi nupiduda haayrammi, "Eeshorna chahi taret chaak tanghangadouri maramsina nahaakki emunggi mi pumnamak karigumba mapham amada chattuna shaaidaanglunaba thouraang tou."

2 Maramsina nupiduna Eeshorgi manaaiduna taakpikhiba matung ennaa emung hupna Philistishinggi leibaakta chahi taret khundaduna leikhi.

3 Chahi taret loiraduna nupiduna Philistishinggi lamdagi hallakpa matamda mahaakki mayum amadi lamdu mina loukhirammi maramsina mahaakna ningthouda mahaakki mayum amadi lamdu hanjinbinaba waakatkhi.

4 Matamduda Elisagi manaaina Gehaziga ningthouga waari shaaduna leirambadu nupiduna urammi. Ningthouna Gehazida haayrammi, "Elisana toukhiba angakpa thabakshingdugi maramda taning-e."

5 Gehazina matou karamna Elisana ashibaa hingathanba ngamkhi haaybasigi maramda ningthouda haayringai matamda machaa hingathanbikhiba nupiduna ningthouda laaklaga mayum amadi lam hanjinbinaba haayjarammi. Ekhang khanghoudana Gehazina ningthouda haayrammi, “Eningthou. Nanaaina hanggatchakhiba nupidu asida leire. Elisana kanbikhiba machaanupadusu mahaakka loynanaa laakli."

6 Ningthouna nupiduda hangba matamda thokkhiba pumnamak shugaaina tamkhi. Maramsina mahaakna haayjariba waadu ningthouna yabikhi aduga phamnaaiba khara khandoktuna makhoyda yaathang tourammi, "mahaakkini haayna leiramba pumnamak hanjinbidaba yaade. Mahaakki louphamduda thokkhiba chahi taretsigi chaathoktusu pigadabani."

Elisa amadi Syriagi ningthou Benhadad

7 Elisana Damascusta laakpa matamda Syriagi ningthou Benhadad laikannaduna leirammi. Elisana maphamduda laaktuna leire haaybasi taarabada

8 Ningthou Hazaelda haayrammi, "khudonpotnachingba puraga maaichoudubu unou aduga eihaakna naribasi phagani pharoi khangnanaba Eeshorgi laaibao hangbiyu haayyu."

9 Mahaakna Elisabu unaba chatpa matamda Damascusta phangba athoiba potshing khomduna ut niphugi mapot puduna chatkhi. Mahaakna Elisagi maangda lepladuna haayrammi, "ebungngogi nanaai Benhadadna nanaai eibu ebungngogi manaakta thaaraklibani. Nanaaina naribasi phagadra nattraga pharoidara hangjarak-e."

10 Maasida Elisana haayrammi, "chatlaga maangonda haayyu mahaak anaaba shoydana phagani adubu Eeshorna taakpiri: mahaak shoydana shigani.

11 Maasi haayraga Elisana Hazaelda mamit sangdoktuna yenglammi amasung maasi ubada Hazael ngaklammi. Khanghoudana Elisana makhon thokna kaplammi.

12 Hazaelna haayrammi, "ebungngo kaplibasi karigino?"

Elisana haayrammi, “nahaak Israelgi mishinggi mathakta tourakkadouriba tamthiraba thabakshingdu eina haanna khangle. Nahaakna makhoygi laanbandu meida thaagani, makhoygi nahashingbu nahaakna haatkani, makhoygi angaangshingbu nahaakna haihattuna loishingani, amadi makhoygi mirollibi nupishing phaaoba nahaakna maphi munduna khongoinabigani."

13 Hazaelna haayrammi, "eibu kanaani khanbibage? Ebungngona taakpiriba adugumna karamna paanggal leiraba mi amaa oirakkadouribano?" Elisana haayrammi, "Syriagi ningthou oigadouri haaybasi Eeshorna eingonda uhanbire."

14 Maasi haaynaraba matungda Hazaelna ningthougi manaakta chatlammi amasung ningthouna maangonda hanglammi. "Elisana nangonda kari haayrak-e?" Hazaelna haayrammi, “Eningthou phagani karisu thoido-kpa akaaiba leite haayrammi."

15 Adubu mathanggi numitta ngabong amaa eeshingda lupthoklaga manaatonda kupsinduna ningthoubu haatkhi. Ningthou shiraba matungda Hazaelna ningthou oiduna paankhi.

Judahgi ningthou Jehoram 

 (2 Miron 21:1-20)

16 Israelgi ningthou Ahabki machaanupa Joabna paanba mangaashuba chahida Judahdagi ningthou Jehosaphatki machaanupa Jehoramna ningthou oirammi.

17 Mahaakna ningthou oinaa paanba matamda mashaagi chahi kunthraanithoi shurammi. Jerusalemda mahaak chahi nipaan ningthou oinaa paankhi.

18 Mahaakki nupidu Ahabki machaanupi oirammi maramsina Ahabki emungna toukhiba phattaba thabak pumnamak toukhi.

19 Adubu Eeshorna manaai Davidki yengduna Judahbu tumna manghankhibadi toukhide Davidki emungdagi machaa-masushingna ningthou oiduna Judahda palhan-gani waashakpikhiba matung ennaa Eeshorna Judahbu tumna manghanbikhide.

20 Mahaakna pallingeida Edomna laandarakhi aduga makhoygi tongaanba ningthou shemkhi.

21 Matamduda Jehoramna mahaakki dolaaigi laanmi puduna Zair phaaoduna chatkhi. Ahinggi Matamda luchingbashingga loynanaa tuminna hougatlaga koishinduna leiriba Edomshingbu haatkhi.

22 Matamdudagi houraduna ngasi phaaoba Edom maningmakha tamba leibaak amaa oinaa leiri. Matamsimaktada Libnahsu makhoygi mathakta laandakhi.

23 Joramna touramba thabak pumnamak Judahgi ningthouron eba laairiktuda eduna leiri.

24 Joram nonggaraba matungda Davidki saaharduda leiriba mongphamduda phumbikhi. Mahaakna pokpaa machaanupa Ahaziahna ningthou oiduna mahaakki matungda paankhi.

Judahgi ningthou Ahaziah 

(2 Miron 22:1-6)

25 Israelgi ningthou Ahabki machaanupa Joramna paanba taraanithoi shubaa chahida Judahgi ningthou Jehoramgi machaanupa Ahaziahna ningthou oirammi.

26 Ahaziahna ningthou oiba matamda mashaagi chagi kunnithoi shurammi mahaak Jerusalemda chahi amaa ningthou oirammi. Mahaakki mamaagi mingdi Athaliah kourammi. Israelginingthou Omrigi machaanupi oirammi.

27 Mahaaksu Ahabna chatpa lamchattu chatlammi. Mahaaksu Eeshorgi mityengda phattaba thabak pumnamak toukhi. Mahaak Ahabki emungdagi ningol loukhi maramsina mahaaksu Ahabki emungna toukhiba phattaba thabakshing toukhi.

28 Mahaakna Ahabki machaanupa Joramga chungshinnaraga Syriagi ningthou Hazaelgi mathakta laandakhi. Ramothgileadta shoknakhiba laanduda Syriagi ningthouna Jorambu thina shokhankhi.

29 Sy-riagi ningthou Hazaelgi mathakta laandaba matamda shokkhibadu layengnaba Jezreel kouba saaharduda laaklammi aduga matam-sida Ahaziahna mahaakpu unaba laakkhi.