Genesis 23
Sarah shiba aduga Abrahamna lam leiba
1 Sarah chahi 127 Hingkhi. Sarahna hingkhiba chahishingdu mathakta pikhribasini.
2 Canangi lamda leiba Kiriattharba (Hebron) kouba maphamda Sarah nonggaakhi. Maphamduda Abrahamna Sarah sikhibagi tengthaanaoijanaba chatlammi.
3 Siduna leiriba mahaakki nupigi mamaangda hougatladuna Abrahamna Hittishingda haayrammi, 4 "Eisi nakhoygi narakta lamlaanba shaaidaangba amani, Eina ashibasibu potloinaba tashengna eingonda lam machet kharadi yollu."
5 Hittishingna Abrahamda haayrammi,"
6 "ebungngo nanaai eikhoyna haayjabasi tabiyu, eikhoygi erakta ebungngodi thoidokna paanggall leiraba ningthou machaa amani. Eikhoygi shemduna leiraba mongpham amada ebungngogi ashibadu phumbiyu. Eikhoygi erakta kanaanasu maagi mongphamdu pidaba touroi." aduga ashibadu phumhandana khaangduna leibasu touroi."
7 Abrahamna leibaak aduda leiriba Hittishingda khurumjarammi.
8 Mahaakna makha taana haayrak-e, "eigi ashibasi nakhoygi lamsida potloihanninglabadi, Eina nakhoyda haayribasi taro, Zohargi machaanupa Ephronda haaybiyu,
9 Madudi mahaakkini haayna leiriba Machpelahda shurung amaa leibadu eingonda pibiyu. Haayribasi mahaakki loubukki chidaida leiribaduni. Mamal matik chaana piraga maasibu eingonda nakhoyna pumnamakki mamaangda tashengna eigini haaybasi khangna pibisanu."
10 Mtamduda Ephron Hittishinggi marakta phamduna leirammi. Hitti Ephronna mahaakki saahargi thonggalda tilliba Hittishinggi mamaangda Abrahamda asumna paaoukhum pirak-e.
11 "Natte, eigi ebungngo, nanaaina haayjaribasi tabiyu, eina loubuktuga konnana maduda leiriba shurungdu pijarabani. Nahaakki ashibadu maphamduda phumbiyu."
12 Maasi taabada Abrahamna lamduda leiriba mishingduda khurumjarammi
13 Lamduda leiriba mishingdu taanna Abrahanna Ephronda haayrak-e. "Nahaakna yaaninglabanina eina haaybasi amuk taro, madudi eina loubuktugi mamal pijagani. Eina ashibadu phumjanaba piba mamaldu nahaakna loubiba taay."
14 Ephronna Abrahamda haayrammi,
15 "ebungngo, eina haayjabasisu tabiyu, Lam machetsigi mamal silver shekels 400 Khaktani." eikhoy aninabu yaannarabadi madudi karisu natte."
16 Abraham amadi Ephronna haaynariba waaphamduda yaannarammi maramsina Abrahamna matamdugi chatnabi lallonbashingna shijinnaba khang-e matung ennaa silver shekels 400 Hittishinggi mamaangda Ephronna haaykhibadugi matung ennaa onthoklammi.
17 Mamregi Nongpokta leiriba Machpelahda leiba Ephrogi loubuktuga konnana leiriba shurungduda nattana maphamdugi upaan yaaonalamshingdu onthoklaga,
18 Ephrongi saahardugi thonggalda tilliba Hittishinggi mamaangda Abrahamgi lam oinaa pikhi.
19 Cannan-gi lamda leiba Mamregi (Hebron) nongpokta leiriba Machpelah kouba maphamda huttuna leiramba shurungduda Abrahamna mahaakki nupi Sarahbu phumkhi.
20 Hittishingna loubuktuga konnana shurungdu Abrahamda mongpham oinaba pikhi.