Jeremiah 16
Ishor-na Jeremiahbu kubiba
16 Ishor-na amuk hanna eingonda wa haibirammi: 2 "Leibaksida leiringeida nupi thiduna nacha nupa amadi nupinachingba pokpa yade. 3 Maramdi leibaksida pokpa nachanupa amadi nupising aduga makhoibu pokliba mama amadi mapa oibasinggi maramda Ishor-na asumna takpiri: 4 Layengba ngamdaba laina paktuna makhoi sigani: makhoibu ningsingduna tengtha naoiba natraga phumbinaba kanasu leiroi leimaida tariba amangba potkumna leigani makhoi taduna. Thanggi mayada amadi chak tangba nangduna makhoi sigani. Makhoigi asiba masadu nongmadonda pairiba ucheksing amadi malemsida leiriba shasinggi machinjak oinagani.
5 Ishor-na asumna takpiri: tengtha naoipham oiriba yumduda changlunu. Tengthaba yaonanabasu chat-lunu. Makhoibu ningsingduna kaplunu. Ishor-na takpiri eina mishingsigi mathaktagi chinglemba, itik, chetna channa nungsiba amadi thoujalgi erikttu louthokkhrabani. 6 Leibaksida leiriba achouba amadi apikpa animak chap mannana sigani. Makhoibu phumbinaba kianasu leiroi. Kananasu makhoibu kouduna tengtharoi. Makhoi sibagini haiduna masam kokloi. 7 Asibasingdu ningsingduna tengtharibasingdubu themjinbinaba kananasu tal puduna lakloi. Mapa natraga mama sikhibagidamak nungaitaba phongdokpa oina kananasu mangonda thaknaba ishing tenggot ama phaoba piroi. 8 Usob mela touriba imungduda nahak charu thaklunaba changpharoi. 9 Maramdi Israelgi Mapu Ibungo nongthak nongkha anigi Mapu Ishor-na asumna hairi: nakhoina hinglingei matamsida, nakhoigi namangda, maphamsimaktada harao tayambagi khonjel, bor nupa amadi kanana haraobagi matoudu leihallaroi.
10 Nahakna hairiba wasingsi mishing sida haiba matamda makhoina nangonda hanglakkani, " Eikhoigi ithakta asigumba achouba laichatsi tanaba karigidamak Ishor-na sinbiribano? Eikhoina kari aranba toukhrabage? Eikhoigi Mapu Ibungo Ishor-gi mayokta eikhoina karamba aranba toukhrabage?" 11 Matamduda nahakna makhoida haigani, " Ishor-na takpiri: Nakhoigi napa napusingna eibu thadoktuna atoppa laisinggi matung induna makhoibu khu-rumkhi. Makhoina eibu thadoktuna eigi puyadu makhoina inkhide. 12 Yengu, nakhoina napa napusingna toukhiba phattaba thabaksingdudagi henna phattaba thabaksing touredo. Nakhoi khudingmak nangna nangna pamba phattaba thabaksingdu touduna eina haiba wa tade. 13 Maramsina eina nakhoigi napa napusingna amukta khangdriba lamduda nakhoibu puduna chatkani. Maphamduda nakhoi atoppa laising ahing nungthin naidana seba touhangani. Nakhoida thoujan utlaroi.
Loidagi hallakpa
14 Ishor-na takpiri: yengu, Israelgi mishingbu Egypt leibaktagi pubirakpa Ishor-duna sakhi oisanu haina wasakloidaba numittu lakle 15 hainagani makhoina Israelgi mishingbu awang maikeida tariba leibaksing amadi atei leibaksingda tanthokpikhibadudagi pubirakpa Ishor-na sakhi oisanu. Maramdi eina makhoigi mapa mapusingda pibikhiba leibaktuda hanna pubirakkani.
Taragadaba awaba
16 Ishor-na takpiri, yengu, eina eiginga phabasingdu thari. Makhoina hairiba mishing sibu phagani. Aduga matungda makhoibu phannaba satanba kayamaum tharakkani. Makhoina mishingsibu loibi chingjao amadi chingdum khudingdagi thidokkani. Phaduna purakkani makhoibu chinggi lokchapsingdagi. 17 Makhoina touriba pumnamak eigi imitsina uba ngammi. Eigi imangdagi makhoi lotpa ngamloi. Makhoina touba papsingdusu eigi imitsina loina uba ngammi. 18 Eigi lam oiriba leibaksida makhoigi asiba lai murtigi amadi tukkacharaba thabak kayamarum touduna haibadi aranba aduga papki masak oiraba thabak kayamarum touduna manghannabagidamak eina makhoida pipham thokpa dandidu pigani.
Jeremiahna Lainingthouda thajaba
19 He Ishor, eigidamak ipangal, amadi lanban-gi masak loubiriba, oibiri Ibungona awaba taraba matamda changjapham, Ibungogi khuyakhada jatsingna changjarakkani, lakkani malemsigi aroiba maphamdudagi aduga haigani, eikhoigi ipa ipusingna ikaibagi masak oiraba kannadraba lai murtidu nattana atei karisu thamlamde.
20 Taibang mina masagi oina lai saba ngambra? Karigumba saba ngamlabadi madu lai natte.
21 Maramsina eina makhoida takpiri, matam leiba khibikki oina makhoibu eina tambigani, takpigani makhoida eigi ipangal amadi touba ngamba saktidu. Eigi iming Ishor kowi haibadu makhoina khangani.