Genesis 16
Hagar amadi Ismael
16 Abramgi nupi Saraidu matamsi phaaoba machaa poklamde. Saraigi Ezypt ningol Hagar koubi nupi amaa leirammi. 2 Saraina Abramda haayrammi, "houjikti yeng-u, Eesor-na eibu echaa pok-hanbidre maramsina eigi minaai nupisiga tinnou. Mahaakna angaang poklabadi eisu echaa phangba yaai." Saraina haaybadu Abramna yaarammi. 3 asumna Abramna Cannan-gi lamda chahi taraa leiraklaba matungda Abramgi nupi Saraina Egypt ningol Hagar puraktuna mapuroiba Abramda pikhi. 4 Abramna Hagrga phidinnaduna mironkhi amasung mirollakle haaybasi khanglabada Hagarna mabemmada tukkutchana yengba houraklammi. 5 Matamsida Saraina Abramda haayrammi, "Eingonda touriba araanbasi nahaakki nathakta taaba oisanu. Eina eigi minaaibu nahaakki nupi oinaba pikhre adugaa mahaak mirolle haaybasi khanglaklabada eibu taathi taaoina yeng-e. Eesor-na eigaa nahaakagi marakta matik chaana waayelbisanu." 6 Abramna waaphamsi taabada Saraida haayrammi. "Yeng-u, nahaakki nanaai nupidu nahaakki khutta leibani, nahaakna paamba matung ennaa mahaakki maphamda chatthaba yaai." maasi haaynaraba matungda Saraina minaainupidubu yaamna thina toubirammi. maramsidagi Hagar chenkhi.
7 Sur kouba lamduda chatnaba laambelda leiriba eephuttugi manaakta Eesor-gi dut amaa Hagarga thengnarammi. 8 Duttuna Hagarda haayrammi, "Saraigi minaai nupi Hagar nahaak kadaaydagi laaklibano adugaa kadaayda chatlibano." Hagarna khumjarammi." eigi ebemma Saraigi maphamdagi eihaak chellaklibani." 9 Eesor-gi Duttuna maangonda haayrammi, "nahaakki nabemmagi maphamda hallo adugaa mahaakki maphamda chaangjou." 10 Eesor-gi duttuna asumnasu haaybirammi, "nahaakki chaaron-surondu masing thibaa ngamdabamakhei yaamhan-gani." 11 maakha taathana Eesor-gi duttuna waaphamsimasu haaybirammi, "yeng-u, nahaak mirollabani, nahaakna nachaa-nupaa amaa pokkani adugaa mahaakki maming Ismael kougani. maramdi nahaakna khangjariba awaabasi Eesor-na ubirabani. 12 mahaakti saamu lamsaagum oigani, mi khudinggi mathakta mahaakki makhut thaagani adugaa mi khudinggi makhuttusu mahaakki mathakta thaagani. mahaakti saagei nateisinggi mathakta paan-gani. 13 maramsina Hagargi maphamda waaphamsi phongdokpikhiba Eesor-dubu kouraduna asumna haayjarammi. "ebungngo nahaaksi mitna ubaa Mapudumakni." adugaa matamsimaktada mahaakna masisu haayjakhi," Eesor tasengna urabamaktada eihaak houjik phaaoba hingli?" 14 maramsina eephuttubu Beer Lahai Roi koukhi. maasi Kades amadi Baredki marakta leiribaduni. 15 Hagarna Abramda machaa nupaa amaa pokle. Hagarna pokpaa machaa-nupaadugi maming Abramna Ismael koukhi. 16 Hagarna Ismael pokpaa matamda Abram chahi 86 surammi.