Leviticus 3

Lamdaai sumdaaigi thou

3 Kanaagumba nupaana lamdaai sumdaaigi thou oinaa san sanggulaktagi sanlaba nattraga amom amaa katlaba matamda Eesor-gi khuyaakhaada katlagadouriba pottu asoy angaam leiba yaade. 2 Mahaakna katliba sadugi makokta makhutna nangadabani. mitin-sanggi thongjinda maasibu mahaakna haatkadabani. Aaron-gi machaa-nupaa purohit singduna masigi eedu phaankhonggi akoybada chaaithokkadabani. 3 Lamdaai sumdaaigi katliba thoududagi Eesor-gi khuyaakhaada meida thaaduna katpa thou oinaa makhoy marin yomsilliba mahaaogi sarukttu kakkadabani 4 Mayaanglen-gi mahaao amadi pei aniduga phirakki kuyom oiriba mahaaoduga punna louthokkdabani. 5 Aaron-gi machaa-nupaasingna maadubu louraga phaankhong mathakta thaariba meiduda haapchingadoubani. Masisu Eesor-gi maphamda thoidokna manam nungsina pellaba meida thaaduna katpa thou amani.

6 Lamdaai sumdaaigidamak katlariba pottu karigumba yaao sanggulaktagi laaba nattraga amom oirabadi, nupaaduna asoy angaam leitba amaa khangadabani. 7 nupaaduna maasibu thou oinaa katlarabadi Eesor-gi maangda pusil-laklaga katkadabani. 8 Mahaakna katchariba sadugi makokta makhut thamlaga haatkadabani. haatpa matamda mitin-sanggi thongjinda haatkadabani. Aaron-gi machaa-nupaa purohit singna masigi eedu phaankhonggi akoybada chaaithokkadabani. 9 Lamdaai sumdaaigidamak katchariba sadudagi Eesor-gi maphamda meida thaaduna katpa thou oinaa sadugi mahaao, anoyba mameigi saruk, mayaanglen saruk manaakta kaklaga makhoy marinda yaaoriba mahaao amadi maasibu yomliba mahaaodu louraga 10 Pei aniduga loynanaa mayaanglenda leiriba mahaao amadi phirakki kuyomdu louthokkadabani. 11 Purohitna haayribasi loiraga Eesor-gi khuyaakhaada meida thaaduna chaanaba thou oinaa katpigadabani.

12 Karigumba mahaakna katchariba pottuna haameng oirabadi, maadu Eesor-gi maangda pusinduna katkadabani. 13 masigi makokta nupaaduna makhut thamgadabani. mitin-sanggi mamaangda haatkadabani. Aaron-gi machaa-nupaasingna masigi eedu phaankhonggi akoybada chaaithokkadabani. 14 Masigi matungda mahaakna Eesor-gi khuyaakhaada meida thaaduna katpa thou oinaa makhoy marin yomliba mahaao amadi makhoy marinda yaaoriba mahaaoduga loynanaa 15 Pei aniduga mayaanglenda leiriba mahaaoduga phirak yomliba mahaaoduga louthokkadabani. 16 Purohitna maasibu louraga meida thaaduna manam nungsiraba thou oinaa katkadabani. mahaao pumnamak Eesor-gini. 17 nakhoyna ee nattraga mahaao charoidoubani. Yaathangsi miron-miron khudingda amadi nakhoyna leiruba mapham khudingda lengdana leihouragadouba chatnapathap amani.