Isaiah 45
Eshor-na Cyruspu khanba
45 Eshor-na mahakki thao noiraba Cyrusta hairammi, Ibungogi makhutmakna Cyruspu pamkhatpikhi, namthanaba jatsingdu mahakki mamangda, thudekpinaba ningthousinggi mapanggaldu, mahakki mamangda thonggal ama phaoba thingba ngamloi, hangduna thamgani thongsingsu.
2 Nahakki namang thaduna chatkani eina, temthokkani eina chingsingdu, pithraina saba thonggalsingdu thudekkani eina, yotki pouronsingdu namthekkani eina.
3 Amamba maphamdagisu pibigani eina nangonda lan- thum kayamarum, lotliba aronba maphamduda, masidagi nahakna eihak Eshor-ni haibadu khanggani, khanggani nahakki naming panduna koukhiba aIsraelgi Mapu Ibungoni haibadu. 4 Inai Jacob amadi eina khandokkhraba Israelgi maramgidamak, eina nahakpu naming panduna kouribani, nahakna Eibu isak khangdrabasu nahakpu pham pibirabani,
5 Eini Eshor-du. Eihak nattana lai ama leite, Ei nattana atei lai ama leite, nahakna eibu khangdrabasu nahakpu Eina napanggal happirabani,
6 Masina numit thokpa amadi taba maphamdu phaobada tariba mishingna eihak Eshor-ni haiba khangnagani, Eini Lainingthoudu. Eihak nattana atei ama leitrabani.
7 Eina mangal semmi aduga amambasu semmi, awaba amadi nungngaiba eina oihanbani Eshor oiriba eina hairiba pumnamaksi touribani,
8 Hey nongmadon, nahakna achumbadu nong chubagum thatharak-u, nongthakta leiriba koirou, nahakna madubu tahallak-u, malemsina madu loujanaba thong hangdokchasanu, masida aran khubhamgi maheidu phangjaba oisanu, satsanu asengbaduna leirang oiduna masigi nakanda, Eshor oiriba eina hairiba pumnamaksi semkhribani.
9 Chaphuduna sariba midusu penbiba ngambra? Leibakna saba patraduna sariba midubu ikai khumnabra? Leikhomduna chaphu sabaduda mahakna saribadu karino haina hanggdra? Mahakna saba pottuna mangonda nahakti nakhut heite haiba ngamgadra?
10 Angangna mapada nahakna eibu karigi pokpiribano haigadra? Nattraga mamada nahakna eibu pokpiriba karigino hangadra?
11 Nahakki leisemba Mapu Israelgi Ibungo Lainingthouna asumna hairi: nahakna eigi ichasinggi maramda wahang hangnaba napanggal amadi narousing leibra? Nattraga eina touba thabakki mathakta nahakna eingonda lousing takpa ngamgadra?
12 Malemsi semkhibadu eihak ithantani, malemsida leiriba taibang mishingsisu ei ithantana semkhibani, ikhutmakna semkhibani koirousi, oihankhibani eina tagup tarengliba masida leiriba jiba pumnamaksu,
13 Ei ithantana asigumba nupasi semgatlibani, mahakna chatkadaba lambeldu atek akai amatta leihalloi, sagatkani mahakna eigi sahardu, nongthak nongkha anigi Mapu Eshor-na takpiri, mamal piduna nattraga senja thumja touduna hairibasi touroi.
14 Eshor-na asumna takpiri, Egypttagi thabak subasing aduga Ethiopiagi lalonbasing, loipot kaba lakkadaba Sebada leiba mishingdu, nahakki naphamda lakkani aduga makhoi nahakki nanai oigani, makhoina nahakna haiba wadu in-gani. Makhoi yothing thangladuna lakkani aduga nahakpu khurumgani, makhoina nahakki naphamda haijagani, " Mapu Ibungona nahakka loinabire. Mahak nattana atei lai ama leite."
15 Asengbamak nahakti maithong lottuna leiriba Mapu amani hey lanbiba Mapu Israelgi Ibungo.
16 Mahakki mayokna leppasingdu maithihalli, lai murti sabasingdu chamamnahalli, 17 Adubu Israeldi Eshor-na kanbirabani, lakkadaba matamda tagadabaawabasingdudagi kanbirabani Eshor-na. Matam leiba khibikta makhoi maithiba amadi ikai nangba amatta thokhalloi.
18 Asengba Mapu Ibungo oibiriba, nongmadonsibu sembiba Mapu Lainingthou Ibungona asumna takpiri, sabikhiba malemsi aduga thambikhiba lengdana mapham amada, ahangba mapham oina sembidaduna mi tanaba mapham oina sembikhiba mapuduna hairi, Eini Lainingthoudu. Eihak nattana atei ama leite.
19 Eidi lonna amambada wa ngangba mi natte, Jacobki machasingda "Eibu arembada thiyu" haibasi keidoungeidasu haikhidri. Eshor oiriba eidi achumba amadi asengbakhakta haibani.
Lainingthouna itihaski mapuni
20 Nakhoi amatta oina punsinduna nakna changsillak-u, leihouriba Jatsinggi iremkhaksing, pareng lengduna koina chatpa matamda puriba una saba lai murti, apangba nakhoisu loina chitthaba leitana lak-u, nakhoibu kanbiba ngamloidaba lai amadi amagi maphamda changjaduna khurumjou.
21 Punna tannaduna nakhoigi waphamsi ngamjaba haiba yaba wasingdu haijanaba thourang touro, Hairiba waphamsi thaina mamangngeida kanana haikhibage? Matam yamna kuirabagi mamangda kanana nakhoida masi takpikhibage? Madu Eshor oiriba eina natra? Ei nattana atoppa lai ama leite. Langamba Mapu eihak nattana atoppa eiga changdamnaba yaba lai atei leite.
22 Eingonda yengjabatada eidi kanbibani, malemsida leiriba mishing nakhoibuni hairibasi, Eini Mapu Ibungodu, eihak nattana atei lai ama leite,
23 Isagi itik panduna wasaklibasini, namungkhrabani eina mai pakhangani haina, sakkhriba wasaksi kaiba yade, eigi imangda taibang mi khuding nongadabani, sakkadabani machinna hongnaidaba wasaktu.
24 Eshor-gi thoujandukhakta yenglaga taibang mina haigani, masini mai pakpa amadi joy touba haibadu. Masibu hiktokpa mishingdu mahakki mamangda ikaina lepkani,
26 Adubu Israel machasingdi mai pakpagi phiran paiduna lepkani, phudokkani makhoigi matik mayaidu Eshor-gi minglenda.