1 Kings 6
Solomonna ningna sanglen saagatpa houhanba
6 Egypttagi Israelgi misingna thorakpa chahi 480 matung adugaa Solomonna paanba chahi mari subaa matamda Ziv kouba thaada Eesor-bu khurumjanaba ningna sanglendu saaba houkhi. 2 ningthou Solomonna Eesor-gidamak saakhiba ningna sangdu feet 90 sanglammi. feet 30 pak-e. adugaa feet 45 waanglammi. 3 Haayriba ningna sangsigi mamaangda leiriba sumangdu mayungda lam kun adugaa marakta lam kun oirammi. 4 ningna sanggi thongnaaosingdu Aramdar nanlaba una challammi. 5 ningna sanggi phaklanggi akoybada ekoy koyna chekpan amaa khagatlammi. Sumang amadi manungda sonnapung amasu saagatlammi. akoybada achouba ka kayaamarum yaohallammi. 6 maakha thangba marondusu lam mangaa paklammi. ahumsuba maronduna lam taret paklammi. mayaaida piriba khangenduna ningna sanggi phaklangda ngasindanaba akoybada chingak pirammi.
7 Ningna sanglen saringeida manin makhon thoktana thabak chatthanaba haayduna nung semphamda phajanaa saraklaba nungkhakta mahaplammi. Ningna sanglen saringeida khutlai sijinnadanaba thouraang toukhi.
8 maakha ethang thangba marondugi changphamna khaa thangba maaykeida paallammi. mayaai thangba kaada changge haayrabadi sirida kakhatpa taarammi. adugaa mayaai thangba marondudagi sirida kakhatlaga matonda leiriba bagadu taarammi. 9 asumna Solomonna ningna sangdu saaba loikhi. ningna sanggi manung amadi mathakta thaariba silingdu achouba khangel amadi deodardgi khaaidoklaba upakna oirammi. 10 Ningna sangga sangba mannaba asangba ka sarammi. Maron amam-mamda lam mangaa mangaa waanglammi. Ningna sangduda deodargi ujao thaaduna samnahallammi.
11 Matamsida Eesor-na Solomonda haayrammi, 12 "Nahaakna Eigidamak sariba ningna sangsigi maramda Eina haigadouba waadu asini: Nahaakna eigi yaathang, chatnaron amadi pathap-singdu kaidana ellabadi napaa ebungngo Davidta eina haaykhiba waasingdu kaidana thunghan-gani. 13 adugaa ningna sanglen-sigi manungda leiduna Israelgi misingga loinabigani. eigi mi oiriba Israelbu Eina thaadokloi.
14 asumna Solomonna ningna sangdu saaba loisinkhi.
Ningna sanglenda leiriba potsing
(2 miron 3:8-14)
15 Ningna sangdugi manungda apaakpa deodarna semba upakna phaklangda naplammi. maasi ningna sanggi makhongdagi silling thaaribadu youba phaaoba naplammi. leimaaydadi uchan upakna chaang manaana thaarammi. 16 Ningna sangdugi manung hanjinna Khwaaidagi sengthoiraba maphamdugi mamaangda leiriba kadu lam kun sanglammi. 18 Ningna sanglengi manungda hapliba deodargi upaksingduda khongdrum amadi sattoklaba leisinggi maong yektuna thamlammi. Manungda deodar nattana nung amaa phaaoba ubaa phanglamde.
19 Ningna sanglengi manung hanjinba maphamduda ka amaa semduna Eesor-gi phan-khong thamnaba mapham semkhi. 20 Haayriba manung hanjinba sonnapungsi lam kun sanglammi adugaa lam kun paklammi. Lam kun waanglammi. Haayriba sonnapu-ngsi asengba sanaana yomsinlammi. Sonnapungsida deodarna saaba phankho-ng amasu saaduna thamlammi. 21 Ningna sanglengi manung thangba ka pumnamak asengba sanaana mari chingduna yaantharammi. 22 Khwaaidagi sengthouiraba maphamduda leiriba phaankhong amadi ningna sanglengi manungda leiriba potsingdu asengba sanaana yomsinlammi.
23 Chorphon paambi sijinnaduna karubim ani sonnapungdugi manaakta saaduna thamlammi adugaa maasi metre mari khara henna waanglammi. 24-26 animak chaaoba pikpa amadi maong chap mannarammi. animak masa ani ani paallammi. adugaa masa amam-mamsu metre anidagi khara hellammi. masa maton amadagi maton amaa phaaobada metre maridagi khara hellammi. 27 Haayriba karubim anisi Khwaaidagi sengthoiraba maphamdugi nakanda thamlammi. adugaa masa amanaa kadugi mayaaida adugaa atoppa masa amaduna phaklang so klammi. 28 Karubim anidu sanaana yomsinlammi.
29 ningna sanggi sanglen amadi manung thangba kadu karubim, thangtup paambi amadi leinachingba yektuna leiteng tourammi. 30 leimaay phaaoba sanaana phudoklammi.
31 Manungda leiriba sonnapungdugi thongdu chorphon paambigi upakna semba oirammi adugaa thongnaaodu maron mangaa thokna porobi kahanlammi. 32 Haayriba thongsi karubimgi maong yektuna leitenglammi. Thangtup paambi amadi satkairaba leinachingbasu yektuna phajahanlammi. pumnamaksi sanaana leiteng oinaa yomsin-lammi. Karubim amadi thangtup paambidugi marakta sanaana maron amaa leiteng oinaa haktuna semlammi.
33 Sumangi changphamda paalliba thongdusu chorphaon paambigi upakna semlammi. maadugi maraak mayung chap mannarammi. 34 Masigi thongdu uchan paambidagi semba ani amaa, adugaa thongdu mayaaida khaaidok-e, nakan nakan haidok haijin yaanaba semlammi. 35 Haayribasigi mamaidasu karubim, thangtup paambi amadi satlaba leinachingba yektuna leitenglam-mi. Haayriba-singsigi mathakta sanaana yomsinlammi.
36 Manungda leiriba loisangdu maron ahum thokna nungna haktuna sarammi. Masida deodargi khangel achouba amam-mam haplammi.
37 Marisuba chahida Eesor-gi ningna sangdugi yumphamdu thongatnaba thouraang toukhi. maasi Ziv kouba thadudani. 38 Taraamaathoy subaa chahigi Bul kouba thaduda Ningna sanglen awaatpa amatta leitaana saaba loikhi. maasi yekthoktuna thamkhiba maongduda karisu aakaaiba yaaodana saakhi. Ningna sanglensi saabada Solomonna chahi taret thabak toukhi.