Numbers 33
Egypttagi Moabta laakpa
33 Israelgi misingna Egypttagi salaai salaaigi oinaa Moses amadi Aaronna chingduna purakhriba misingdu asini. 2 Mathang mathang makhoyna phaaoduna laakpa lamsingdu Moses-na esinkhi. Eesor-na masimak esinnaba Mosesda taakpikhi. makhoyna phaaoduna laakpa lamsingdu mathang mathang oinaa 3 ahaanba thaagi taramangani subaa numit Israelgi misingna Araan-chaak khaangbagi usob touba loiraba matungda Egyptta leiriba misingdugi mamaangda pajeng phiranga loynanaa Israelgi misingna Ramesestagi khongsaanba houkhi. 4 Matamsida Egyptta leiba misingna makhoyna pokchaba ehaan haanba machaa-nupaasingdu phumdunaleirammi. Eesor-na makhoygi machaa-nupaa ahansingdu haatkhi. Eesor-na makhoyna ningjariba laaisingdusu ngamnamak manghankhi. 5 asumna Israelgi misingna khong saandokraklaga Sukkothta sang saaduna leikhi. 6 Sukkoth thaadoklaba matungda Etham kouba maphamduda sang saakhi. 7 Etham thaadoklaba matungda Baalzephongi nongpokta leiba Pihahiroth kouba maphamdu phaaoduna laaklaga Migdolda sang saaduna leikhi. 8 Pihahiroth tungoinaramlaga angaangba samudra lallaga Surgi lamhaang takhiduna numit humnigi khongchat laaklaga Marah kouba maphamduda sang saaduna leikhi. 9 Marah thaadoklaba matungda Elim kouba maphamduda leirammi Elim kouba maphamsida eephut 12 leirammi. Thangtup paambi 70 amasu hourammi. maramsina Israelgi misingna maphamsida matam khara sangna leithakhi. 10 makhoyna Elim thaadoklaba matungda angaangba samudra mapaanda sang saaduna leikhi. 11 Samudra thaadoklaga Singi lamhaangda sang saaduna leirammi. 12 makhoyna Singi lamhaangdagi khong sankhiduna Dophkahda sang saaduna leikhi. 13 Dophkahdagi Alusta chatkhi. 14 Alustagi chatkhiduna Rephidimda sang saakhi. maphamsida makhoyna thaaknaba eesing phangkhide.
15-37 Rephidim thaadoklaga Hor kouba chingdu taanna laakpa matamda makhoyna makhaada piriba lamsingda sang saaduna leikhi. Makhoy singdudi Sinaigi leikangla oiraba lam, Kibroth Hattaavah, Hazeroth, Rithmah, Rimmon perez, Libnah, Rissah, Kehelathah, Sepher kouba ching Haradah, Makheloth, Tahath, Terah, Mithkah, Hasmonah, Moseroth, Bene Jaakan, Hor Haggidgad, Jotbathah, Abronah, EZiongeber, Zingi lamhaang (Kades haaynasu khangnei) Edomgi tainaba ngamkheida leiriba Hor kouba chingnachingba asini.
38-39 Eesor-na yaathang tourakpa matung ennaa purohit Aaronna hor chingdonda kakhatlammi. Israelgi misingna Egypt thaadokpa 40-ba chahida masaagi chahina 123 subaa matamda nonggaakhi. Mahaakna nonggabadu mangasuba thaagi ahaanba numitta oirammi.
40 Cannan-gi khaa maaykeida leiba Aradki ningthouna Israelgi mising laakle haaybasi taarammi.
41-49 Hor thaadoklaga Moabki tampaaklomda laakpa Israelgi misingna makhaada piriba maphamsingsida sang saaduna leikhi, maphamsingdudi: Zalmonah, Punon, Oboth Moabki lamda leiba Ijeabarimgi ningkhaairaba maphamsing, Dibon Gad, Ablon Diblathaim, Nebo kouba chinggi manaakta leiba Ijeabarim kouba ching, Moabki tampaak Jordan mapaanda leiriba Jerichoda sang saakhi. Jordan-dagi houraga Moabki tampaakta Bethjesimoth amadi Abelsittim phaaoba saandokkhi.
Jordan laandringeida pikhiba paaoutaak
50 Moabki tampaak Jordan mapaan Jerichoda leiringeida Eesor-na Mosesda asumna haaykhi:
51 Israelgi misingda asumna haiyu: nakhoyna Jordan laanduna Canaanda changba matamda 52 nakhoygi namaangda leiramba misingdu loina taanthokkadabani. makhoyna yektuna thamliba nungsing, nungna saaba laai murtising, amadi makhoygi asengba maphamsingdu manghan-gadabani. 53 nakhoyna lamsibu lousillaga khu-ndaduna leigadabani. Haayriba lamsi Eina nakhoygidama chaakthung oinaa pikhrabani. 54 nakhoygi emung manunggi matung ennaa haayriba lamsi naraibak chaang yengnaduna yennagadabani. achouba salaaida chaaona pigadabani. apikpadana khara hanthana pigadabani. Makhoygi maraibakta tabadu lougadabani. nakhoygi paari purigi matung ennaa lamdu lougadabani. 55 adubu nakhoygi namaangda leiramba misingdubu nakhoyna taanthoktrabadi, nakhoyna leihalliba misingdu nakhoygi naphamda tingkhanggi matougum oigani. nakhoyna leiba lamduda makhoysina yetkani. 56 nakhoyna makhoybu taanthoktrabadi Eina makhoybu maanghange sillibasimak nakhoygi nathakta taagani.