Psalm 34
Eeshorgi matik thaba
1 Nanaina thaagat-chaagani Eeshorbu matam leibada, ebungngogi matik magun thaaba keidoungeida tokloi.
2 Ebungngona toubikhibadu thaaduna thaagat-chaagani, awaabada taarabashingduna maasibu tajaraga nungaaijasanu.
3 Eeshorgi achouba matiktu phongdok-u, eikhoy tinnaduna ebungngogi minglen thaagatlasi.
4 Eina Eeshorda haayjaba matamda Ebungngona paaoukhumbirakhi. Ebungngona eibu akibaa kokhanbi.
5 Ot-neibirabashingduna ebungngoda yengduna nungaaiba pok-e, makhoy keidoungeidasu ningba kaide.
6 Upai leijadrabashingduna ebungngobu koujaba matamda tengbangbi, makhoyna khudongthiba tabadudagi Ebungngona kanbi.
7 Eeshorgi yaathang enjabashingdubu dutshingna ngakhalli, Ebungngona makhoybu khudongthibadagi kanbi.
8 Eeshor kayaa phaba nashaana chaang touduna yengjou, ebungngogi mathanungda thupcharibashingdu nungaaibani.
9 Ebungngogini haayna leiribashing, Eeshorbu kina chatchou, Ebungngona haayba enbashingdu awaatpa leitbani.
10 Machinjaak phangdrabadi nongsha phaaoba chara helli, Eeshorgi yaathang ngaakpashingdudi awaatpa karisu leite.
11 Marupshing, eigi waasi tabiyu, Eeshorbu karigi ekaai-khumnagadouribano eihaak haayjage.
12 Punsisi mahei yaanba pamdra? Punsi shaangna nungaaina leiningdra?
13 Pamlabadi phattaba amadi oidaba ngaangba toklo,
14 Phattaba thaadoktuna aphaba thabak touro, thawaay hakchaang yaaonaingna pannaba laambeldu thiro.
15 Eeshorna achumba toubashingdu shennabibani, makhoyna haayjabadusu Ebungngona taabani.
16 Adubu phattaba thabak toubashingdu Ebungngona namthabani, makhoyn shiba matungda kanaanasu ningshingde.
17 Achumba toubashingduna Eeshorbu ningshingi aduga Ebungngona tabi, Ebungngona makhoybu khudongthibadagi kanbi.
18 Pukning hanthaarabashingdugi manaakta laningthouna nakna leibi, asha leijadrabashingdusu Ebungngona kanbi.
19 Aphaba misu phattabada taaba yaai adubu Eeshorna khudongthiba khudingdagi kanbi.
20 Eeshorna adugumba nupaadu ngaakpi maramsina mahaakki matu tubum amaa tatte.
21 Phattabana phattababu maanghanbani, achumba thabak toubashingbu thaoidabashingdu cheirak phanggani.
22 Eeshorna manaaishingbu kanbigani, kanbinaba ebungngoda changjaribashingdu ngaakpigani.