Exodus 36
36 Bezalel amadi Oholiabnachingba Eesor-na matik mayaai happikhraba mi khudingna Eesor-na maasi sagadabani haayna taakpikhiba pot khuding ningna sanggidamak sagadabani.
Israelgi misingna Eesor-da Katnanaba potsing purakpa
2 Moses-na Bezalel amadi Oholiab adugaa Eesor-na thabak ngamnaba mapaanggal pinabikhraba nupaa khudingbu adugaa masa masaana thabaksi pangge haayna ningba misingdubu koukhatlammi, 3 Israelgi misingna ningna sangdu sannabagidamak Mosesgi makhutta sinnakhiba katningna katkhiba potsingdu lourammi. miyaamna mahaakki maphamda ayuk khudinggi ngamjaba katnabasingdu pura klammi. 4 Ningna sangdu sariba misingduna makhalmakha kayaamarumgi pot louthok lousin tounanaba mahaakki manaakta numit khuding laakpa taarammi. 5 makhoyna Mosesda haayrammi, "Eesor-na eikhoybu toujou haayna yaathang pinabikhiba thabaktuda changgadouba potchangsingdudagi henna misingna purakle." 6 maramsina Moses-na yaathang amaa miyaam leiriba sang khuding thungna thaarammi, mahaakna haayrammi, "nupa nattraga nupi-singna ningna sang sannaba pot katpa leppa yaare." Matou asumna misingna pot katpadu thingkhi. 7 maramdi makhoygi phangkhiba potsingduna tougadouriba thabaktu konnaba ngamkhi.
8 thabak suribasinggi marakta thoidok hendokna heiba nupaasingduna sonnapungga konnana phisang taraa amasu saarammi. Haayriba phisangsingsi anaanba leemon, mureinaba, angaangba amadi ngaangleinaba pottagi karubimgi maong yaaonasemkhi. 9 phisang amam-mamgi asangba feet 42 oirammi. phisang amam-mamgi apaakpana feet 6 oirammi. phisang pumnamak maraak mayung amatta oirammi.
10 Makhoy nakan amam-mamgi phisang mangaa adugaa atoppa nakan amam-mamda leiriba phisang mangaduga taisinnarammi. 11 ahan-ba phisanggi maton aroibada. Mureinaba machugi mari paallammi. asigumba akonbagi aroiba matondasu mari paallammi. Mrisingdu amaga-amaga maayoknana mari paallammi. 13 Sanaagi kochi yaangkhei saaraga Phijangsingdu amaaga amga taisinnarammi. asumna Sonnapungdu masa amatta oinaa urammi.
14 Sonnapung mathakta khannaba haameng matuna phisang taraamaathoy amaaga saarammi. 15 Haayriba phisangsingsigi mayung feet 40 adugaa marakna feet 6 oirammi. phisang taraamaathoydu maraak mayung chap mannarammi. 16 makhoyna phisang mangaa amaa punna tinsillammi. adugaa atoppa taruk amasu tinsinnarammi. 17 phisangdugi aroibadugi aroibada mari yaangkhei amaa paallammi. adugaa atoppa phisangdugi aroibadasu mari yaangkhei amaa paallammi. 18 Khangadouriba sangdu amatta oinaa unnaba pithraaina kochi yaangkhei saarammi. 19 yaao amadi haamenggi maunna mitin-sangdugi mathakta kupnaba amaa semkhi. 20 Chinggonglei paambina saaba sonnapunggi oinanaba makhongsing semlammi. 21 mapaan amam-mamgi asangba feet 15 oirammi. Apaakpana inches 27 oirammi. 22 mapaan khudingda taisinnanaba makhul ani ani hapllammi. makhoyna asigumna sonnapunggi mapaan pumnamak semlammi. 23 makhoyna upakttu asumna semlammi: khaa thangba maaykeida haapnaba upak kun amaa, 24 Haayriba upak kunsigi silver-na saaba phambak niphu amasu saarammi. makhul ani haanba upak amagi phambak ani ani semlammi. 25 Awaang thangba maaykeida leiriba nakandugisu upak kun amaa semlammi. 26 Haayriba-singsigi phambak oinaa niphu amasu semlammi. Upak amam-mamda phambak ani ani semam-i. 27 Sonnapunggi maningthangba nakanda thaana-naba upak taruk amasu semlammi. 28 Sonnapunggi maningda haapnaba upak ani amasu semlammi. 29 makhaada tongal tongalli. adubu mathaktadi amatta oirammi. ahaanba kochiduna haayribasi samjinnarammi. asumna kachin aniduda haapnanaba makhoyna sarammi. 30 Upak amam-mamgi makhaada phambak amam-mam thaaduna upak nipaangi phambak oinaa silver-na phambak tarataruk amasu srammi.
31 Sonnapunggi nakan amagi oinaa chinggonglei paambidagi upaksingdugi oinaa machei mangaa amasu semlammi. 32 Sonnapunggi atoppa nakan amadugi oinaa machei mangaa amasu sarammi. Maning thangba nakanda thannaba sonnapunggidamak upaksingdugi machei mangaa amasu semlammi. 33 mayaaida leiriba humdangdu upaksingdugi mayaai oinaa nakan animak phaonarammi. 34 makhoyna upaksingdu sanaana hajang yeirammi. Macheisingdu lengsinnaba sanaana kochi semlammi. Humdangsingdusu sanaana yomsinlammi.
35 maaduda khangadouriba phisangdu mureinaba, angaangba, ngaangleinaba, anaanba leemonna karubim ningthijana saaraga semlammi. 36 Masigidamak makhoyna chinggonglei paambidagi yumbi mari amasu sarammi. Haayriba yumbisingdu sanaana yomlammi. Masida paalliba kochisingdu Sanaana saaba oirammi. Haayriba yumbi marisigi oinaa makhoyna phambak mari amasu semlammi. 37 mitin-sangda khannaba yumkhal amasu makhoyna sarammi. Masigi machudi mureinaba, angaangba, ngaangleinaba amadi anaanba leemongi langna saaraga khutna mayek thokhallammi. 38 maasibu sougatnaba hapliba yumbi mangadusu kuchi paallammi haayriba-singsigi matondu sanaana hajang yeirammi. Masida hapliba phajinnaba maridusu sanaana sarammi. adubu phambaktudi pithraaina sarammi.