Exodus 28
Purohitsingna ingadouba PhisingÂ
(Khong 39:1-31)
28 Masi pumnamaksi loiraga nahakki nayamba Aaron amadi mahakki Machasingbu Israelgi mishinggi maraktagi khandoklaga purohit oina Eibu seba tounanaba loukhatlu. Masigi Mnungda yaogadouba mishingdi Aaron, Aronna pokpa machanupasing, Nadab, Abihu, Eleazar amadi Ithamarnachingbasingsini. 2 Matik mayai leiba amadi ningthijaraba maongda nahakki nayamba Aaron-gi maphijet ama sembigadabani. 3 Matik chare haina ningduna eina mashing thakhiba mishing amadi thabak ngamba mishingni haina nahakna khanba mishingduda eigidamak purohit oina Aaronbu sengdoklaga phijet semnanaba haigadabani. 4 Makhoina semgadouriba phijettu asini.: Thabakkhang ama, Ephah ama, phurit achonba ama, arangba phurit ama, koyet ama, amasung khwangjet amani. Makhoina nahakki nayamba Aaron amadi mahakki machasingna setnnaba asengba phijet semgadoubani. Madu makhoina eibu seba touba matamda setkadabani.
5 Phijetsi sabada sana machu, mangra machu, angangba amadi ngangleinaba machugi ananba langga ananba limonga yannaraga sagadabani. 6 Makhoina Ephahtusu sana machu, mureinaba, angangba amadi ngangleinaba ananba lang amadi amonba limonna semgadoubani. Yamna khut changna phajana semgadoubani. 7 Masigi aroibada lengban mapada mari ani pangadoubani. Masina nakan anidu kisinnagani. 8 Khwangjetusu Ephah sabagi langduga chap mannahangadabani. Sana machu mureinaba angangba amadi ngangleinaba machugi langga amonba limonga yannaraga ningthina semgadoubani. 9 Asangba nungpak ani louraga Israelgi mishinggi maming igadabani. 10 Nungpak amagi mathakta taruk amagi maming aduga atoppa nungpak amagi mathaktana taruk amagi maming igadabani. Masi makhoigi pokpa matung inna mathan manao naina igadabani. 11 Sana sabana khudopta leirong hakpagumna nahakna Israelgi machasinggi maming nungpaktuda igadabani. Hairibasingsi sanagi thourina punsingadabani. 12 Israel machasinggi ningsingnaba urong ama oina leihounaba nahakna maribu Ephahki marengban mapaduda punsingadoubani. Eshor-gi mangda changba matamda hairiba mamingsingsi ningsingnabagi masak oina Aaron-gi marengbanda yangadoubani. 13 Sanana chingduna mari semgadoubani. 14 Thouri tabagi matougumna marei marei taduna sanana mari ani semgadoubani. Thourigumna taraba maridu leitengduda hapkadabani.
15 Khut changna semlaba wayelba matamda sijinnaba thabakkhang amasu semgadoubani. Ephah semkhibagi matogumna mahakna hairibasisu semgadou bani. Sana manbi, mureinaba, angangba amadi ngangleinaba ananba langga loinana amonba limonna sagadabani. 16 Masi marak mayung chap mannagadabani. Ani longadabani. Mayung inchi mapan aduga maraksu inchi mapan oigadabani. 17 Masigi manungda nung maron ani hapkadabani. Ahanba parengda mani, mukta, nung mamai apomba pareng ama hapkadabani. 18 Anisuba parengdana asangba mani, sangbanaba nung amadi mamal yamlaba nungsing haptuna semgadabani. 19 Nungngou, sujakanta amadi sangbanaba nungna ahumsuba parengda hapkadabani. 20 Sangbanaba mukta, sangbanaba mamal yamlaba nung amadi sujakanta manigi pareng ama semgadoubani. Hairibasingsi sanana mari chingduna pareng ama semgadoubani. 21 Israel machasinggi maming iduna nung taranithoi ama thamgadoubani. Hairibasingsi khudopta chajum happagumna salai taranithoigi mamingdu hakkadabani. Thabakkhangda hapnaba asengba sanana mari chingduna semgadoubani. 23 Thabakkhangsida leiteng oina haplaba sanana khudop ani kongadoubani. Thabakkhanggi aroiba nakan aniduda hairiba khudopsi pangadoubani. 24 Thabakkhanggi aroibada hapkadouriba khudop aniduda sanagi mari anidu hukchingadoubani. 25 Mari anidugi aroibaduna langna lonba mayektuda lonsingadoubani. Ephaodki lengbanda aronba leiten ama leiribaduga samnahankhigadabani. 26 Ephahki mathangda leiriba thabakkhanggi manung thangba aroibaduda sanana khuji ani saraga hapkadabani. 27 Sanana khuji saraga Ephahki lengbanda yallibadugi makha thangba phijinda hapkadabani. 28 Mureinaba mari amana thabakkhanggi khujida Ephahki khujiduga kisinnagadabani. Ephahta hapliba aronba leitengdugi mathakta masi tahangadabani. Thabakkhangdu Ephahtugi komna leihanba yaroi. 29 Aaronna Israelgi machasinggi maming iba wayelbagi thabakkhangdu thamoi mapada yanthagadabani. Mahakna asengba maphamda changduna Eshor-gi khuyakhada makhoibu katchaba matamda hapkadabani. 30 Wayelbagi thabakkhangsida nahakna urim amadi thammimsu hapkadabani. Eshor-gi mangda changba matamda hairibasi Aaronna litkani. Matou asum touna Israelgi mishinggi mathakta wayelgi cheirak tabadu Aaronna matam leibada mahakki thamoi mapada thamgadoubani.
31 Ephahta leiteng oina sijinnagadouba phidu nahakna mureinaba machudagi semgadoubani 32 Kok thingjinnaba makhun ama phatkadabani. Segaidanaba phuritta kok thingjinnaba makhun ama panbagi matougumna masigisu ikoi koina ahoba ama hapkadabani. 33 Masigi mapan akoibada mureinaba, angangba, amadi ngangleinaba machugi kaphoi yektuna leitengani. Hairibasingsigi marakta sanana sarik semlaga yangadoubani. 34 Hairiba phijetsigi akoibada sanagi sarik amaga kaphoi amaga khanna khannana hapkadabani. 35 Aaronna seba changba matamda masi sijinnagadoubani. Mahakna Eshor-gi asengba maphamduda changba amadi thokpa matamda masi sijinnagani. Masigi makhonsi mina tagadabani. Hairibasi toudrabadi mahak sigani.
36 Masigi mathangda nahakna sanagi phukham ama saraga khudopta leirong happagumna "Lainingthou Ibungodi asengbani." Haina igadabani. 37 Masibu nahakna koyettuda mureinaba mari ama phajingani. Koyettugi mamang thangbada masi tahangadabani. 38 Masi Aaron-gi makokta hapkadabani. Israelgi mishingna asengba pujagidamak katchaba potsingdugi thou pangthokpada karigumba aranba leikhrabadi Aaron masamakna madugi marandugi maheidu pugadabani. Hairibasi Eshor-na makhoibu lousinbinaba matam leibakhibikta maraibakta sigadabani.
39 Nahakti ananba limonna saba arangba phi ama setkadabani. Ananba limon-gi langna nahakkisu koyet ama semgadabani. Khutna lonba mayek thokpa khwangjet amasu semgadabani.
40 Aron-gi machanupasinggidamak nahakna phurit achonba, khwangjet amadi tupinachingba semgadabani. Hairibasingsi nahakna yamna phajana matik mayai leina sembigadabani. 41 Nahakna semgadouriba phijet amadi atei atei potsingdu nahakki nayamba Aaron amadi mahakki machanupasingda leitengbigadoubani. Mahakna makhoibu thao noibigadoubani. Sengdokpigadoubani. Tonganna khaidokpigadoubani. Adu oirabadi makhoina Eibu matam leibakhibikta purohit oina seba touba yai. 42 Limonna phi ama saraga maphaigan youba phaoba chonna sethallu. Makhwangdagi maphai gan phaobadu uhalloidoubani. 43 Miyam tinnanaba shangda changba matamda masi Aaron amadi mahakki machanupasingna setkadabani. Masi makhoina asengba maphamgi pankhong mamangda changba matamdasu setkadabani. Nattrabadi makhoigi mathakta maran leiba yai. Aduga siba yai. Hairibasi mahakki matamdagi houraga matungda lakkadouba mahakki macha masu hantak phaobada kaidana ingadouba niyamni.