John 3
Jisusna Nicodemusbu tambiba
3 Amahiksung pharisisinggi maraktagi maming Nicodemus kouba, Jewssinggi luchingba mi ama leirammi. 2 Mi asina Ibungogi nakta ahingda laktuna Ibungoda hai, Rabbi, Ibungodi Ishordagi lengbirakpa Guru amani haiba eikhoina khangi, maramdi Ibungona touriba khudamsing asi, Ishorna mahakka loinabidrabadi, kana amatana touba ngamde.
3 Jesusna mangonda khumlak-i,
Eina nangonda thanggei sengnamak hairibani, kanagumbana nouna poktrabadi, mahakna Ishorgi leibak adu uba ngamde.
4 Nicodemusna Ibungoda hai,
mina hanurabada karamna pokpa ngambage? Mahak anirak mamagi puknungda changduna pokpa ngambra?
5 Jesusna Khumle, eina nangonda thanggeisengnamak hairibani,
kanagumbana ishing amasung thawaidagi poktrabadi, mahakna Ishorgi leibakta changba ngamde. 6 Hakchangdagi poklaba adu hakchangni, aduga thawaidagi poklaba adu thawaini. 7 Nakhoina nouna pokpa tare haiduna eina nangonda haikhiba aduda ngakkanu, 8 Nungsitna sitningba maphamda sitli, aduga nangna madugi makhol tai, adubu madu kadaidagi lakpano aduga kadaida chatpano khangde, adugumduna thawaidagi poklaba mi khudingmak oiribani.
9 Nicodemusna Ibungoda khumlak-i, asising asi karamna oiba ngambage?
10 Jesusna mangonda khumlak-i, nahakti Israelgi guru oiraga, asising asi khangdabra? 11 Eina nangonda thanggei sengnamak hairibani, eikhoina khangba adu eikhoina nganglibani, amasung eikhoina ukhraba adugi maramda eikhoina sakhi piribani, aduga nakhoina eikhoigi sakhi loude. 12 Taibangpanda touba thabak nakhoida eina takpirabada nakhoina thajadrabadi, sargada touba thabak nakhoida takpiragadi, nakhoina karamna thajagadage?
13 Amasung migi macha nipa adu, sargadagi kumtharakpa mahak adu nattana, kana amatanasu sargada kadri. 14 Mosesna lamjaoda lil adubu thanggatpa adugumna, migi macha nipa adubu thanggatpa tare 15 Aduga mangonda thajaba khudingna lomba naidaba hingba phangbani,
16 Maramdi Ishorna taibangpanbabu asup nungsibire, haibadi, Ibungo mahakki amata ngairaba macha nipa adubu pibire, aduna macha nipa adubu thajaba mi khudingna mangdaduna, lomba naidaba hingba phangbani.
17 Maramdi Ishorna macha nipa adubu taibangpanbabu wayelnanaba taibangpanda thabiba natte, adubu Ibungogi mapanna taibangpanbabu kanbinanabani. 18 Ibungogi thajaba mahak adubu wayel toubide, thajadaba mi adudi wayelkhrabani, maramdi mahakna Ishorgi amata ngairaba macha nipa adugi mingda thajakhide.
19 Amasung wayel adu asini, haibadi, mangal adu taibangpanbada laklabani, aduga mangal adudagi mishingna amambabu henna pamle, maramdi makhoigi thabak makhei phattaba oirammi. 20 Maramdi phattaba touba mi khudingna mangal adubu tukkachei, aduga mahakki thabakki maral phongdokkani haiduna, magi manakta lakte. 21 Touigumsung achumba touriba mahak aduna mahakki thabak adu Ishorda tourabani haina phongdoknanaba, mangal adugi manakta lak-i.
Baptist toubiba Johnna Jesusgi maramda amuk henna sakhi piba
22 Asigi matungda Jesusga seboksingana Judea leibakta lenglakle, amasung maduda Ibungona makhoiga loinana leiminnaduna baptist toubirammi.
23 Aduga Johnnasu Salimgi manak Aenonda baptist toubirammi, maramdi mapham aduda ishing yamna lei, amasung mishingna laktuna baptist lourammi. 24 Maramdi matam aduda Herodna Johnbu keisumshangda thajindri.
25 Maram aduna John-gi seboksingga Jews amaga sengdokpagi maramda hangdok hangjin tounarakle. 26 Amasung makhoina John-gi maphamda laktuna mangonda hai, Rabbi, Jordan wangmada nahakka leiminnaramba, mahakki maramda nahakna sakhi pikhraba mi adu, yengu, mahak asina baptist toubiri, aduga mi pumnamakna mangonda lak-i.
27 Johnna khumlak-i,
sargadagi mangonda pirakpa nattanadi, mina karisu phangba ngamde. 28 Eidi Christa adu natte, adubu Ibungogi mang thana eibu tharakle haiduna eina haikhiba aduda nakhoi nasamakna eigi sakhi oiribani. 29 Mou anoubi phangba mahak adu borni, Touigumsung leptuna mahakki wa tariba borgi marup aduna borgi khonjel tabagi maramna yamna haraojei, maram aduna eigi haraoba asi mapung phahalle. 30 Ibungodi chaokhatpa tai, adubu eidi hanthaba tai.
31 Mathaktagi lenglakliba Ibungo aduna pumnamakki mathak oi, prithibidagi oiba mahak aduna prithibidagini, amasung mahakna prithibidagi oiba wa ngangi, sargadagi lenglakliba Ibungo aduna pumnamakki mathak oi. 32 Ibungona ukhraba, takhraba adugi waram Ibungona sakhi pibiri, aduga mi kana amatana Ibungogi sakhi adu loubide. 33 Ibungogi sakhi loukhraba mahak aduna Ishor achumbani haina chum namle. 34 Maramdi Ishorna tharakpa aduna Ishorgi wahei ngangi, maramdi Ibungo mahakna thawai adubu chang tamduna pide.
35 Mapana macha nipa adubu nungsi amasung Ibungogi khutta pumnamak pibire. 36 Macha nipa adubu thajaba mahak aduna lomba naidaba hingba phangle Touigumsung macha nipa adugi wa indaba mahak aduna hingba uroi, adubu Ishorgi asaoba mahakki mathakta lei.