Zechariah 9

1 Eeshorgi laaibaoduda asini: Ebungngona  Hadrach amadi Damascuspu awap-ham pinaba yaathang toukhre. Israelgi Jaatshingdagi hendokna Syriagi konung phaaoba Eeshorgini.

2 Hadrachki akoybada leiriba Hamath amadi Tyre amadi Sidongi areiba pumbaa ebungngogini.

3 Tyrena laanban shaaduna silver amadi sanaa uphulgumna peishinduna thamli.

4 Adubu mahaakki leijaba pumbaa Eeshorna loina louthokkani. Mahaakki leijariba maransi Ebungngona epaakta thadagani amasung saaharsi tumna maanghan-gani.

5 Askelonggi saaharna maasibu ubada akibaa pokkani. Gazasu maasibu uraga akibaa pokkani. Matou asigumna Ekronsu oigani aduga mahaakki leijaramba waakhal pumbaa arembada taagani. Gazada ningthou pallaroi aduga Askelon leikangla oiragani.

6 Yaanshinnaraba mishingna Asdodta leigani. Eeshorna taakpiri: "napal touraba Philistishingsi eina nolluk-han-gani. 7 Makhoyna eeteiba shaa chararoi nattraga chaheidaba chinjaaksu chararoi. Hinghourabashingdu eigi mishing oigani. Judahgi saagei amagumna Ekronsu eigi mi oigani.

8 Eina eigi lamsi phajanaa ngakkani aduga yeknabashingdu maasi phaaoduna chathalloi. Phattabashingna eigi mishingbu ot-neihalloi. Eigi mishingna waana khangbadu eina ukhre."

Tunggi ningthou

9 Harao tayaamlo, Ziongi mishing. Jerusalemda leiribashing nungaai-jaro. Yeng-u, nakhoygi ningthoudu laakle. Ebungngo mahaakna maay pakna laakle, thorakle lolaa lolagi machaa amaa tongduna nollukna.

10 Eeshorna taakpiri: "Israelgi laangi dolai louthokkhragani. Jerusalemgi shagolsu louthoklagani. Laanphamda shijinnariba ten-shingdu leihallaroi. Nakhoygi ningthouduna Jaatshinggi marakta engthaba purakkani. Ebungngo mahaakna epaak amadagi epaak aroibadu phaaoba paan-gani, paan-gani Ebungngona euphrate turendagi houraga maalemgi aroibadu phaaoba."

Eeshorgi mishingbu kanbiba

11 Eeshorna taakpiri, "thougi eena makhum oiduna eigi areppa waashaktu nakhoyda pikhiba maramna, eina nakhoygi mishingbu thaadokpiragani. Thaadokpigani makhoybu loi chan-gadoubadudagi.

12 Waakhalgi meiri chukhat chaaraba laanphashing hallaklo nakhoygi nungaairaba naphamduda. Eina nakhoyda khanghalli nakhoyna awaaba takhibadugi maramna sharuk ani henna kubigani.

13 Judahbu laanmigi tenjeigumna shijinnagani, Israelbu tengumna sijannagani. Ziongi mishingbu thaangshaanggumna shijinnagani, nakhoyna Greeceki mishingga laan thengnagani."

14 Eeshorna miyaamgi mathakta ngaanthoibire. Nongthaang kuppagumna Ebungngona ten kapkani. Matik magunna thallaba Eeshorna pere khongani. Kharomdagi ebungngodu nonglei marakta khongshaallakkani.

15 Paanggallaba Eeshorna ebungngogi mishingdu kanbigani, aduga makhoyna yeknabashingbu maanghan-gani. Makhoyna yu ngaaorabashinggumna laanphamda laaogani. Makhoygi yeknabashinggi eedu taahangani. Tenggot amadagi thougidamak phaankhongda heithaarakpa egumna chenthahn-gani.

16 Adugumba numittuda Eeshorna mahaakki mishingbu kanbigani, yaaoshenba yaaobu khudongthibadagi kanbagumna kanbigani. Luhupta haappa muttana nganbagumna ebungngogi lamduda makhoy ngaangani.

17 Kayagi matik phajaba amadi leihao leiramgadaba ebungngogi lamdu. maasida phangba mahei chaaduna amadi yu thaktuna nahaa oiribashingduna mapaanggal thakkatkani.