Leviticus 14

Unsagi laina paklaba matungda sengdokpagi thouram

14 Ishorna Mosesda hairammi, 2 "Kusti thungba nupadu sengdokpa numitta chatnagadouba pathaptu asini: purohitki manakta nupadubu purakkadabani. 3 Miyam leiphamdagi mapan thoklaga laina pakliba nupadubu purohittuna chang toubigani. Kusti thungba nupadu pharabadi mahakpu 4 Sengdoknaba ahingba uchek ani puraknaba purohittuna yathang ama pigani. Masiga loinana deodargi sing angangba machugi pot kharaga loinana nagesornachingba purakkadabani. 5 Purohitna matamduda achenba ishingda puthraga ucheksingdugi marakta amatang hatnaba yathang pigadabani. Masibu leibakna saba chaphuda hapkadabani. 6 Mahakna ahingba uchektu pairaga deodargi sing angangba lang, amadi nagesorduga loinana achenba ishingda hatkhiba uchektugi eeduda lupkadabani. 7 Purohittuna kusti thungba nupadu sengdokpa matamda taretlak eeduga loinana khiktokpigadabani. Thousi touraba matungda purohittuna nupadubu sengle haina laothokkani. Ahingba uchektu lamhangda thadokkadabani. 8 Laithung kokle haina sengdokliba nupaduna maphidu sudokkadabani. Masamsu kokkadabani. ishingdasu irujathokkadabani. Masigi matungda mahak sengle haina lougani. Miyam leiba maphamda mahak leiba yarabasu numit taretnidi mahakna mapanda leigadabani. 9 Taretni suba numitta mahakna makokki masam pumnamak kokthokkadabani. Mahakki makoi amadi pisumda houriba masamdusu kokkadabani. Maphi sudokkadabani. Masasu ishingda irujathokkadabani. Thoudoksi pangthoklaba matungda mahakpu asengba mini haina lougani.

10 Nipalni suba numitta mahakna asoi angam leitaba yao lamcha aniga chahi ama suraba soinaidaba amom amaga louraga mahei maronggi thou oina katnaba aphaba yam ephah amagi tara thokpagi saruk amada thao kanggal ama yansingadoubani. 11 Nupadubu sengdokkadouriba purohittuna nupaduga loinana hairiba potsingsi louraga miyam tinphamda Ishor-gi mangda pusingadabani. 12 Yao laba ama louraga purohittuna aran thou oina katthokkadabani. Masiga loinana thao kang-galduga Ishor-gi khuyakhada athoiba khudon oina katkadabani. 13 Thoudoksigidamak hatkadouriba yaodu ayon-aran-gi sha hatpham amadi meida thaduna touba thougi asengba maphamduda aran thou oina katkadabani. Masi ayon-aran-gi thoududuga pathap mannagani. Purohitki saruk oigadoubani maramdi masi thoidokna asengba thouni. 14 Aran thou oina katliba shadagi tarakpa eedu Purohitna khara louraga sengdokpiriba nupadugi yet thangba mana matonda khara hapigani. Makhut yet thangbagi khubi amadi makhong yet thangbagi khongdugi matonda eedu khara hapigani. 15 Masigi matungda purohittuna thao kanggaldudagi thao khara louraga masamakki oithangba khubakta heigadabani. 16 Makhut oida hapliba thaoduda yetthangba makhutna luplaga Ishor-gi mangda tartetlak hanna khiktokkadabani. 17 Masidagi lemhouba thaoduna sengdokpigadouriba nupadugi yet thangba managi maton, yet thangba khutki khubi, amadi yet thangba makhonggi khongbida ayon-aran-gi thougi eeduna teibigani. 18 Purohitki makhutta leiriba lemhouba thaoduna sengdopiriba nupadugi makokta heijinbigani. Masigi matungda purohittuna nupadugi oina Eshor-gi maphamda ayon aran koknaba thou toubigadabani. 19 Sengdabadagi senglaknaba purohittuna ayon-aran-gi thou toubigadabani. Masigi matungda purohittuna meida thaduna touba thougi shadu hatkkadabani. 20 Purohittuna meida thaduna amadi mahei maronggi thougi potsingdu phankhongda pusinduna katkadabani. Asumna thousingsi touraba matungda nupadu sengle haina lougani. 21 Karigumba nupaduna yamna lairaba mi oiramduna thougi potsingsi katpa ngamdrabadi, ayon-aran-gi thou oina katnaba yao laba amaga mahei maronggi thou oina katnaba thaoga yam ephah amagi saruk tara thokpagi amaga yannaraga tonganna thao kanggal amasu katkadabani. 22 Lamkhunu ani nattraga yumgi khunu anisu katkadabani. Amana ayon-aran-gi thou oina aduga atoppa aduna meida thaduna touba thougi oigani. 23 Nipalni suba numitta nupaduna mitinshangda Ishor-gi mangda sengdokchanaba hairibasingsi purohitki manakta purakkadabani. 24 Purohitna aran thougi yaoduga thaoga punna louraga Ishor-gi khuyakhada athoiba khudon oina katkadabani. 25 Mahakna aran thougi yaodu hatkadabani aran thouda katliba yaogi eedu purohittuna khara louraga sengdokkadouriba nupadugi yet thangba managi matonda, yet thangba khutki khubida amadi yet thangba khonggi khongbida happigadoubani. 26 Purohittuna thao khara louraga masagi oi thangba makhutta hapkadabani. 27 mahakki makhut oi thangbada yaoriba thaodu louraga Ishor-gi mamangda taretlak khiktokkadabani 28 Sengdokkadouriba nupadugi mana matonda haibadi yetlom thangbada purohitki makhutta yaoriba thaodu teibigadabani. Makhut yet thangbagi khubi aduga makhong yetki khongbisu teibigadabani. Masi aran thougi sha hatphamda leiriba eedu louraga teibigadabani. 29 Purohitki makhutta lemduna leihouriba thaodu sengdokkadouriba nupadugi makokta Ishor-gi mamangda ayon-aran-gi thou toubiba oina heibigadabani. 30 Adugumba nupaduna angamba yengduna lamkhunu ani aduga yumgi khunu ani katkadabani. 31 Amana aran thougidamakni aduga atoppa aduna meida thaduna touba thougi potlam oina mahei maronggi thouga punna katminnagadabani. Sengdokkadouriba nupadugidamak Purohitna Ishor-gi mangda ayon-aran-gi thou toubigani. 32 Sengdoklaba mamal yamba potna thou katpa ngamjadaba kusti thungba midugidamak chatnagadouba pathaptu asini.

Yumda pakpa kusti

33 Ishor-na Moses amadi Aaronda hairammi, 34 "Eina nakhoigi oina pigadouriba Canaan kouba lamduda lakpa matamda kusti pakpa yum ama leiraba, 35 Aduga adugumba yumduda leiriba nupaduna thokraklaga purohitta haigani: eigi imungda karigumba laina leire haina chingnaba pokle 36 Matamduda purohituna imungduda leiriba pot khuding loina louthok-u haina yathang ama pigani aduga masi toudrabadi imungduda leiriba pot khuiding loina manggani. Purohitna imungda changdringei matamda hairiba potsingdu loina louthokkhigadabani. Potsingdu louthoklaba matungda purohittuna imungda changgani. 37 Purohittuna lainadubu chang touraga yumgi phaklangda asangba nattraga ngangleinaba mapham maru panba oina urabadi, 38 Purohitna mapan thoraklaga yumdu numit taretni thong londuna thamgani. 39 Purohittuna taretni suba numitta laklaga yumdu amukka hanna chang yenggani. Hairiba lainadu yumdugi phaklangda sandoklamlabadi, 40 Purohittuna laina pakliba phaklanggi nungdu louthoklo haina yathang ama pibigani. Madumak sahargi mapanda leiba phattaba hundoknaba maphamda hundokhan-gadabani. 41 Yumgi phaklanggi leibaknachingbadu yeithahangadabani. Teiramba waigi ningkhairakpa phaklangdu sahargi mapanda leiriba phattaba hundoknaba maphamduda hundokkadabani. 42 Horiba phaklangdu mahut ama hapchingadabani nupaduna inou nouna wai teigadabani. 43 Teiramba wai aduga nungnachingba louthokkhraba matungda amukka houraklabadi, 44 Purohittuna chatlaga yengadabani. Karigumba lainadu amukka houramlabadi masi mi sokpa yaba kustigi lainani haina lougani. Maramsina maphamsibu sengdaba maphamni haina lougani. 45 Nupaduna yumdu sidokkadabani. Masida sijinnaramba nung, u amadi phaklang wai teibada changba pot pumnamak sahargi mapanda phattaba hundoknaba leiriba maphamda hundokkadabani. 46 Yumdu sidokpa matamda yaoruba mishingdu numit tara phaoba manggani. 47 Yumduda leiramba mishingduna makhoina setliba phisingdu sudokkadabani.48 Purohitna lakpa matamda phaklang wai anouba teiraba matungda lainadu sandoktrabadi, purohittuna yumdubu sengle haina laothokkani maramdi yumdu sengle. 49 Yumdu sengdokpa matamda uchek aniga, deodargi sing, angangba Lang amadi nagesor khara changgani. 50 Leibakna saba chaphuda haplaga uchek ama achenba ishingda puthaduna hatkani. 51 Hingliba uchektuga loinana deodargi sing, nagesor amadi angangba langdu pairaga achenba ichenda hatkhiba uchektugi eeduda lupkadabani. Yumduda masigi ishingna taretlak hanna chaithokkadabani. 52 Matou asumna purohittuna yumdubu uchekki e, achenba ishing, ahingba uchek, deodargi sing nagesor amadi angangba Langnachingbadu pairaga sengdokpigani. 53 Mahakna ahingba uchektu sahardugi mapanda leiriba lamhangda thadokphikhigadabani. Matou asumna purohittuna yumdu sengdoknabagidamak ayon-aran-gi thou toubiraba matungda yumdu sengle haina laothokani.

54 Kusti thungba nattraga hakatchaba laina pakpa matamda sijinnagadouba pathaptu asini. 55 Phida nattraga yumda kustigi laina pakpa matamdasu mathakki pathapsingsi sijinnagani 65 Pomkhattuna nattraga ningkhairaktuna nattraga angouba pakpa matamdasu mathakki pathapsingsi sijinnagani. 57 Pathapsingsigi mapanna asengba amadi sengdaba masak khangba ngamgani. Masini kusti thungbagi pathapsingdu.