Genesis 22

Isaac katthoknaba Abrahamda paao laakpa

1 Thoudokshingsigi matungda Eeshorna Abrahambu chaang yengba oinaa asumna kourakkhi, "Abraham." Khonjendu taabada mahaakna khumkhi, "eihak maphamsida leijare."

2 Eeshorna haayrammi, "nahaakki amatta ngaaijaraba nachaa-nupaa nahaakna yaamna nungshijaba Isaacpu puraga Moriahgi lamda chattuna Eina nangonda utkadouriba ching amagi mathakta mei thaaduna katpa thoudu paangthoktuna Isaacpu katthok-u."

3 Asumna Abrahamna ayuk nganna hougatlaga loladu sabal haapchille, mahaakka loynanaa nahaa paakhang anikhakka machaanupa Isaacka puraduna chatlammi. Meigi thoudu paangthoknaba shing yallammi. Eeshorna haaykhiba maphamdu youna mahaak chatkhi.

4 Humnishuba numitta Abrahamna mamit yengkhatpa matamda athaappada maphamdu ukhi.

5 Masigi matungda Abrahamna paakhangshingduda haayrammi, "lolasi sangduna nakhoy maphamsida leirammu. Eina nupaamachasiga chatlaga Eeshorbu khurumluba taay. Khurumba loiraga nakhoygi nanakta amuk hallakkani."

6 Meida thaaduna tougadouba thougi shingdu louraga Abrahamna machaanupa Isaacta puhallammi. Abrahamna makhutta meiga thangga purammi. Asumna makhoy ani punna chatminnakhi.

7 Isaacna mapaa Abrahamda haayrammi, "Ipa." Abrahamna khumlammi, "ebungngo, Karino?" Isaacna haayrak-e, "yeng-u meiga shinggadi leire adubu meida thaaduna katkadouriba yaaodudi kadaino?"

8 Abrahamna haayrammi, "ebungngo, meida thaaduna katthokkadouba yaaodu Eeshorna pirakkani." asumna waari shaaraduna makhoy ani punna chatminnarammi.

9 Eeshorna Abrahamda taakpikhiba maphamdu yourakpa matamda Abrahamna maphamdumaktada phaankhong amaa shaarammi. Shingshingdu mathang mathang peikhatlammi. Adudagi Abrahamna machaanupa Isaacpu punsillaga phaankhonggi mathakta peiriba shingshingdugi mathakta hapchillammi.

10 Masigi matungda Abrahamna makhut tingthoklaga thangdu pairaga machaanupadubu hatlage thouraanglammi.

11 Adubu Eeshorgi dut amanaa nongmadondagi Abrahambu kouraduna haayrak-e, "Abraham, Abraham." maduda Abrahamna khumlammi," kari taakpigadabano?"

12 Duttuna haaykhi, "nupa machadugi mathakta nakhut thaaduna hatkanu. Nahaakki amatta ngaaijaraba nachaa-nupaa phaaoba eigi ephamda katpa ngammi haaybasi ubada nahaakna Eeshorbu kina chatli haaybasi khangle."

13 Abrahamna mamit koyna yenglakpa matamda yeng-u, mahaakki tungda yaao amaa machina mongsong marakta panduna leirambadu ukhi. Abrahamna maphamdu taanna chattuna yaaodu puraklaga machaanupagi mahutta meida thaaduna katthokadouba thoududa yaaodu katkhi.

14 Maramsina maphamdubu "Eeshorna Pibigani." haayna mingthonkhi. Houjik phaaoba Eeshorgi chingdonda awaatpa leite haayna kounari.

15 Eeshorgi dutna nongmadondagi Abrahambu Amukka haanna kouraduna

16 Haayrak-e, "masi Eeshorgi paaoni. Ei eshaamak waashaklibani. Nahaakna amatta ngaayraba nachaa-nupaa phaaoba khaktana katthokpa ngamba maramna,

17 Eina nahaakpu kubigani, aduga nahaakki chaaron-shurondu nongmadonda leiriba thawaan-michakshinggumna amadi samudragi khongbalda leiriba leingoigumna mashing yaamhan-gani. Nahaakki chaaron-shuronna yeknabashinggi lamdu loushin-gani.

18 Nahaakna eigi yaathangdu kaidana chatpa maramna nahaakki chaaron-shurondugi mapaanna maalemsida leiriba jaat khudingmak bor phanggani."

19 Asumna Abrahamna paakhang ani leihou ba maphamduda halladuna makhoybu puraga Beersebada laakkhi aduga maphamduda Abraham leikhi.

Nahorgi chaaron-shuron

20 Haayriba mathakki thoudokshinggi matungda Abrahamna asumna paaodamkhi, "yeng-u, nahaakki nanaao nupaa nahorgi nupi Milkahsu machaashing pokle.

21 Ehan hanbana uz, manaao-nupa Buz, Aramgi mapaa Kemuel,

22 Kesed, Hazo, Pildas, Betuyel,

23 Bethuelna Rebekah nachingba nipaansi Milkahna Abrahamgi manaao nupaa Nahotda pokkhiba machaashingni.

24 Asigisu mathakta mahaakki nupi atonbi Reumahna Tebah, Gaham, Tahas amadi Maakah pokkhi.