Judges 3

Pibigani taakpikhiba lamduda lemhouriba Jaatsing

3 Eesor-na maaythiba pikhidaba Jaatsingdu makhaada piribasingsini: haayriba Jaatsingsi Israelgi mising thoidokna laannachingba amatta thengnakhidabasingdugi marakta leibasing oirammi. 2 Israelgi houkhiba miron kayaamarumdi lalong sinba heirammi. adubu hourakliba mirondudi enou nouna tambiba taarammi. 3 Makhoybu nouna laan tambinabagi damak ebungngona  khakkhiba Jaatsingdu makhaagi singsini: Philisti-singgi khullakpa manga, Canaan-gi lanmising, Sidonising, Lebanan chingda leiriba Hivising,Baal-Hermon Hamathki changphamdu phaaobada leiriba mising-nachingba singsi oirammi. 4 Haayriba Jaatsingsi Mosesgi matamda Israelgi misinggi mapaa mapusingna enjakhiba yaathangsingdu tungda hourakliba mironsingduna ennaa chat-kani chatloi chaang tounanaba khakkhibasingni. 5 maramsina Israelgi misingna Amorising, Perizzising, Hivising, amadi Jebusisinggi mathakta leirammi. 6 makhoyna haayriba Jaatsingsigi nupi-singdu charou mourounarammi. asumna Jaatsingsigi laaisingdu makhoysu ningkhi.

Othniel

         7 Israelgi misingna makhoygi Mapuroi Eesor-bu kaaothoktuna ebungngo-gi mityengda phattaba thabaksingdu toukhi. makhoyna Baal amada Astarothpu ninglammi. 8 maramsina Eesor-na Israelgi misingbu yaamna sao-rammi. maramsina ebungngona makhoybu Aram Naharaimgi ningthou Cusan-Risathaimda yonthokkhi. Israelgi mising Cusan-Risathaimgi misinggi minaai oinaa chahi nipaan leikhi. 9 adubu Israelgi misingna Eesor-bu koujaba matamda Israelgi misingbu kanbinaba Calebki manaao nupi Kenazgi machaa-nupaa Othnielbu thaarakkhi. 10 mahaakki mathakta Eesor-na mapaanggal amadi marousing happikhiba maramna Israelgi misinggi mathakta waayelduna pankhi. mahaakki matamda laan thokkhi. Masida Eesor-na Aramnaharaimgi ningthou Cusan-Risathaimbu maaythiba pihanbikhi. mahaakki makhutmakna Cusan-Risathaimbu haatkhi. 11 asumna Israelgi mising chahi niphu chupnaa engthana pankhi. Masigi matungda Kenazgi machaa-nupaa Othniel nonggaakhi.

Ehud

         12 Israelgi misingna amuk haanna Eesor-gi mityengda phattaba thabak toukhi. maramsina Eesor-na Moabki ningthou Eglonbu Israelgi mayokta leppa ngamnaba mapaanggal kalhankhi. makhoyna Eesor-gi mityengda phattaba thabaksingdu toukhi. 13 Mahaakna Amonising amadi Amaleksingbu khomjinlaga Israelgi mathakta laandaduna maaythiba pikhi. makhoyna thangtup paambi yaamna houba sahardubu lousinkhi. 14 Israelgi misingna Moabki ningthou Eglonbu chahi taraa nipaan minaai oinaa seba toukhi.

         15 adubu Israelgi misingna Eesor-gi maphamda haayjaba matamda makhoygi maraktagi Eesor-na makhoybu kanbinabagidamak makhut oi-thangbakhakta yaaoba Geragi machaa-nupaa Ehudpu khandokkhi. Israelgi misingna Moabki ningthou Eglonda pigadouba loipotsingdu Ehudna puduna chatlammi. 16 Ehudna painanaba feet 1.5 sangba maya maning mamaang animak paanba thang amaa sarammi. Thangdu mahaakna yet-thangba maphaiganda yeptuna chatlammi. 17 Mahaakna Moabki ningthou Eglonda khudon katlammi. Eglon yaamna noiba nupaa amaa oirammi. 18 Ehudna khudondu ningthouda katlaba matungda khudonsingdu puhallakpa misingdu mahaakka mayumda chatkhinaba yaathang tourammi. 19 adubu Ehud masaamakna Gilgalda leiriba nunggi murtisingdugi marumda leisillaga ningthouda haayrammi, "he ningthou, ebungngo-da haayjagadouba aaronba paao amaa nanaaina pujarakli." Mahaakna manaaisingda haayrammi, "nakhoy chatkhro. eikhoy anida leihouge." asumna ningthougi manaaisingdu chatkhre.

         20 Matonda silling thaaba ayingba kaada matomta phamba urabada, Ehudna mahaakki manaakta changsinkhirammi. Ehudna ningthouda haayrammi "Eesor-gi maphamdagi ebungngo-gi damak paao amaa nanaaina pujarakli." Masida ningthoudu phamphamlangdagi hougatlaaklammi. 21 Ehudna ningthou manaak hek youbaga yet-thangba maphaiganda yepliba thaangsaangdu satlaga makhut oinaa ningthougi mabukta. Thinjinlammi. 22 ningthougi mabukta thangkhoktu phaaoba changkhirammi. Mabuktu noimanduna thangkhoktu phaaoba thumjinkhirammi, Ehudna thangdu ningthougi mabuktagi sattoklamde. Mabu-ktagi ee taaba hourakkhi. 23 Thoudoksigi matungda Ehudna thongnaao phaodok-tuna chenkhi. Mahaakna mapaandagi thongnaao amadi thongjaosingdu lonsinkhi. 24 ningthou matomta thong lonsinduna thamkhi. Mahaakna chatkhraba matungda minaaising maphamduda laaklammi. Thongnachingba lonsinduna leirambadu ubada minaaisingna ningthoudu pottharibamalle ninglammi. 25 makhoyna yaamna kuina maong khangdana ngaaiduna leirammi. adubu matam amaa soiraklabada makhoyna so puraklaga thongdu haangdokkhi. makhoyna ningthoudu leimaayda taaduna leiramba thengnarammi. 26 makhoyna ngaaiduna leiringei matamduda Ehud nantho-ktuna chenkhi. Nunggi murtising leiriba maphamdu youraga Seirahromda chen-thakhi. 27 Mahaakna Ephraim youraga pere khonglammi Israelgi misingna mahaakka loynanaa chingdagi kumthara klammi. 28 Ehudna makhoyda haayrammi, “eigi tungillu maramdi nakhoygi yeknaba Moabki misingbu nakhoygi nakhutta taahanbire." makhoyna mahaakka loynanaa chat-tuna Moab-ki mamaangda leiriba Jordan-gi lamda sariba laanbandu lousinkhi. makhoyna mi amaa phaaoba chathallamde. 29 makhoyna mapaanggal mathouna leiba Moab-ki mi 10,000 rom haatkhi. mi amaa phaaoba naanthokpa ngamlamde. 30 asumna Moabsing haayriba numitsidagi Israelgi misinggi maakha ponkhi. Masigi matungda chahi niphu chupnaa engthana pankhi.

Samgar

         31 mahaakki matungda Anathki machaa-nupaa Samgarna luchingba oikhi. Mahaakna potpu kangdren paayduna Philisti 600 haattuna Israel-singbu kanbikhi.