1 Kings 3
Solomonna lousing pinnbiyu nijaba
3 Solomonna Egyptki ningthougi machaanupiga luhongduna mari phagatnaba hotnarammi. Mahaakna Pharaohgi ningna sang adugaa Jerusalemgi akoybada chekpan khagatpa loidriba phaaoba Jerusalemda leiminnakhi. 2 Eesor-bu khurumjanaba ningna sanglen saadaba maramna miyaamna asengba maphamni haayna khangnaba maphamsingda ebungngo-gi khuyaakhaada thou tounarammi. 3 Solomonna Eesor-bu yaamna nungsirammi. maramsina mapaa Davidna haayramba chatnaronsingdu kaidana enjaram-i. Solomonsu phaankhong leiba maphamsingda chat-tuna saanachingbana haattuna thou tourammi.
4 Nongma Solomonna Gibeonda leiriba Khwaaidagi maming chatlaba phaankhongduda thou toujanaba chatlammi. Houkhiba matamdasu maphamsida mahaakna chamana khujing oiraduna meida thaaduna touba thou kayaamarum paangthokkhi. 5 Mahaakna Gibeonda leiringeida ahingda tumlingei matamda Eesor-na mahaakki maangda phaora klammi. Eesor-na maangonda asumna haayrammi, “nahaak eingondagi kari paambage?" 6 Solomonna khumkhi, "ebungngo-gi nanaai epa Davidpu ebungngona chetna channa nungsibikhi. ebungngo-gi maangda thaajaba, thamoi chumba amadi sengna chatpa ngamkhi. epa ebungngo-gi damak ebungngona chetna channa amadi leingdaba nungsibadu pinabikhibaga loynanaa machaa-nupaa amanaa ngasi mahaakna phamlamba phambaalsida ningthou oinanaba pinabikhi. 7 maramsina he epuroi Eesor, nanaai ningthoubu epa Davidki mahut sinduna phambaal tongnnaba khanbire. nanaaidi karisu khang-jadaba angaanggumbani. leibaak karamna waayel-gani haaybasu nanaaidi khangjade. 8 Masing thibaa ngamdamakhei yaamlaba ebungngona khandokpikhiba ebungngo-gi miyaamsigi marakta nanaai eibu thambire. 9 maramsina nanaai eingonda ebungngo-gi miyaamsibu ngak senba ngamnaba lousing pinabiyu adu oirabadi nanaaina apha-phatta animak machaa khaayba ngamgani. adu nattrabadi ebungngo-gi asuk yaamlaba amadi chaaoraba misingsibu karamna waayelba ngamgani?"
19 Solomon-gi waaphamsida Eesor-na yaamna pellammi. 11 Eesor-na maangonda haayrammi, "nahaakna punsi nungsangge, lan thum leige nattraga yeknaba-singbu ngamhanbiyu haayna nidaduna achumbadu khngba ngamnaba lousing pinabiyu haayna nijarabanina, 12 Nahaakna nijaribasimak eina nangonda thunghanbirabani. amam angaan achum chumda anibu khaaidokpa ngamba nahaakki lousingdu Eina pibigani adugaa maasi taaibangsida leiriba misingdagi nahaakna hellagadoubani. kanaasu nahaakkumna singloi. 13 Nahaakna eigi ephamda hangjakhidaba potsingsu eina nangonda pibigani: nahaakna hinglingei matamda taaibangsida leiriba ningthou khudingmaktagi henna lan thum amadi ekaai khumnabagi masak oiraba nagundu pibigani. 14 napaa ebungngo Davidna toukhibagumna eigi yaathang amadi chatnaronsingdu ngaakna chatlabadi, napunsi yaamna sanghan-gani." 15 Solomonna hougatlakpa matamda mangni haayba khangkhi. Masigi matungda Jerusalemda chat-tuna Eesor-gi phaankhonggi maangda leptuna meida thaaduna amadi lamdaai sumdaaigi thounachingba Eesor-gi maangda toujakhi. maasi loiraba matungda phamnaaiba-singbu kouduna chaakkhangkhi.
Solomonna yaamna luraba waathok amaa waayelkhiba
16 Nongmagi numitta oktabi nupi anikhak laaklaga ningthou Solomon-gi mamaangda leplammi. 17 Anidugi marakta amakhakna haayrammi, "iningthou, nupisiga eigaa yum amattada leibani. Yumduda eikhoy ani leiminnaringeida eina echaa-nupaa amaa pokkhi. 18 Numit ninirom leiraba matamda mahaaksu machaa-nupaa amaa poklammi. Matamduda yumduda eikhoy ani nattana mi kanaasu leiramde. 19 Nongma numidaangda soikhiduna mahaakna machadugi mathakta hipchinluduna angaangdu sire. 20 ahingduda mahaakna hougatladuna eigi nakanda leiriba angaangdu tuminna mahaakki phamung taanna pukhirammi. asibaa angaangdu eigi nakanda thamjinkhi. 21 Nongallakpa matamda angaangdu khom enge touba matamda sina phanglammi. Eina munna yengba matamda asibaa angaangdu eigi oiramde."
22 atoppa nupiduna haayrammi, "natte. asibaa angaangsi mahaakkini adugaa hingliba angasina eina pokchabani."
Ahanba nupiduna khumlammi, "natte, asibaa angaangsi nahaakkini adugaa hingliba angaangsina eigini."
Asumna makhoy anina ningthougi mamaangda marei yetnarammi.
23 maasi taabada ningthou Solomona haayrammi, "nakhoy anina haaynaribasi ahingbana eigini adugaa asibana nahaakkini asitani." 24 ningthouna thaangsaang amaa puraknaba yaathang tourammi amasung thaangsaangdu khudakta puraklaba matamda 25 ningthouna haayrammi, "hingliba angaangdu ani thokna kakthatlu. Makhoy anida tangkhay tangkhay yenthokpiyu."
26 asengba mamaduna angaangdubu nungsiba maramna ningthouda haayrammi, "iningthou ebungngo, chanbiduna angaangdubu hatpiganu. Nupisida angaangsi pibikho." adubu atoppa nupiduna haayrammi, "eikhoi anigi marakta amada ahingba angasi pibibagi mahutta hattokpibana henna phei."
27 Masida Solomonna haayrammi, angaangdu hatkanu. ahaanba nupisida angaangdu pikho maramdi angaangsigi mamaa asengbadu mahaakni."
28 Israelda leiriba misingna Solomon-gi waayelsi taaba matamda Solomonbu yaamna ekaai-khumnaba utkhi maramdi Eesor-na Solomonda chumna waayelba ngamnaba lousing pinabire haaybadu Sngsngna ukhi.