Mark 13
Ningnashanggi manglagadaba amasung jugki aroiba Jesusna maangjounana taakpiba
( Matthew 24.1,2; Luke 21.5,6 )
1 Amasung Ebungngona Ningnashangdagi thoklakpada, ebungngogi sebokshing amanaa ebungngoda haay, oja, yengbiyu, nungshing amasung sariba makhei asi kayaa ningthijabano.
2 Maduda Jesusna maangonda haayrak-e, achouba saariba makhei asi nang ubra? asida nung amabu amagi mathakta ningkhaay-handana thamlamlaroi.
3 Amasung Ebungngona ningnashangga maayoknana Mount of Olive chingthakta phamlingeida, Peter, James, John amasung Andrewna lonna ebungngoda hanggatchaare,
4 Hiram shing asi keidoungei thokkadage? aduga hiram pumnamak asi thunglamdaaida khudam kari oigadage? eikhoyda taakpiyu.
5 Maduda Jesusna makhoyda haayba hourak-e, kanaanasu nakhoybu seraannana lamjing dananaba cheksillu.
6 Ei mahaakni, haayduna ayaambana eigi mingda laakkani, aduga ayaambabu seraannana chinggani.
7 Amasung nakhoyna laan amasung laangi paaoninkhol taarabada mipaaiganu; hiram shing asi thoklaba taay; adubu aroiba adu houjik nattri.
8 Maramdi jaat amanaa jaat amagi mathakta, amasung ningthou leibaak amanaa ningthou leibaak amagi mathakta hourakkani; tongaan-tongaanba maphamda yuharaba thokkani, chaak tangbasu oigani; hiram shing asi awaa-anaanggi ahoubani.
9 Touegumsung nakhoy nashaana saajel toujou; makhoyna nakhoybu ahal-nupashingda pithokkani; amasung loysang loysangda nakhoybu phugani; aduga makhoyda saakhi pinanaba leibaak ngaakpashing amasung ningthoushinggi mamaangda eigidamak nakhoyna lepkani.
10 Amasung jaat pumnamakta aphaba waapaao haanna shaandokpa taay.
11 Aduga makhoyna nakhoybu chingduna pithokpa matamda, nakhoyna kari ngaanggani haayna haanna laangtak-naganu; touegumsung pungja aduda nakhoyda pibi pibiba adu ngaang-u; maramdi ngaangliba adu nakhoyna natte, adubu thawaay ashengbanani.
12 Aduga machin manaaona machin manaaobu amasung mapaana machaabu shinanaba pithokkani, amasung machaashingna mamaa-mapaagi mathakta houraktuna, makhoybu hat-han-gani.
13 Aduga mi pumnamakna eigi minggi damak nakhoybu tukkachagani; touegumsung aroiba phaaoba khaangba mahaak adubu kanbigani.
14 Adubu amaang ataakki tukkachaba adu leploidaba maphamda leppa nakhoyna ubaa matamda (apaaba mahaakna khangjasanu), matam aduda Judeada leiba makhoy chingda chenkhisanu;
15 Yumthakta leiba mahaak aduna emungda leiba karigumba pot louthokpa kumsu kumthadasanu, changsu chaangdasanu;
16 Aduga loubukta leiba mahaak aduna mahaakki ennaphi louba hallaktasanu.
17 Touegumsung mirollibi amasung khom-nouribishing adudi matam aduda awaa nungshibanida!
18 Amasung madu ningthamthada oidanaba nakhoyna haayjou.
19 Maramdi Eeshorna shemba leishemngeidagi houna houjik phaaoba thokkhidriba aduga keidoungeidasu thoklaroidaba asup achouba awaaba numit adu oigani.
20 Amasung Eeshorna numit shing adu kaksin-biba nattanadi, thawaay paanba kanaabusu kanbiramloi-dabani; adubu Ebungngona khan-gatkhraba, khan-gatpashing adugidamakta numit shing asi kaksinbikhre.
21 Aduga matam aduda, yeng-u, asida, yeng-u, aduda Christa Lei, haayna kanaagumbana nakhoyda haayrabadi; thaajaganu.
22 Maramdi Christa saashinnabashing amasung Eeshorgi waa taakthokshinnabashing thoklakkani, aduga ngamlabdi khan-gatpashingbu seraannana lamjingnaba, khudamshing amasung angak angakpa utkani.
23 Adubu nakhoyna cheksillu; eina nakhoyda pumnamak maangjounana haaykhre.
24 Touegumsung numit shing aduda, awaaba adugi matungda numitna mamsin-gani, thaana maagi mangaan piroi;
25 Thawaan-michakshingna atiyaadagi taaduna leigani, amasung atiyaada leiba paanggal khibikpu nik-han-gani,
26 Aduga matam aduda migi machaanupa aduna achouba paanggal amasung matik mangaanga loynanaa leichin marakta laakpa makhoyna ugani.
27 Amasung matam aduda Ebungngona dutshingbu thaaraklaga, ebungngogi khan-gatpashingbu maaykei marimaktagi, Prithibigi aroibadagi atiyagi aroiba phaaoba khomjin-gani.
Mitsheng khaangbagi kaannaba
( Matthew 24.32-44; Luke 21.29-33 )
28 Amukka heiyit paambidagi paandam adu tammu; maagi masha aduna nouraklaba amasung yening hullaklaba matamda nakhoyna olaangtha nakle haayba khang-e.
29 Adugumduna nakhoysu hiram shing asi thoklakliba ubaa matamda, ebungngo thongjin youna naksillakle haayba nakhoyna khang-u.
30 Eina nakhoyda thaanggei shengna haayribani, hiram pumnamak asi paangthoktriba phaaoba miron asi houkhiroi.
31 Atiya amasung prithibidagi mangkhigani, touegumsung eigi waashingdi supmaang maanglaroi.
32 Adubu madugi numit nattraga pungpham adu mapaa nattana swargada leiba dutshingnasu, machaanupa adunasu, kanaa amatana khangde.
33 Cheksillu, mitsheng khaang-u amasung haayjou; maramdi matam adu keidoungeidano nakhoyna khangde.
34 Mi amanaa mahaakki yum thaadoklamduna atoppa leibaak amada langphei chatkhiba, mahaakki minaaishingda maagi maagi thabak tounaba matik pikhiba, amasung thong-sang-badasu mitsheng khaang-u haayduna yaathang pikhiba mahaakkumbani.
35 Maram aduna mitsheng khaang-u, maramdi yum adugi mabungngona numidaangda, nattraga nongyaaida, nattraga yen khongbada, nattraga ayukta laakpa matam adu nakhoyna khangde;
36 Khanghoudana nabungngona laakpada, nakhoyna tumthaduna leiramba yaai.
37 Amasung eina nakhoyda haayriba asi eina pumnamakta haayribani, mitsheng khaang-u.