Proverbs 23
23 Maming chatpa kanaagumba amaaga chaak chaaminnaba matamda mahaak kanaano haaybadu masak kaoroidoubani. 2 Karigumba chaak yaamna laamlabadi maadu khaangba taay. 3 Mahaakna pijariba haoraba chaktuda mitaruganu. Mahaakna nahaakki natou yengningamba yaai.
4 Enaak khunba saaduna kena mouna set chaabadudagi apanglangda thudanaba khu sellu. 5 masa panduna achouba uchekna paikhibagumna nakhoygi peisaadu mikup amada loikhiba yaai.
6 Arikpa mina chaak kouba chatlunu nattraga mahaakna pijaba ahaaoba chinjaaktu mihouruganu. 7 Mahaakna haaygani, "habikho, kharadangga hapcharakkhige. adubu machinda haayribadu mapukningdadi pijaningba natte. mahaakki waakhanduda khallibadumak mahaakna toubani. 8 Nahaakna chaakhibadu othokninglakkani. Nahaakna mahaakpu thaagatluba khudingmak arembada taagani.
9 apangba mida akaknaba waa haayru-ganu maramdi mahaakna waaphamdu khngba ngamloi.
10 Karigumbada haannagi laalgi ngamkheidudagi henna lousinganu nattraga mapaa mamaa leitbasinggi marandu munbiganu. 11 Eesor-na makhoybu ngaakpiribani adugaa ebungngona makhoygi damak aphaba pumbaa toubigani.
12 nakhoygi ojaasingna taakpibadu pukning changna tasillu adugaa ngamjabamakhei tamsinnaba hotnou.
13 angaang waarakpada ningaidaba tou-ganu. Mahaakpu phubaduna mahaak sigadouba natte.
14 Achumbamak masina mahaakki mapunsidu kanbigani.
15 echaa-sa, nakhoyna asingba mi oiraklabadi eihaak nungaaigani. 16 nakhoyna lousing laayna waa ngaangba matamda eihaak nungaaibagi ngamkhei leiroi. 17 araanba thabak toubasingdubu kallakuganu. Eesor-bu kina lunaa toujabaduna napunsigi lan oinaba hotnou. 18 maasibu oiba ngamlabdi napunsidu mahei yalle haayna louba yaare.
19 echaa-sa, nakhoyna kari touri haaybadu khangna singna chatlu. 20 Yu yaamna thakkanba amadi chaabada lamchat naaidabasinga tinnaruganu. 21 Yu ngaaoba amadi chaabada hellengdabasingdi laairaba soidrabani. nakhoyna chaaba amadi thakpaduna nathou oirabadi phi segaayba setpa soidrabani.
22 napaana haayba napuk-ning changna tasillu maramdi mahaak leiramdrabadi nahaak poklamloi. nakhoygi namana ahal oiraklaba matamda mahaakpu lunaa toubiyu.
23 Achumba lousing leiba, tamsinba, amadi laisu khngba haaybasi mamal leitbani. adubu maasi pumnamaksi yon-thokpasidi hainingai leitaana amaangba amani.
24 Achumba thabak touba nupaagi mapadu nungaaitaba hounade. asingba nachaa-nupaa poklabadi haraaoningaini.
25 namaa-napaana nakhoybu yengduna haraaohallu. Namabu nungaaihanba nakhoygi nathouni.
26 echaa-sa napuk-ning changna yengduna eigi punsisi nakhoygi paandam oinaa lousillu. 27 Lamchat manglabi nupi-singdu mahu paanba lingumbani. 28 makhoyna nakhoybu huraanbana toubagumna ngaaiduna leiri. makhoyna nupaa kayabu maanghanba ngammi.
29-30 Yu yaamna henna thakkanba, anouba yu pamjaba kanaagumba nupaa amaa nakhoyna eingonda utpa matamda utkani eina nakhoyda awaabada taaraba, matomtagi maramda khanjarubada chinta puduna leiriba adugaa matam leibada khudong thiraba thabakta touduna leiriba nupaa ama. mahaakki mamitta ee kaba ugani adugaa thoktaba yaaba khudongthibana sokhankhiba mapham kayaa phanggani. 31 Yuna nakhoybu laksilhanba touganu. maasi yengbada machu ngangna ubaa yaai. maasi thakchinba matamda engna changkhiba yaai adugaa tenggotta haappa matamda tanik tanikpa yaai. 32 adubu mathanggi ayukta mahu paanba linna chikkhibagumna nasada cheina phaorakkani. 33 Namittu pangningloi. Masigi mahei oinaa nakhoyna waakhan aruba touba ngamloi adugaa waa ngaangbasu sengna thokloi. 34 nakhoygi nasada achouba epaakta taaoduna leibagu-mna phaorakkani adugaa hi tougba matamda kok ngaaobagumna dol-mon haaygani. 35 nakhoygi nachindagi thorakkani, "eihak mina phukhrabamalle. soydana phuramlagani adubu eina karisu ningsingba thokte. eihaak hougatpa ngamdriba karigino? Yuhan touba taay."