Zechariah 14
Jerusalem amadi Jaatsing
14 Eesor-na waayel phambeida phamgadouba numittu kuidre. Jerusalemsi mina mapot machei munbigani adugaa makhodagi munbikhibasingdu makhoygi mamaangda yennagani. 2 jaat khudingmak amatta oinaa Eesor-na punsinduna Jerusalembu laksinnaba hotnagani. sahardubu lut toubini adugaa yum khudingda leiramba potsing munkhigani nupi-singdusu namduna ejaat maanghan-gani. mi tangkhay amaa loi oinaa chatkhigani adugaa khara amanaa saharda leihougani. 3 Houkhiba matamda Eesor-na Jaatsingga laan soknaba adugumna houkiksu Eesor-na laangi damak semsare. 4 Matamsida ebungngona Jerusalemgi nongpok thangbada leiba Olive kouba chingdu khongnet oigani. Thoudoksina maram oiduna Olive chingdu saruk ani thokna khaaydokkani. Anidugi maraktu tampaak oigani. maasi nongpok nongchup anida chingkhaaigani. Chingdugi tangkhay amanaa awaang haramda adugaa atoppa tangkhay amanaa khaa haramda taagani. 5 Ching khaaidokpadagi oikhiba tampaaksi phaaoduna chellabadi nakhoy hinggani. Judahda pallamba ningthou Uzziahgi matamda yuha habada napaa napusingna chenkhibagumna nakhoysu chen-gani. Matamduda epuroi Eesor-na dutsingga loynanaa laakkani.
6 Adugumba matamdu yourabada ayingba un taaba amadi amaamba leiraroi. 7 ahing leiraroi, nungthin oidunata leiragadabani. asigumba matamsi keidoungei thokkani haaybasidi Eesor-na khanggani.
8 Adugumba matamdu laaklabada Jeru-salemdagi eesing aruba chellakkani, eesingdugi tangkhay amaa thumgi epaak koubaduda taagani adugaa atoppa tangkhay amanaa Mediterranean kouba epaakta taagani. Ningtham kambi naaidana echelsi leigani. 9 Matamduda Eesor-na maalemsigi ningthou oigani. Mipum khiding epuroibabu khurumgani adugaa ebungngo-gi minglendu epuroi haayna kounagani.
10 Awaang haramda Gebatagi houraga kharomda Rimmon youba phaaoba leitem mannaba lamdam amaa oihan-gani. akoybada leiriba lamsinggi mathakta Jerusalem leigani. asumna Jerusalem Benjamin-gi thonggal haayna khngnaba maphamdudagi houba Corner gate (Chuthekki thonggal) koubadu youkhigani. Maphamduda hannasu thonggal amaa leirambani. Masidasu nattana Hananelgi awaang yumdudagi houraga konunggi yu sungphamdu phaaoba amaa saandokkhigani.
11 amaang ata yaaodana misingna maphamduda mara chetna paan-gani.
12 Jerusalemgi mathakta laandakhiba Jaatsinggi mathakta Eesor-na akibaa phanglaba laayna thok-han-gani. Hinglingei matamda phaaoba makhoygi sadongdu pumtharakkani, makhoygi mamit amadi marei pumthahn-gani.
13 asigumba matamsida Eesor-na makhoygi lousing maanghan-gani adugaa au auba midu hattoknagani. 14 Jerusalembu kanbinabagidamak Judah-gi misingna mathouna phudokkani. Jaatsingdagi sanaa, silver amadi phinachingba mapaan naaidana makhoyna mulhougani.
15 Yeknabagi laansangda leiriba saasing sagol, khachar, lolaa amadi utnachingba pumnamakki mathakta akibaa phanglaba laichat thok-han-gani.
16 Jerusalemgi mathakta laandakhiba Jaatsinggi marakta hinghoubasingduna chahi khudinggi paanggallaba Eesor-bu eningthou haayna chingoiduna khurumjagani adugaa saaidaangbagi thouram haayduna chaklong katkani. 17 paanggallaba Eesor-bu ningthou oinaa khurum-u yaadaba Jaatsingduna leiriba lamsingda nong taaroi. 18 Karigumba Egyptki misingna Eesor-bu khurumba oinaa paangthokliba saidangbagi chaklong katpadu yaodrabadi Eesor-na atei Jaatsinggi mathakta taahankhiba leinadu makhoygi mathaktasu tahan-gani. 19 asigumba awaaphamsi Egyptki mathakta taagani adugaa saidangbagi chaklong katpada yaaodaba Jaatsingdusu asigumba awaabasi taagani.
20 Adugumba matamduda sagolgi mangaakta siriba gangsigi mari phaaobada "Eesor-da katthoknaba" haayna engani. Ningna sangda leiriba kollik pumnamak phaankhonggi maangda leiriba konsinggumna sengani. 21 Jerusalem amadi Judahda leiriba thongnaba konsingdu paanggallaba Eesor-bu khurumba matamda sijinnagani. Thou oinaa katnaba saa puraklibasingduna konsingda thongani. Adugumba matamduda paanggallaba Eesor-gi ningna sangda lalonba mising leiraroi.