Numbers 29

Cheiraobagi potkat  

(Litchat 23:23-25)

29 Taretsuba thagi ahanba numitta nakhoi punna tinagadabani. Numitsida akanba thabak toupharoi. Numitsida perenachingba khongduna leigadabani. 2 Numitsida Eshor-gi khuyakhada meida thaduna katpa thou pangthoktuna manam nungsiba thok-han-gadabani. Masida shan-lamcha ama, yao laba ama aduga asoi angam leitaba yao laba chahi amarom suraba taret amasu katkadabani. 3 Masigi matung inba mahei maronggi thou oina thaoga yannaraga apahaba yam shallaba amagi oina ephah amagi saruk tara thokpagi ahum, yao labadugina saruk ani, 4 Yao tarettugi oina ephah amagi saruk tara thokpagi amamam katkadabani. 5 Ayon-aran-gi thou oina hameng laba ama katkadabani. 6 Anouba thagi meida thaduna katkadouba thou, atatpa leitana meida thaduna katliba thou, mahei maronggi thou pumnamaksi Eshor-gi khuyakhada niyam amadi yathang kaidana manam nungsina katlibadugi mathakta katkadabani.

Ayon-aran-gi numitta katkadouba 

(Litchat 23:26-32)

7 Taretsuba thagi tarani panbada asengba mitin ama phamgadabani. Nakhoina numitsida awaba maithong puduna leigadabani. Numitsidasu thabak suba yaroi. 8 Manam nungsiba thok-handuna Eshor-gi maphamda meida thaduna thou ama katkadabani. Masida shan-lamcha ama, yao laba ama, chahi amarom suraba yao laba taret asoi angam leitaba khallaga katkadabani. 9 Masiga konnana mahei maronggi thou aphaba yamda thao haplaga shallaba amada ephah amagi saruk tara thokpagi ahum, yao labadugi ani, 10 Yao tarettugina saruk amamam oigadabani. 11 Ayon-aran-gi thou oina hameng laba amasu katkadabani. Hairibasi atatpa leitana katpa meida thaduna touba thou, mahei maronggi thoudugi mathakta katkadabani.

Saidangbagi usob 

(Litchat 23:33-44)

12 Taretsuba thagi taramangani suba numitta nakhoina asengba mitin ama phamgadabani. Numitsi akanba thabak touba yade. Usob ama Eshor-gi khuyakhada numit taretni chupna katkadabani. 13 Manam nungsiba thok-handuna meida thaduna touba thousu pangthokkadabani. Masida shan-lamcha tarahumdoi, yao laba ani chahi ama suraba yao laba taret amasu katkadabani. Pumnamaksi asoi angam leiba yade. 14 shan-lamcha tarahumdoidugi mahei maronggi thou oina ephah amagi saruk tara thokpagi ahum ahum, laba anidugi saruk ani ani, 15 Yao macha tarettugi oina amamam katkadabani. 16 Atatpa leitana meida thaduna katliba thou, mahei maronggi thou, thaknaba thougi mathakta hameng laba kattuna ayon-aran-gi thou touthokkadabani.

17 Anisuba numitta shan-lamcha taranithoi, yao laba ani, asoi angam leitaba yao macha taramariga katkadabani. 18 Yathanggi matung inna shallaba, yao laba amadi yao machasingdugi mashingga konnana mahei maronggi thounachingba loina katkadabani. 19 Atatpa leitana katliba meigi thou, mahei maronggi thou amadi thaknaba thounachingbadugi mathakta ayon-aran-gi oina hameng ama katkadabani.

20 Humnisuba numitta shallaba taramathoi, yao laba ani, chahi ama suraba yao macha asoi angam leitaba yengduna taramari amasu katkadabani. 21 Yathanggi matung inna shallaba, yao amadi machasinggi mashinga konnana mahei maronggi thou katkadabani 22 Atatpa leitana meida thaduna katliba thou mahei maronggi thou amadi thaknaba mahi katpadugi mathakta ayon-aran-gi thou oina hameng laba ama katkadabani.

23 Marinisuba numitta shallaba tara, yao laba ani, asoi angam leitaba yao macha taramariga katkadabani. 24 Yathanggi matung inna shallaba, yao laba amadi yao machasingduga konnana mahei marong amadi thaknaba thounachingbasu katkadabani.

25 Atatpa leitana meida thaduna touriba thou, mahei maronggi thou amadi thaknaba mahi katpagi thoudugi mathakta ayon-aran-gi thou oina hameng laba ama katkadabani.

26 Manganisuba numitta shallaba mapan, yao laba ani, asoi angam leitaba yao macha taramari katkadabani. 27 shallaba, yao laba amadi machasingdugi mashingga konnana mahei maronggi thou amadi thaknaba mahisu katkadabani. 28 Atatpa leitana meida thaduna touba thou mahei maronggi amadi thaknaba mahi katlibadugi mathakta ayon-aran-gi thou oina hameng laba amasu katkadabani. 29 Taruknisuba numittuda shallaba nipal, yao laba ani, asoi angam leitaba chahi ama suraba, yao laba taramari katkadabani. 30 Yathanggi matung inna shallaba, yao laba amadi machasingdugi mashingga konnana mahei marong amadi thaknaba mahisu katkadabani. 31 Atatpa leitana Meida thaduna touba thou. Mahei maronggi thou amadi thaknaba thoudugi mathakta ayon-aran-gi thou oina yao amasu katkadabani.

32 Taretnisuba numitta shallaba taret, yao laba ani aduga chahi ama suraba yao macha asoi angam leitaba taramari katkadabani. 33 Shallaba, yao laba, amadi machasingdugi mashingga konnana mahei marong amadi thaknaba mahisu katkadabani. 34 Atatpa leitana katliba meida thaduna touba thou, mahei maronggi amadi thaknaba thoudugi mathakta hameng laba amasu ayon-aran-gi thou oina katkadabani.

35 Nipalni suba numitta chinglemna mitin ama phamgadabani. Numitsida akanba thabak toupharoi. 36 Lainingthou Ibungogi khuyakhada hairiba numitsida manam nungsiba meida thaduna touba thou katkadabani. Masida shallaba ama, yao laba ama, asoi angam leitaba yao laba macha taretka katkadabani. 37 Yathanggi matung inna shallaba, yao laba, amadi machasingdugi mashingga konnana mahei marong amadi thaknaba mahigi thousu katkadabani. 38 Atatpa leitana meida thaduna katpa thou, mahei maronggi amadi thaknaba thougi mathakta ayon-aran-gi oina hameng laba amasu katkadabani. 39 Nakhoina sakkhiba wasak ngakpagi thou, katningna katchaba thou meida thaduna touba thou, mahei maronggi thou, thaknaba mahigi thou amadi lamdai sumdaigi thousingsigi mathakta pankhiba thousingsi Eshor-gi maphamda katkadouriba usobsingni.

40 Eshor-na Mosesda takpikhiba matung inna waphamsi Mosesna Israelgi mishingda takpikhi.