Psalm 79

Jat amabu kanbinaba haayjaba

1 He Eeshor, laimang ningbashingna ebungngogi leibaaksi laandarakle. Makhoyna ebungngogi ashengba ningnashangsi mangthokle.

2 Langjana chaananaba ebungngogi mishinggi ashibaa mashaadu hundoktuna thamli, ebungngogi nanaaishinggi hakchaangdu lamgi shaana chaanaba hundokli.

3 Ishinggi matougumna ebungngogi mishinggi ee taahalli, Jerusalem thungna eeshinggumna ee taaba houre. ashibashingdu phumlanaba kanaasu thamlamde.

4 Akoybada taariba Jaatshingna eikhoybu noknari, makhoyna eikhoyda laknari.

5 He Eeshor, Ebungngona nanaai eikhoybu matam leibada shaaobikhigadra? Meigumna ebungngogi ashaaobadu leikhigadra?

6 Ebungngobu khurumjadaba Jaatshinggi mathakta ebungngogi ashaaobadu taahanbiyu.

7 Makhoyna ebungngogi mishingbu hatkhre, ebungngogi leibaaksi makhoyna manghankhre.

8 Eikhoigi epa epushingna touramba marandugidamak eikhoybu awaapham taahanbiganu, eikhoyda thoujaan utpiyu maramdi nanaai eikhoy toupham khangdre.

9 He Eeshor, nanaai eikhoybu kanbiyu, nanaai eikhoybu kanbiduna eran ngaakpiyu. Pumnamaksi ebungngogi matik mayaaidu yengduna toubiyu.

10 Jaatshingna karigi hanggani, "nakhoygi Eeshordu kadaayda chatkhre?" ebungngogi nanaaishinggi ee taahanbibagi maramgidamak Ebungngona Jaatshingbu awaaphamda taahanbibadu uhanbiyu.

11 Bandi oinaa leiribashingna kaplibadu tabiyu, shinnaba langsinkhrabashingdubu ebungngogi natik nayaaiduna thaadokpiyu.

12 He Eeshor, atei Jaatshingdu sharuk taretlak henna dandi pibiyu maramdi makhoyna ebungngoda laaknari.

13 Adu oirabadi ebungngogi nanaaishing, ebungngogi kaanglup oiribashingsina matam leiba khibikta thaagat-chaagani aduga laakkadouba matamdasu ebungngobu thaagat-chaagani.