Genesis 25
Keturahda pokpaa Abrahamgi machaashing
1 Abrahamna atoppa Keturah koubi nupi amaa amuk loukhi.
2 Nupiduna Zimran, Joksan, Medan, Midian, Isbak amadi Suah pokkhi.
3 Joksanna Seba amadi Dedan pokkhi, Dedanna Assurim, Letusim, Leummim nachingba pokkhi. 4 Midianna Ephah, Epher, Hanok, Abida amadi Eldaah pokkhi. Haayribashingsi Keturahna pokkhiba machaanupashingni.
5 Abrahamgi areiba pumnamak Isaacta pikhi.
6 Atonbigi machaashingdadi Abrahamna khudonpot oinaa pikhi. Mahaakna Hinglingei matamda makhoybu machaanupa Isaacta yettanaba Nongpoklomda taariba lamshingda chathankhi.
Abraham shiba amadi phumba
7 Abraham chahi 175 punsikhi
8 Abraham chahi yaamlaba matamda nonggaakhi aduga mahaakki mishinggi khongul likhi.
9 Mahaakki machaanupa Isaac amadi Ismael anina Mamregi nongpok Hitti Zohargi machaanupa Ephrongi Machpelahda leiba loubukta touba mongphamduda phumkhi.
10 Haayriba loubuksi Abrahamna Hittishingdagi leikhibani. Maphamduda Abraham mahaakki nupi Sarahga loynanaa phumbikhi.
11 Abraham shiraba matungda Eeshorna Abrahamgi machaanupa Isaacpu kubikhi. Matamduda Isaac Beerlahairoida leirammi.
Ismaelgi chaaron-shuron
12 Sarahgi manaai nupi Egypt ningol Hagarna Abrahamda pokkhiba Ismaelgi chaaron-shuron, 13 Pokkhibashingdugi mathang manaao naaina Ismaelgi machaashinggi mamingdi: Ismaelna ehaan haanna pokpaa Nebaioth, Kedar, Adbeel, Mibsam
14 Misma, Dumah, Massa,
15 Hadad, Tema, Jetur, Naphir amadi Kedemahnachingba oirammi.
16 Haayribashingsi Ismaelgi machaashingni. Makhoyna leikhiba khun amadi maphamshingdu makhoygi maming louduna thonkhi. Makhoygi kaanglup taraanithoi khaaidoktuna ningthou machaa taraanithoi thokkhi.
17 (Ismael chahi 137 punsirammi. Chahi mataangsida mahaak nonggaakhi aduga mahaakki mishinggi marakta tinkhi.)
18 Egyptki mayokta leikhriba lam Havilahdagi Sur phaaoba makhoy shaandokkhi, mahaakki mishinggi mayokta khundaduna leikhi.
Esau amadi Jacob pokpagi waari
19 Abrahamgi machaanupa Isaacki chaaron-shuron: Isaacki mapadi Abrahamni.
20 Laban amadi Arameangi mchem Padanarmda leiba Aramin jaatki Bethuelna pokpaa Rebekahbu nupi oinaa louba matamda Isaac chahi 40 shurammi.
21 Machaa poktaba maramna Isaacna Eeshorda khurumjarammi, Eeshorna mahaakna haayjabadu tabiraduna Rebekah mironkhi.
22 Mahaakki puknungda angaangshingdu tinnaba yaramde. Maramsina mahaakna haayrammi, "touriba matousidabu eihaak hingluduna kari kannagadage?" maramsina mahaakna Eeshordagi paaojel amaa tajanaba chatlammi.
23 Maasida Eeshorna asumna taakpirakkhi: "Nahaakki pibuknungda jaat ani yaaori, nahaakna pokchaba jaat anisi tinnaroi, amana amadagi mapaanggal leiba hen-gani, ahanduna atonbadugi makha pongani."
24 Mamit mamaay pangba matam oiraklabada angaang ani pokkhi.
25 Ahaanba taarakpa angaangdugi machudi ngaanglammi. Msa pumnamak nupishinggi matu chomba angaangba phi mallammi. Maramsina mahaakki maming Esau kourammi.
26 Mathangda manaao oigadouribadu poklammi. Mahaakki makhutna Esaugi makhong khuning paayduna thoklakkhi. Maramsina mahaakki maming Jacob kourammi. Haayriba anisi pokpaa matamda Isaac chahi 60 shurammi.
Esauna piba pham yonthokpa
27 Angaangshingdu chaaorakpa matamda Esau shaa tanba yaamna heirammi. Loushing ubasu yaamna heirammi. Jacob yaamna tumin leiganba yum nungshiganba nupaa amaa oirammi,
28 Isaacna Esaubu nungshirammi maramdi mahaakna pusillakpadu Isaacna chaarammi. Rebekahnadi Jacobpu henna nungshirammi
29 Nongma Jacobna chagemda manaa-mashing khara haplaga chaananaba phuttuna leiringeida Esau loubuktagi hallaaklammi. Mahaak chaak yaamna laamlammi.
30 Maramsina Esauna Jacobta haayrammi, "Eihak chaak yaamna laamle maramsina nahaakna phutliba angaangba manaa-mashing haaplaba chagemdu khara chahallu." (maramsidagi mahaakki maming Edomsu kourammi.)
31 Jacobna haayrammi, "hanna nahaakki piba phamdu eingonda yonthok-u."
32 Esauna haayrammi, "eihak shigadoure, piba phamna kari tounagani?"
33 Jacobna haayraklammi, "hanna waashak-u." Khudaktumaktada Esauna waashakladuna piba phamdu Jacobta yonthokkhi.
34 Jacobna talga konnana ashangba manaa-mashing thongbadu pirammi, Esauna charaga hougattuna chatkhi. Matou asumna Esaugi piba phamdu mangkhi.