Genesis 37

Joseph amadi mahaakki machin manaaoshing

1 Cannan-gi Lamda mapaana shaaidaangduna leiriba maphamduda Jacob leirammi.

2 Makhaada piribasi Jacobki emung manunggi waarini. Chahi tarataret suraba matamda Joseph mayaambaashinggi haameng yaao senduna leirammi. Mahaakka mapaana louba nupi Bilhah amadi Zilpahna pokpaa machaanupashingga loynarammi. Josephna makhoygi marakta phattaba paao amaa mapaada tamlammi

3 Ahal oiraba matamda pokpaa maramna Israelna Josephpu machaa ateidagi thoidokna nungshirammi, mahaakna Josephkidamak phurit achonba paambom asangba amaa tubirammi,

4 Mahaakki mayaambaashingna mahaakpu makhoydagi henna lunaa touwi haaybasi ubada mahaakpu tukkatchana yenglammi. Makhoyna tapthana mahaakka waa ngangnaramde.

5 Matamduda Josephna mang amaa manglammi aduga madu mahaakki mayaambaashingda tamba matamda mahaakki mayaambaashingduna mahaakpu thoina henna tukkatcharammi.

6 Mahaakna makhoyda haayrammi, "eina maangkhibamangsi nakhoy taro.

7 Yeng-u, eikhoy loubukta phou chaarong punduna leirammi. Eigi mapundu hougatlaaklammi. Masigi akoybada nakhoygi mapunshingduna koisillammi, eigi mapunduda nakhoygi mapunshingduna khurumjarammi."

8 Mahaakki mayaambaashingna maangonda haayrammi, "nahaakna tashengna eikhoygi ethakta pangadouribra?" Asumna mahaakna makhoybu mang amadi mahaakna ngangthorakpa waa khuding taruraga thoina henna tukatcharammi.

9 Masigi matungda mang atoppa amasu manglammi, aduga maduda numit thaa amadi thawaan-michakna eibu khurumjakhi."

10 Haayribasi mahaakna mapaa amadi mayaambaashinggi maphamda haaydokpa matamda mapaana mahaakpu cheikhi. Aduga mapaana haayrammi, "nahaakna mangliba mangdu karino? Nahaakki nayaambashing, nama amadi eihaak phaaobana nahaakpu leimaayda ekok nonthaajaduna khurumjagadra?"

11 Mahaakki mayaambaashingna mahaakpu kallaaklammi adubu mahaakki mapaana haaydoklakliba manggi waashingdu chetna mapukningda thamjinllammi.

Josephpu Egyptta yonkhiba

12 Matamduda mahaakki mayaambaashingna mapaagi haameng yaaoshenba Sechemgi manaak nakpa mapham amada chatlammi.

13 Israelna Josephta haayrammi, "nayaambashingna haameng yaao senduna Sechemda leiriba nattra? laak-u, nahaakpu eina maphamduda thage." Mahaakna mapaada haayrammi, "takpigadouba pumnamak haaybiyu."

14 Maramsina Israelna maangonda haayrammi, chatlo, nayaambashing amadi haameng yaaoshingdu karam touri yengluraga eingonda paao tamrarao." Asumna Israelna Josephpu Hebrongi tampaaktagi thaakhi amasung Joseph Sechemda thungkhi.

15 Kanaagumba nupaa amanaa mahaakka loubukta kangaaonaduna chatlingeida thengnarammi maramsina nupaaduna maangonda hanglammi, "nahaakna thribasi karino?"

16 Mahaakna haayrammi, "eigi eyaambashingbu thiribani. Karigumba khangbirabadi makhoy karamba maphamda haameng yaao sellibano taakpiyu."

17 Nupaaduna haayrammi, "makhoy maphamsi thaadoktuna chatkhre maramdi makhoyna Dothanda chatlasi haaynabadu eihaak tahouwi." Asumna Josephna mayaambaashinggi khonggul libada mahaakna makhoybu Dothanda phangkhi.

18 Makhoyna mahaakpu athaappadagi urammi amasung makhoyna mahaakpu haatna-naba thouraang tourammi.

19 Makhoy masen amanaa amada haaynarammi, "yeng-u, mang mangba nupaasi ada laakle.

20 Laak-u houjikti eikhoy mahaakpu hatlasi. Mahaakpu guha amada langthakhrasi. Adu oirabadi eikhoyna mahaak shaana chaakhrabani haayba yagani. Asumna touraba matungda mahaakki mamaangdu kari oirakkani yengsi."

21 Maasi Rubenna taaraba matamda makhoygi makhuttagi mahaakpu kannanaba asumna haayrammi, "hatpadi tougumsi."

22 Rubenna makha taana haayrammi, "ee tahan-ganusi, lamhaangda leiriba guhasida mahaakpu langthkhro. Mahaakki mathakta khut thaaba haaybasi aphaba thabak natte." maasi mahaakna makhoygi makhuttagi mahaakpu kanbiduna mapaagi makhutta youkhinaba shinba oirammi.

23 Josephna mayaambaashinggi manaakta laakpa matamda makhoyna mahaakki maphi louthokpirammi. Mahaakna litliba khudang chonbi phurittusu louthokpirammi.

24 Makhoyna mahaakpu phaaduna puraga guha amagi manungda langthakhirammi. Adubu guhadu ehang hangba eeshing leitba amaa oirammi.

25 Thabaksi paangthoklaba matungda makhoyna chaak chage haayduna phamthaba matamda, yeng-u, Israelgi mishingna Gileadtagi gam, teinathaao, amadi manam nungshiba thaonachingba puduna ut pareng amaa laaklibadu urammi. Makhoy Egyptta chatliba mishing oirammi.

26 Makhoyshingdu ubada Judahna machin manaaoshingda haayrammi, "eikhoina enaosi haatpada kari kaannaba leibage aduga mahaakki eesi eikhoyna lotsinbada kari tongjaba leigadage?

27 Ismaelshingda mahaakpu yonthoksi. Eikhoygi enaoni, eremkhakni maramsina mahaakki mathakta eikhoy khutti thagumsi." Mahaakna haayribadu machin manaaoshingduna yaarammi. 

28 Matamsimaktada Midianshinggi lallonbashingdu makhoygi manaak naksillaaklammi. Makhoyna Josephpu guhadudagi chingkhatpirammi, aduga mahaakpu silver shekels 20 shittuna Ismaelshingda yonthokkhi.

29 Rubenna guhada hallakpa matamda Joseph guhaduda leitre haayba khanglakkhi maramsina mahaakna mathawaay nungaaitaduna maphi shegaaiduna lellammi.

30 Mahaakna machin manaaoshinggi maphamda hallaklaga haayrammi, "nupamachadu leitre aduga houjik eina tougadabasi karino?"

31 Makhoyna Josephki maphidu lourammi?" haameng amaa haatlaga eeduda maphidu lupirammi.

32 Makhoyna paambom yaaoba phurit achonbadu mapaagi manaakta puraklaga haayrammi, "mahaakki maphisi eikhoyna laambelda phanglammi. Maasi Josephki maphira yengbiyu."

33 Mapaana machaagi phidu mashak khangkhi amasung haayrak-e, "masidi eigi echagi maphini. shaana mahaakpu hatkhredana. Josephpu shaana machet machet shegaaiduna hatpiramgani." 

34 Jacobna maphi shegaaiduna makhwaangda apaba boragi phi setlaga machaanupagidamak numit kayaani tengthaaduna leirammi,

35 Mahaakki machaanupa amadi nupishing hounaduna mahaakpu themjillammi adubu thoidokna kannakhide. Mahaakna haayrammi, "tengtha tengthaaraduna echaa gi khonggul liraduna asithen youkhrage." asumna mahaakki mapaana mahaakkidamak tengthaakhi.

36 Cheiraksida Midianshingna mahaakpu Pharaohgi thongakpashinggi makok oiriba phamnaaiba Egyptki Potiphargi minaai oinaa yonkhi.