Deuteronomy 24
Khainaba amasung amuk nouna luhongba
24 Kanagumba nupa amana nupi ama luhongduna louraga matungda nupidubu pamlaktre. Thoidokpa masigi maram nupidugi masada mahakna pamdaba ama hekta oiba yai. Maramsina mahakna khainabagi che ama iraga mahakki makhutta sinnaduna mayumda thakhre. 2 Matungda nupiduna atoppa nupa amaga luhongle. 3 Adubu hairiba nupasinasu mahakpu pam-laktre maramsina mahaksu khainabagi che ama iraga mangonda pire aduga mahak mayumda chathankhre. Nattragasu nupidugi anisuba mapuroibadu sire. 4 Ama oirabasu ama oirabasu nupi dugi ahanba mapuroiba oiramba nupaduna mahakpu amuk hanna louba yade. Mahakna nupidubu sengdrabini haina lougadabani. Karigumba nupaduna nupidubu amuk hanna louba tarabadi mahakna Eshor-gi mayokta thabak touduna maran langsinjarabani haina lougani. Nakhoigi napuroi Eshor-na pibigadouriba leibaktuda nakhoina asigumba akibagi masak oiraba ayon aransi langsinjaroidoubani.
Makhal makha kayamarumgi chatnapathap
5 "Kanagumba nupa nouna luhongba oirabadi, mahakpu lanmida hek changhalloidoubani. Nattragasu mahakpu miyamgi oiba thoudangda yaohalloidoubani. Chahi amadi mahak thoudang kokpiduna mayu-mda leiraga mahakna louriba nupidubu nungngaihangadabani.
6 "Nakhoina kanagumba nupa amada karigumba pot ama sandokpa matamda mahakki mahei marong taknaba chakidu bandhak oina loubiroidoubani. Masi lou-thokpirabadi imungdugi hingjanabagi pam-bei oina leiriba pottu manghanbagumbani.
7 "Kanagumba mi amana Israelgi mi amabu huduna puraklaga mahakki minai nattraga mahakpu yonthokpa oirabadi, adugumba nupadu sibagi dandi pigadoubani asumna tourabadi nakhoina asigumba phattaba thabaksi muthatpa ngamgani.
8 "Akiba phanglaba unsagi laina paklabadi, purohitsingna nakhoida takpikhiba pathapsingdu kaidana chatnaba hotnagadabani. Eina makhoida pibikhiba paotaksingdu kaidana inna chatlu. 9 "Nakhoigi napuroi Eshor-na nakhoina Egypttagi thorakpa matamda Miriamda toubikhibadu ningsingu.
10 "Nahakna kanagumba mi amada peisa sandokpa matamda bandhop oina mahakna setchariba phijettu mayumda chatlaga louba hounade. 11 Mapanda ngairaga mahakna puthokhallu. 12 Karigumba mahak lairaba mi ama oirabadi ahing lelhanbiganu. 13 Numidangwairam khudinggi mahakki maphamda phidu hanbikho. Adu oirabadi mahakna madubu tumbada sijinnajaba yai. Asumna tourabadi nupaduna nahakpu pen-gani aduga nakhoigi napuroi Eshor-nasu nahakpu penbigani.
14 "Lairachudatnaba kanagumba khutsuman-gidamakta nekluba minaidu namthak toubiganu. Adugumba nupadu Israelgi mi oiba yai nattragasu kanagumba lam-lanba mi oibasu yai. 15 Numit khudinggi mahakna thabak subagi mamaldu numit tadringeida pithokkadabani mahak peisa darkar oiribani aduga nahakna pigadou-riba peisadu mashing tharibani. Karigumba nahakna mahakki pipham thokpadu pibidrabadi, mahakna Eshor-gi maphamda pi tana wakatpa matamda nahak ayon aran toure haina lougani.
16 "Machasingna aranba toubagi mahei oina mapa mamubu hatpa yaroi adugumna mapa mamagi maran gidamak machasingbu hatpasu yaroi. Msana toukhiba marandugi matung inna mi amabu sibagi awapham tahangadabani.
17 "Lamlanba mi nattraga mapa mama leitrabasingbu makhoigi phangpham thokpadu namduna loubiganu. Lukhrabi amagi maphidu sandokkhiba peisagi bandhop oina louroidoubani. 18 Egyptta nakhoina minai oina leirambani haibasi kaothokkanu. Nakhoigi napuroi Eshor-na nakhoibu thadokpikhribani. Maram-sina nakhoida eina yathangsi piribani.
19 "Nakhoina mahei marong lokpa matamda kharadi purakpa ngamdre adu oirabadi madu lounanaba loubukta amuk halloidoubani. Madu lamlanba, mapa mama leitrabasing amadi lukhrabisinggidamak khakpirammu. Adu oirabadi nakhoigi napuroi Eshor-na nakhoina toujaruba thabak khudingda bor pibigani. 20 Nakhoina chorphon amukta hekkhraba matungda karigumba lemhouba leihourabadi amuk chattuna hekluganu maramdi lemhouribadu lamlanbasing, mapa mama leitrabasing amadi lukhrabisinggi oihangadoubani. 21 Nakhoina chahigi oina drakha amuktang hekkhraba matungda mapham-duda chatlaga lemhoubasingdu hekpa yade maramdi lemhoubasingdu lamlanlbasing, mapa mama leitrabasing amadi lukhrabisinggi oihangadoubani. 22 Nakhoisu Egyptta minai oina leiramlabani haibasi kaothokkanu. Maramsina eina nakhoida yathangsi piribani.