1 Chronicles 5
Reubengi chaaron-shuron
1 Israelna ehaan haanna pokpaa Reubengi machaashing (Mahaakna ahaanba pokpaa oirabasu mapaana louba nupi atonbi amaaga phamdinnarubadagi pibaphamdu mango-nda pikhide. Mahaakki mahutta Josephta pikhi.
2 Judah makhoygi marakta mashing yaamba shaagei amaa oibata nattana ningthou oinanaba mi khandokkhrabasu piba phamdi phangkhide.)
3 Jacobki machaanupa ahan Reubengi machaashing: Hanok, Pallu, Zezron amadi Karmi.
4-6 Joelgi chaaron-shuron miron-gi oinaa makhaagi asumna phangi: Shemaiah, Gog, Shimei, Micah, Reaia, Baal, amadi Beerah. Assyriagi ningthouren Tilgathpilneserna paanba matamda Beerah phaaduna shaageigi makok oinaa pukhi.
7 shaageigi mikok thiba matamda esinkhiba marondi: Jeiel, Zechariah,
8 Bela, Azazgi machaanupashing, Semagi masushing, Joelgi shaageinachingba asini. Makoisi Aroerda leikhil Awaanglomda nebo amadi Baalmeon phaaoba youkhi.
9 Gileadta makhoygi mashing laakngamdraba yaaonachingba leirammi. Euphrate turenda mapaan phaaoba shaandokhriba leikangla oiraba lam Nongpoklomda leiribadu phaaoba makhoygi makhutta leikhi.
10 Ningthou Saulna pallingeida Reuben tribena Hagaritshingbu maaythiba piduna laanphamda haatkhi. Asumna Gileadtagi nongpokta leiriba lamdu makhoyna khundaduna leikhi.
Gadki chaaron-shuron
11 Gadki machaashingna Salchah youba phaaoba shaandokkhiduna Basanda leirammi.
12 Makhoygi luchingbadi Joelna oirammi. Saphanna mahaakki mathangda Jaanal amadi Shaphat Basanda luchingba oikhi.
13 Makhoygi shaagei-naatei mapaa mapugi matung enna: Michael, Mesullam, Seba, Jorai, Jachan, Ziz amadi Heber.
14 Haayribashingsi Abihailgi machaanupashing oirammi mahaak Hurina pokpani. Mahaakki mapaa mapudi makhaagi asumna eduna leirammi: Abihail, Huri, Jaroah, Gilead, Michael, Jesisai, Jahdo amadi Buz.
15 Abdielgi machaanupa ani Gunigi masunu-pini. Mahaakna tribeshinggi luchingba oirammi.
16 Makhoy Gilead, Basan amadi akoybada leiriba saaharshingda khundaduna leikhi. Saronda leiriba sanjabung pumnamak makhoygi makhutta leirammi.
17 Haayribashingsi maagi maagi miron matung ennaa Judahgi ningthou Jothamna paanba matamda eeshingkhiba mironni. Matamsida Israelda Jeroboamna ningthou oiduna paallammi.
18 Reuben, Gad amadi nongpokta taariba Manassehgi shaagei thangta heiba amadi ten kappa heiba mi 44,760 leirammi.
19 Jetur, Nephis, amadi Nodabta taariba Hagarit jaatki mathakta makhoyna laandarammi.
20 Makhoyna Eeshorbu mapung phaana thaajarammi aduga ebungngogi maphamda mateng nijarammi. Eeshorna makhoyna haayjabadu tabiduna Hagaritshing amadi makhoybu mateng pangge laakpa Jaatshingdu maaythiba piba ngamkhi.
21 Yeknabashingbu maaythiba piba matamda makhoyna ut 50,000, yaao 250,000, lolaa 2,000 Mi 100,000 laangi bandi oinaa phaaduna pukhi.
22 Makhoyna yeknabashing mashing naaidana haatkhi maramdi landu Eeshorgi aningba oirammi. Makhoybu loi oinaa pudriba matamdu phaaoba makhoy haayriba lamshingsida mara tana paankhi.
23 Nongpoklomda taariba Manassehgi shaageigi mishingdu Basandagina Baalher-mon, Senir amadi Hermon ching youba phaaoba shaandokkhi. Makhaada piribasi mapaa mapushinggi matung ennaa ekhiba miro-nni: Epher, Isi, Eliel, Azriel, Jeremiah, Hodaviah, amadi Jahdiel.
24 Haayribashingsi makhoygi shaageigi manungda thoidokna maming chatlaba heishingba laanmishingni.
25 Adubu mapaa mapushingna ninglamba Eeshordubu langthoktuna Eeshorna makhoygi mamaangda ngamnamak taanthokpikhraba Jaatshingna ningnariba laaishingdu khurumduna makhoyna ebungngogi mityengda thoidokna leikha taaba thabak kayaa tourammi.
26 Maramsina Eeshorna Assyriagi ningthou Pulbu (Mahaakpu Tiglath-Pileser haaynasu khangnarammi) thaaraktuna Reuben, Gad amadi nongpokta taariba Manassehgi Jaatshingbu bandi oinaa pukhi. Masidagi houna makhoybu Halah, Habor amadi Hara aduga Gozan turenda khongbalda taahankhi.