Exodus 6
6 Adubu masi tabada Ishor-na Mosesda hairak-i, "Eina Pharaohbu dandi piba matamda nahak ugani. Kanna taksinba matamda mahakna nakhoibu thadokkadabani. Asengbamak kanna taksillabatada mahakki leibaktagi nakhoibu tanthokkadabani."
Amuk hanna Mosesbu koubiba
2 Ishor-a Mosesda hairammi, "Ei Ishor-ni. 3 Eina Abraham, Isaac amadi Jacobki maphamda wangthoiraba Ishor oina uhankhibani. Makhoigi maphamda Eina eigi minglen Ishor haibasi khanghankhide. 4 Makhoina Saidangduna leiriba Canaan kouba leibaktu makhoida pigani haiduna areppa wasak ama leinakhi. 5 Egyptta leiriba Israelgi mishing bandigi matougumna leiribasingsina kappa laoba loina Eina tare. Eina leinakhiba areppa wasaktu ningsinglakle. 6 Maramsina Israelgi mishingda haiyu: Eihak Ishor-ni. Maramsina Eina nakhoibu Egyptki mishinggi makhuttagi kanbigani. Ipambomsi tingthoktuna amadi matik chana wayel thouda piduna nakhoibu kanbigani. 7 Nakhoibu eina eigi inaising oina khandokkani aduga Eisi nakhoigi Ishor oigani. Matamduda nakhoina potlum puramba Egypttagi nakhoibu puthokpirakkhiba Ishor-duni haiba khanggani. 8 Abraham, Isaac amadi Jacobki maphamda eina pigani haina wasakkhiba lamduda puduna lakkani. Hairiba lamsi nakhoigi oihangani. Eihak Ishor-ni haibasida khangu." 9 Hairiba pumnamaksi Israelgi mishinggi maphamda chatlaga Mosesna phongdo klammi. Adubu Mosesna haiba wasingdu miyamna thoidokna pukning changna takhide. Makhoina awaba khangba aduga matou thiraba bandida leiba maramna mishingdu thoidokna thamoi kalammi.
10 Matamduda Ishor-na Mosesda hairammi, 11 "Egyptki ningthou Pharaohda chatlaga haiyu: Israelgi mishingbu mahakki leibaktagi chathangadabani." 12 Mosesna Ishor-da hairammi, "Israelgi mishingsina eina haijaba wadu thajade. Adu oirabadi chinphen phattaba eina ngangba wadu Pharaohna karamna tabigadouribano?" 13 Asumna Ishor-na Pharaoh amadi Aronda yathangsi amukka hanna pirammi. Makhoibu Israelgi mishinggi lamyanba oina thoudang pirammi. Egyptki ningthou Pharaohgi mathaktasu Israelgi mishingbu mahakki leibak thadoktuna chathankhigadabani haiba yathangsi pirammi.
Moses amadi Aaron-gi charon suron
14 Mapa mapusinggi yumburensinggi maming: Israelgi macha ahal Ruben-gi machasing: Hanok, Pallu, Hezron, karminachingba oirammi. Hairibasingsi Ruben-gi imunggi mishingni. 15 Simeon-gi machanupasing: Jamuel, Jamin, Ohad, Jakin, Zohar amadi Canaan ningngolgi machanupa Shaulni. Masina Simeon-gi imung manunggi mishingni. 16 Miron-gi matung inna Levigi machanupasinggi maming: Gershon, Kohath Merarinachingba oirammi. Levi chahi chamaga kunthrataret punsirammi. 17 Gersonna pokpa machanupasing: Levini, amadi Shimei amadi makhoigi imung manung. 18 Kohathki machasing: Amram, Izhar, Hebron, amadi Uzziel nachingbasingsi oirammi. Kohath chahi chamaga kunthrahumdoi punsirammi. 19 Merarigi machanupasing: Mahli amadi Musinachingba oirammi. Makhoisingsi Levigi dharagi miron matung inna louraba mikok oirammi. 20 Amramna mapaga pokminnaba mane mahakki nupi oina lourammi. Hairiba nupisina Aaron amadi Moses pokkhi. Amram chahi chamaga kunthrataret punsirammi. 21 Izharna pokkhiba machanupasing: Korah, Nepheg amadi Zikri oirammi. 22 Uzzielna pokpa machanupasing: Misheal, Elzaphan, amadi Sithri oirammi, 23 Aronna Amminadabki machanupi Nahson-gi mache Elzaphanbu nupi oina loukhi. Hairiba nupisina Nadab, Abihu, Eleazar, Ithamarnachingba pokkhi. 24 Korahna pokpa machanupasing: Assir, Elkanah, Abiasaph nachingba oirammi. Makhoisingsi Korahgi sageigi mishingni. 25 Aaron-gi machanupa Eleazarna Putielgi machanupisinggi maraktagi ama nupi oina loukhi. Hairiba nupisina Pinehas pokkhi. Mathakta piriba mishingsi Levigi imung manunggi yumburensinggi mishingni.
26 Moses amadi Aaronda Lainingthou Ibungona haibikhiba wasingdu asini: shanggu oina chingduna Isrealgi mishingbu Egypt leibaktagi puduna lak-u. 27 Moses amasung Aaron makhoi anisina Egyptki ningthouda Israelgi mishingbu Egypttagi thadokpikhinaba wa haikhi. Makhoi anidu Moses amadi Aaron hairiba nupa anisini.
28 Egyptta Mosesgi maphamda Ishor-na wa haibiba numittuda, 29 Ishor-na Mosesda hairammi, "Ishor-du Eini. Eina nahakki maphamda haikhiba wasingdu Egyptki ningthou Pharaohgi maphamda chitthaba leitana haigadabani." 30 Masi tabada Mosesna Ishor-gi khuyakhada hanggatcharak-i, "yengbiyu, Eidi chinphen phaba mi ama natchade. Maramsina karamna Pharaohna eina haigadouriba wadu tabigadouribano.?"