Numbers 16

Korah, Dathan amadi Abiramna laan houba

1 Levina pokpa, Kohathna pokpa, Izharna pokpaa Korah, Eliabna pokpaa Dathan amadi Abiram aduga Pelethki shaageidagi Reubennachingbashingsina luchingduna

2 Israelgi mishinggi maraktagi atoppa mi 250 Gumba mashak maming naairabashing khomlaga Mosesgi mayokta laan houraklammi.

3 Makhoyna Moses amadi Aarongi maangda leplaga haayrak-e, "nahaakna haayriba pumnamak achumba ngaakta natte. Miyaamsi loina Eeshora loinabiribani. Eeshorna pumnamakpu thaadokpide. Adu oirabadi, Moses, Eeshorgi oiriba mishingsigi mathakta nahaakna mathoire haayna karigi ninglibano?

4 Mosesna haayriba waasi taabada mamaay leida lu klammi.

5 Mahaakna Korah amadi mahaakka loynanaa laakliba mishingda haayrammi, "ayukki matamda Eeshor kanaano haaybadu shoydana utpigani. Kanaana henna shengbage haaybadusu utpigani. Thoina henna shengba midubu ebungngogi manaakta laaknaba haayrakkani. Ebungngona khandokpikhiba aduna ebungngogi manaakta changba yagani.

6 Maramsina eikhoyna touba yaaba haaybasi asini: Korah amadi mahaakka loynaribashingna hayeng kambi paayduna

7 Mei haplaga Eeshorgi maangda dhup thaaba taare. maduda Eeshorna khanbikhiba nupaadu mashak khanggani. Levishing, lallibadi nakhoyni.

8 Mosesna Korahda haayrammi, "Levigi machaanupashing, nakhoy waaphamsi taro.

9 Israelgi Eeshorna Israelgi mishinggi maraktagai nakhoybu tongaanna khaaidoktuna ebungngogi manaakta changba yahanlliba, Eeshorgi khubhamda seba changhalliba, miyaamgi mamaangda lephanduna seba changba yahalliba,

10 Ebungngogi manaakta Levigi machaa nakhoyna seba changba yahallibasi karisu leitba hiram amani haayna ningbara? nakhoyna khara khara asum taksillaaktuna purohit oinba talli.

11 Nahaakka loynanaa nachin nanaaoshingna ngasi tillibasi Eeshorna ningbadugi matung ennadi natte. Nakhoyna Aarongi mathakta yaaningdaba phongdoklibadu Aarongi mayoktani haayna ninganu touegumsung Eeshorgi mayoktani.

12 Mosesna Eliabki machaanupa Dathan amadi Abirambu mi thaaduna kouhallammi. maduda makhoyna asumna haayrak-e, "eikhoi laakpa ngamde.

13 Mapaan naaidaba leibaak amadagi nahaakna eikhoybu puthoraklaga lamhaangsida shinba sillibasigi mathakta nahaakna eikhoygi ethakta ningthou oinaa palli. Maasi karisu leitba waapham amani haayna ningbra?

14 Asigisu mathakta nahaakna eikhoybu leihao leiba lam amada puraktuna loubuk amadi angurgi engkhonnachingba pibasu leita. Nahaakna eikhoybu henna minamnaba hotnari. Maramsina eikhoy laakpa ngamloi."

15 Mosesna maasi taabada yaamna shaaorammi, maramsina mahaakna Eeshorda haayjarammi, "makhoyna katkadouriba thousi latnaba leitana loushinbiba toubiganu. Eina makhoydagi lolaa amaa phaaoba loukhide. Aduga makhoyda eina thoidokpa amaang atasu toukhide.”

16 Mosesna korahda haayrammi, “nahaakka loynariba mishingdu Eeshorgi maangda tillu. Nakhoy mayaamga aron-ga hayeng chatminou.

17 Mi khudingna kambi makhutta paayduna Eeshorda dhup thagadabani. Nakhoy 250-ga loynanaa aronsu dhupki kambi paayduna chatkadabani.

18 Asumna mi khudingna makhutta kambi paayduna dhup tharaga mitinshanggi thongjinda Moses amadi aron-ga loynanaa leplammi.

19 Matamduda Korahna miyaamdu mitinshanggi thonjinda amatta oinaa tilhankhi. Miyaamduna Eeshorgi matik mayaaidu ubaa phangkhi.

20 Eeshorna Moses amadi aronda haayrammi,

21 "Ngasi tilliba miyaamsidagi nakhoy thaapna leiyu. Adu oirabadi mikup amagi manungda makhoybu Eina tumna maanghan-gani."

22 Makhoyna mamaay leida lukladuna haayjarammi he Eeshor taaibangsida leiriba mishinggi Eeshor kanaagumba nupaa amanaa araanba touraga miyaamgi mathakta shaaobigadra?

23 Eeshorna Mosesda haayrammi,

24 "Miyaamda asumna haayhanlu: Korah, Dathan amadi Abiramna leiriba maphamdudagi makhoy thaapna chatkho."

25 Asumna Mosesna hougatlaga Dathan, amadi Abiramgi manaakta chatpa matamda Israelgi ahanshingna Mosesgi tung ellammi.

26 Mahaakna miyaamda haayrammi, "eina miyaamda nollukna haayjari madudi phattaba mishingsigi manaaktagi nakhoy chatthok-u. Makhoygini haayna leiriba potshing phaaobada shokpa yaade. Karigumba shokluba thoklabadi makhoygi ayon-araangi maheidu nakhoysu phangba taay."

27 Asumna miyaamna Korah, Abiram amadi Dathangileiphamdagi thaapna handoknakhi. Dathan amadi Abiramna thoraktuna makhoyna leiriba shangdugi thonjinda leptuna leirammi. Matu machaashingsu yaaoram-i.

28 Mosesna haayrak-e, "matamsida nakhoyna khangadabadi Eeshorna thabakshingsi tourunaba Eibu thaarakpani haaybasini. Eina touriba pumnamak eina ningbadu toujaba natte.

29 Taaibangsida leiriba mishingna shiba mawongda nattraga mahousagi oiba naduna shirabadi, Eibu Eeshorna thaarakpa natte.

30 Eeshorna yaamna khudong thiba thoudok amaa thok-hanbiduna maalemsi chekkhaairaktuna makhoyga loynanaa mapot maranshing leronnungda changhanduna hingna hingna asithen youkhiba matamda mishingsina Eeshorbu khonggaonakhi haaybadu khanggani."

31 Moses waashingsi haayba hek loibaga makhoyna lepliba leimaaydu chingkhaairakhi.

32 Maalemsi chekkhaairaktuna makhoybu yotsinkhi. Korahga loynanariba mishing amadi makhoygi mapot maran amadi mayumnachingbadu leinungda changkhi.

33 Haayriba miyaamsiga loynanaa makhoygini haayna leiramba potshingdu Asithenda taakhi. Makhoybu yotsinba loiraba matungda maalemsi taishinnakhi. Matou asumna makhoy miyaamgi maraktagi lepna mangkhi. 34 Makhoygi akoybada leptuna leiramba Israelgi mishingduna tengthaaduna chennakhi. Miyaamna haaykhi: eikhoysu maalemsina yotsinkhiba yaai."

35 Matou asumna mei houhanduna dhup tharingei matamda Eeshorna mi 250-du tumna manghankhi.

Meigi kambi

36 Maasi thokkhraba matungda Eeshorna Mosesda haaykhi

37 Purohit Aarongi machaanupa Eleazarda meinungdagi kambishingdu louthoklaga thaapna thamnaba haayyu. Maramdi chaakliba meidu ashengba meini.

38 Mathawaay yonduna araanba toukhiba mishingna pairamba kambishingduna phaankhongda kupnaba pukham shaao. Kambishingdu Eeshorgi khuyaakhaada katkhiba potnina thoidokna ashengba potni. Asumna Israelgi mishingna mamitmakna uduna khudam amaa oinaa leihangadabani."

39 Purohit Eleazarna meigi kambishingdu loushinduna phaankhonggi makhum amaa yeiduna shemkhi.

40 Maasibu ubaa matamda Israelgi mishingna Ningshingnaba khudam amaa oikhi. Purohit Aarongi dhaara nattaba mishingna Eeshorgi maphamda dhup thaaba yaade haaybasi masina khudam oikhi. Karigumba dhup tharuba taarabadi Korah amadi mahaakki machaashingna shikhibagumna shigani. Thoudoksi Mosesda haayrakpa matung ennaa Eeshorna Eleazarbu touhankhibani.

Aaronna mishingbu kanbiba

41 Mathanggi numitta Moses amadi Aarongi mathakta mishingna murum murum sonnarammi. Makhoyna haaynarammi: nakhoyna Eeshorgi manaai oirambashingbu hatkhre.

42 Miyaamduna Moses amadi Aarongi mayokta amatta oinaa tillaba matamda mitinshaangda mamaay onsinkhi. Matamduda leichinna mitinshangdu kupsinlammi. Maphamduda Eeshorgi matik mayaai uhanbikhi.

43 Mosesga aron-gana mitinshanggi thongjinda laaktuna leplammi.

44 Mosesda Eeshorna haayrammi:

45 Mikup amagi manungda miyaamsi tumna maanghallage. Maramsina nakhoy miyaamsigi marakta leiruranu. Maasi taabada mamaay nonthakhi.

46 Mosesna aronda haayrammi: Kambi amaa pairaga phaankhongdagi mei happu. Maasi pairaga miyaamgi marakta changduna ayon-araangi thou amaa thouthok-u. Eeshor ngamkhei leitana shaaoba hourakle. Ebungngona laaichat thok-hangadouri.

47 Mosesna taakpiba matung ennaa Aaronna kambi amaa pairaga miyaamgi marakta chenkhirammi. Mahaakna dhup thaagattuna miyaamgidamak ayon-araangi thou amaa toukhi.

48 Mahaakna ahingba amadi ashibaa anigi marakta leptuna laaichat thokkadoubadu khamkhi.

49 Korahna araanba thabak toukhibadagi shikhiba mishingdu thaadana laaichatta shikhiba mishing 14,700 oirammi.

50 laaichattu pharaba matungda mitinshanggi thong taanna Aaronna Mosesgi manaakta laakkhi.