Proverbs 28
1 Phattabashingna nakhoygi tungda kanaana tannadrabasu chelli. Adubu mapukchel shengba nupaaduna nongshagumna thouwi.
2 Jaat amanaa araanba touba matamda, phattabana mathang mathang oinaa waayen-gani. Jaat amagi mapaanggal ashingba amadi loushing leiba mina paanba matamda hen-gatkani.
3 Matik leiba kanaagumbana laairababu neibirabadi mahei marong mangnaba taariba nongga pankhakni.
4 Chatnarondu thaoidrabadi, phattabashinggi ngamkheida nakhoysu yaaore. Adubu chatnarondu ngaakna chatlabadi makhoygi mayokta nakhoy leirabani.
5 Phattabashingna achumbadu karino haayba khangde adubu Eeshorbu khu-rumjaribashingna achumbadu mashak khangba ngammi.
6 Lairaraga pukchel shengbana enaak khullaga mpukchel mangbadagi henna phei.
7 Nahaa oinaa chatnarolbu ellibadu ashingba mi kou-e. Mamal leitbashingga marup oiriba midu mapaabu ekaaiba nanghanbani.
8 Enaak khunnaba hotnabada sendoi louba aduga laairabashingbu noihatlibashingduna phangliba landu laairababu lunaa touba kanaagumba amagi makhutta takhigani.
9 Chatnarondu ennaa chattrabadi, epuroina nakhoyna haayjabadu tabiroi.
10 Mapukchel shengba nupaa amabu phattaba thabak tounanaba enshinbirabadi, nashaana thakpa langda thugani. Maraal leitrabadi mahei phangbani.
11 Enaak khunbashingna makhoy matam leibada ashingba mini khalli adubu laairaba lamchat mashak khangba amanaa makhoydagi shingba helli.
12 Aphaba mishingna shakti paayba matamda mipum tingna nungaaiba pok-e aduga phattabashingna waayenba matamda mi khuding lotningba haaybadu you-i.
13 Naran kupshinduna thamlabadi napunsi mahei yalloi. Naran haaydoktuna thaadoknaba hotnou adu oirabadi epuroina thoujaan utpigani.
14 Eeshorgi yaathang ellabadi nungaaibatana sharuk oigani. Karigumba ngakchao theklabadi amaangbana sharuk oirakkani.
15 Phattabana paanba matamda laairabashinggi upai leijade. Phattabadu Makhoygi damak maya kathokliba nongsha nattraga machinjaak thiriba shaaomgummi.
16 Waayennaba loushing leitrabadi miotli. Araanba thabak pamdaba nupaaduna kuina waayenba ngammi.
17 Mihatpa nupaaduna mashaagi mamng toujarabani. Adugumba nupaadubu thamluduna kaannaba leite.
18 Napukchel shengu adu oirabadi ashoyba leiroi. Napukchel shengdrabadi thuna maanggani.
19 Thabak kanna nomba lou-uba nupaadu chaanaba waatte. Matam phajanaa shijinnadaba mishingdi laira tan-gani.
20 Mapukchel shengba mishingna nungaaina lengani. Karigumba yaamna thuna enaak khunninglabadi, khudongthibada taagani.
21 Waakhal laanna khanba haaybasi araanbani. Adubu waayenba kharadi Khwaaidagi pikpa khudonpot louduna araanbadu touwi.
22 Mashagida yengba mishingna asukki matik thuna enaak khunningi madudi keidoungei lairarakkani haaybasi khalhoude.
23 Kanaagumba amabu chumthokpirabadi, chiron chatpadagi henna mahaakna nahaakpu thaagatkani
24 Mamaagi sen-gaaodagi huraanbadi huraanba natte khalliba nupaadu ashengba huraanbaga pankhakni.
25 Oijaba tanbana khudongthiba thok-halli. Eeshorbu thajarabadi madudagi henna phaba amaa leitre.
26 Nashaagi apaambada enduna chatpa aphaba natte. Ashingba mishinggi paaoutaak matung ennaa chattuna khudong thibada tadanaba hotnou.
27 Laairabashingda khudon tamthok-u aduga nakhoygi awaatpa karisu leiroi. Laairabashingbu yengbidrabadi miyaamna nakhoybusu siraap pigani.
28 Phattabashingna waayenba matamda miyaamna lottuna lei adubu makhoy leikha taaba matamda achumba shingna amuk waayen-gani.