Psalm 37
Aphaba amadi phattabagi panthung
37 Phattabasingbu uraga waruganu, aranba thabak touribasingdu uragasu kallakuganu.
2 Makhoidi napigi matougumna thuna patthakhigani, loubukta houriba mana mashinggumna thuna khuithakhigani.
3 Ishor-bu thajaduna aphaba thabak tou, Ibungona pinabikhraba leibaksida leiduna ingna pallu.
4 Ishor-bu phangjabaduna nahakki nungngaibani, nahakki thamoina pamlibadu Ibungona mapan naidana pinabigani.
5 Ishor-da nasabu katthok-u, Ibungoda thajarabadi Ibungona nahakki ningba thunghangani.
6 Numit yungba matamda mangal Mapung phabagumna nahakki achumbadu Ibungona ngalhanbigani.
7 Thabak touba khudingda Ishor-bu akhang kanbaga loinana ngaiduna leiyu. Namthak touduna nungngainaba tallibasingdu kallakuganu, lairabasingbu namthanaba hotnaribasingdubusu thousaruganu.
8 Thawai yamna waba nattraga saoba touruganu, maduna awaba kongai hen-gathanbani.
9 Phattabasingdu tumna manggani, adubu Ishor-bu ngaiduna leiribasingduna malemsigi Mapu oigani.
10 Mikup kharatagi manungda phattabasingdu leiraroi, houjikmakti phajana uba yai adubu kuiroi.
11 Taibangpansi nollukpasingna phanggani, maramsina makhoina malemsida mapan naidana nungngaiba phanggani.
12 Phattabasingna aphabagi mayokta khujin thourang toubani, aphababu uraga phattabana maya krak krak chikpani.
13 Adubu Lainingthounadi phattabagi mathakta noknabi, Phattabagi aroiba numit lakle haibadu Ibungona khangbi.
14 Lambel chumna chatpa mishingdu hatnanaba, lairabasingbu namthanaba, phattaba mishingna makhoigi thangshang sattok-i amasung tenga thongi.
15 Makhoigi thangshangdu makhoigi mongphamni, makhoigi lirungdusu tekkani.
16 Aphaba mina khajiktang paijabaduna, phattaba mishingna loina punsillaga peipham leitabamakhei leibadudagi henna phei.
17 Phattaba mishinggi mapanggaldu Ishor-na hanthahangani, adubu aphaba mishingdubu ngakpigani.
18 Ishor-na haiba inbasingdubu yengsinbi, pibikhraba leibaktu makhoigi oigani.
19 Awaba matam lakpada makhoibu ikaiba nanghande, chak tangba matamda awatpa leihande.
20 Phattabadi mangba naibani, lamlakta satliba leigumna Ishor-gi yeknabasingdu mangkhigani, meikhugi matougumna makhoi mangkhigani.
21 Phattaba miduna purugani aduga singtokpadi leiroi, adubu aphaba midi katthokpa ngammi.
22 Ishor-na kubirabasingdu malemdi phanggani, aduga Ibungona sap toubasingdu mangkhigani.
23 Ishor-na mioibabu lamjingbi, madu soiba naide, Ibungona mioibana chaokhatpa uraga harao-i.
24 Makhoina ngaihak waba yai adubu atek akaidi yaoroi, Ishor-na makhoigi khut sambi.
25 Eihak houjik ahan oire, aduga punsi sangna leiraklabani, adubu aphaba mibu Ishor-na hunjekpa haibasi uraktri. Aphaba migi machasingna niduna chabasu uraktri.
26 Mahakti thoujan hei aduga katthokpa ngammi, maramsina mahakki machasinggi mathakta bor pibi.
27 Phattaba thadoktuna apaba tou, adu oirabadi sinaidaba punsi phanggani.
28 Ishor-na achumbadu pammi, Ibungona Ibungogi mishingbu thadokloi. Ibungona achumbasingdu ngakpigani, adubu phattabasinggi machasingdu tumna manggani.
29 Achumba mishingna malemsigi Mapu oigani, aroiakham naidana maphamsida leigani.
30 Achumba migi machindagi asingba wa ngangthorak-i, aduga mahakna ngangba wa pumnamak aphaba oi.
31 Mapuroigi yathangdu thamoida chetna thammi, mahak keidoungeida nanthokpa leite.
32 Phattabana aphababu sennaduna lei, aduga mahakna aphababu hatnaba thi.
33 Ishor-na aphaba midubu phattabagi makhutta tahalloi.
34 Ishor-bu thajaduna yathangdu illu, adu oirabadi leibaktu Ibungona nakhoida pibigani matamduda Ibungona phattabasingbu tanthokkhigani.
35 Yamna phattaba mi ama eina khanglammi. Mahak Lebanan-gi deodar pambigumna kanabusu usitlamde.
36 Matungda eina amuk chatkhiba matamda mahak leiramde, eina mahakpu thiba matamda amuk hanna phangkhide.
37 Maran leitaba midu masak khangu aduga achumbadubu ningsiu, eina panba ngamba nupadu charoi naroi tabani.
38 Maran leibasingdu Mapung phana mangkhigani, makhoigi machasingdusu tumna mangkhigani.
39 Ishor-na achumbadu kanbibani, awaba taba matamda makhoibu Ibungona ngakpigani.
40 Ibungona makhoibu tengbangbi aduga kanbi, phattabasinggi makhutta tagadouraba matamda Ibungona makhoibu kanbi, maramdi makhoina Ibungogi marum thupna hingjei.