Psalm 132
Ningnashang thagatpa
132 He Ishor, Davidpu kaothokpiganu amadi mahakna khangkhiba awaba pumnamak ningsingbiyu.
2 He Ishor, mahakna sakkhiba wasaktu ningsingbiyu, Jacobki panggallaba Mapu Ibungogi maphamda mahakna lomjakhiba saridusu ningsingbiyu. 3 "Eihak yumduda chatlaroi amadi phamungda tumlaroi,
4 Potthaba amadi tumba touroi.
5 Masi eina Ishor-na nganthoibinaba ningnashang ama sadriba phaobani. Masi Jacobki Mapu Ibungona lengsinnaba yum ama sadri phaobani.
6 Bethlehemda leiringeida eikhoina tajakhi achetpa wasakki uronggi maramda. Aduga madumak Jearimgi loubukta phangkhi.
7 Maduda eikhoina haikhi, "Ishor-gi yumduda eikhoi chatlasi,
aduga maphamduda eikhoina Ibungo mahakpu khurumurasi."
8 He Ishor, achetpa wasakki urongduga loinana lengsinbiro ningnashangsida, masidi Ibungogi natik nagun-gi khudamni. Maramsina maphamsida lengsinduna leitabiro
9 Matam leibada Ibungogi thougal changgadouriba purohitsingduna achumbada touba oisanu Ibungogini haina leiriba mishingsina haraona sakchasanu.
10 Nanai Davidta Ibungona wasak toubikhi, heIshor, Ibungona khandokpikhiba ningthoudu thadokpiganu.
11 Davidki maphamda Ibungona lengdraba wasak ama pikhi. Adugumba wasaktu Ibungona thugaibiroi. "Eina nahakki nachasinggi maraktagi amabu ningthou oihangani, nahakki natungda mahakna ningthou oina pan-gani.
12 Eigi achetpa wasaktu nahakki nacha nupaduna ngakna chatlabadi, amadi nakhoida piba yathangsingdu hiktoktrabadi matam leibada makhoina pokpa machasingnasu mahakki tungda ningthou oina pan-gani."
13 Ishor-na Zionbu khandokle, Ibungona masida nganthoibigadouri
14 "Masida matam leiba khibikki oina leirage,
masida leiduna eina taibangbu wayelgani.
15 Zionda awatpa amattasu leihalloi, masida leiba lairabasingdu Mapuk thalhanbigani.
16 Masida leiriba purohitsingdu touru touruba khudingda bor pibigani,
masida leiriba mishingsu haraona ishei sakkani.
17 Masida eina Davidki machasinggi maraktagi amabu achouba ningthou oina semgatkani maphamsida eina khandoklaba ningthou amda chatkadaba lichattu ngakna chatkani.
18 Eina mahakki yeknabasingdu ikaiba nanghangani,
aduga mahakki leibaktu mara tapna ingna palhangani.