Numbers 29

Cheiraobagi potkat  

(Litchat 23:23-25)

29 Taretsuba thaagi ahaanba numitta nakhoy punna tinagadabani. Numitsida akanba thabak toupharoi. Numitsida perenachingba khongduna leigadabani. 2 Numitsida Eesor-gi khuyaakhaada meida thaaduna katpa thou paangthoktuna manam nungsiba thok-han-gadabani. Masida san-lamcha amaa,  yaao laaba amaa adugaa asoy angaam leitba yaao laaba chahi amarom suraba taret amasu katkadabani. 3 Masigi matung enba mahei maronggi thou oinaa thaoga yaannaraga apahaba ata, sanlaba amagi oinaa ata kilo ahum, yaao labadugina ata kilo ani  4 yaao tarettugi oinaa ata kilo amam-mam katkadabani. 5 Ayon-araangi thou oinaa haameng laaba amaa katkadabani. 6 anouba thaagi meida thaaduna katkadouba thou, atatpa leitaana meida thaaduna katliba thou, mahei maronggi thou pumnamaksi Eesor-gi khuyaakhaada niyam amadi yaathang kaidana manam nungsina katlibadugi mathakta katkadabani.

Ayon-araangi numitta katkadouba

(Litchat 23:26-32)

7 Taretsuba thaagi taraani panbada asengba mitin amaa phamgadabani. nakhoyna numitsida awaaba maaythong puduna leigadabani. Numitsidasu thabak subaa yaaroi. 8 Manam nungsiba thok-handuna Eesor-gi maphamda meida thaaduna thou amaa katkadabani. Masida san-lamcha amaa,  yaao laaba amaa,  chahi amarom suraba yaao laaba taret asoy angaam leitba khallaga katkadabani. 9 Masiga konnana mahei maronggi thou aphaba atada thaao haplaga sanlaba amada aphaba ata kilo ahum, yaao labadugi ani 10 yaao tarettugina ata kilo amam-mam oigadabani. 11 Ayon-araangi thou oinaa haameng laaba amasu katkadabani. Haayribasi atatpa leitaana katpa meida thaaduna touba thou, mahei maronggi thoudugi mathakta katkadabani.

Saidangbagi usob 

(Litchat 23:33-44)

12 Taretsuba thaagi taramangani subaa numitta nakhoyna asengba mitin amaa phamgadabani. Numitsi akanba thabak touba yaade. Usob amaa Eesor-gi khuyaakhaada numit taretni chupnaa katkadabani. 13 Manam nungsiba thok-handuna meida thaaduna touba thousu paangthokkadabani. Masida san-lamcha tarahumdoi, yaao laaba ani chahi amaa suraba yaao laaba taret amasu katkadabani. pumnamaksi asoy angaam leiba yaade. 14 san-lamcha tarahumdoidugi mahei maronggi thou oinaa aphaba ata kilo ahum-ahum,aduga  laaba anidugi ata kilo ani-ani. 15 yaao machaa tarettugi oinaa ata kilo amam-mam, katkadabani. 16 Atatpa leitaana meida thaaduna katliba thou, mahei maronggi thou, thaaknaba thougi mathakta haameng laaba kattuna ayon-araangi thou touthokkadabani.

17 Anisuba numitta san-lamcha taraanithoi, yaao laaba ani asoy angaam leitba yaao machaa taramariga katkadabani. 18 Yaathanggi matung ennaa sanlaba, yaao laaba amadi yaao machaasingdugi masingga konnana mahei maronggi thounachingba loina katkadabani. 19 Atatpa leitaana katliba meigi thou, mahei maronggi thou amadi thaaknaba thounachingbadugi mathakta ayon-araangi oinaa haameng amaa katkadabani.

20 Humnisuba numitta sanlaba taraamaathoy, yaao laaba ani chahi amaa suraba yaao machaa asoy angaam leitba yengduna taramari amasu katkadabani. 21 Yaathanggi matung ennaa sanlaba, yaao amadi machaasinggi masinga konnana mahei maronggi thou katkadabani 22 Atatpa leitaana meida thaaduna katliba thou mahei maronggi thou amadi thaaknaba mahi katpadugi mathakta ayon-araangi thou oinaa haameng laaba amaa katkadabani.

23 Marinisuba numitta sanlaba tara, yaao laaba ani asoy angaam leitba yaao machaa taramariga katkadabani. 24 Yaathanggi matung ennaa sanlaba, yaao laaba amadi yaao machaasingduga konnana mahei marong amadi thaaknaba thounachingbasu katkadabani.

25 Atatpa leitaana meida thaaduna touriba thou, mahei maronggi thou amadi thaaknaba mahi katpagi thoudugi mathakta ayon-araangi thou oinaa haameng laaba amaa katkadabani.

26 mangaanisuba numitta sanlaba mapaan, yaao laaba ani asoy angaam leitba yaao machaa taramari katkadabani. 27 sanlaba, yaao laaba amadi machaasingdugi masingga konnana mahei maronggi thou amadi thaaknaba mahisu katkadabani. 28 Atatpa leitaana meida thaaduna touba thou mahei maronggi amadi thaaknaba mahi katlibadugi mathakta ayon-araangi thou oinaa haameng laaba amasu katkadabani. 29 Taruknisuba numittuda sanlaba nipaan, yaao laaba ani asoy angaam leitba chahi amaa suraba, yaao laaba taramari katkadabani. 30 Yaathanggi matung ennaa sanlaba, yaao laaba amadi machaasingdugi masingga konnana mahei marong amadi thaaknaba mahisu katkadabani. 31 Atatpa leitaana Meida thaaduna touba thou. Mahei maronggi thou amadi thaaknaba thoudugi mathakta ayon-araangi thou oinaa yaao amasu katkadabani.

32 Taretnisuba numitta sanlaba taret, yaao laaba ani adugaa chahi amaa suraba yaao machaa asoy angaam leitba taramari katkadabani. 33 sanlaba, yaao laba, amadi machaasingdugi masingga konnana mahei marong amadi thaaknaba mahisu katkadabani. 34 Atatpa leitaana katliba meida thaaduna touba thou, mahei maronggi amadi thaaknaba thoudugi mathakta haameng laaba amasu ayon-araangi thou oinaa katkadabani.

35 nipaanni subaa numitta chinglemna mitin amaa phamgadabani. Numitsida akanba thabak toupharoi. 36 Eesor-gi khuyaakhaada haayriba numitsida manam nungsiba meida thaaduna touba thou katkadabani. Masida sanlaba amaa,  yaao laaba amaa,  asoy angaam leitba yaao laaba machaa taretka katkadabani. 37 Yaathanggi matung ennaa sanlaba, yaao laba, amadi machaasingdugi masingga konnana mahei marong amadi thaaknaba mahigi thousu katkadabani. 38 Atatpa leitaana meida thaaduna katpa thou, mahei maronggi amadi thaaknaba thougi mathakta ayon-araangi oinaa haameng laaba amasu katkadabani. 39 nakhoyna sakkhiba waasak ngaakpagi thou, katningna katchaba thou meida thaaduna touba thou, mahei maronggi thou, thaaknaba mahigi thou amadi lamdaai sumdaaigi thousingsigi mathakta pankhiba thousingsi Eesor-gi maphamda katkadouriba usobsingni.

40 Eesor-na Mosesda taakpikhiba matung ennaa waaphamsi Moses-na Israelgi misingda taakpikhi.