1 Kings 21
Nabothki angur engkhon
1 Jezreelgi manaakta leiba konunggi nakanda Naboth kouba nupaa amagi angur engkhon amaa leirammi.
2 Ahabna nongma Nabothta haayrammi, "nahaakki angur engkhondu eingonda piro. Maphamduda eihaak manaa-mashing thage. Nahaakki engkhonsi eigi konung manaakta leiba maramna yaamna khudong chaay. Eina nanggidamak atoppa engkhon amaa pibasu ngamgani nattraga masigi mamal nahaakna apaambadu piyu haayrabasu pigani."
3 Maasida Nabothna Ahabta haayrammi, “eigi epa epugi lan oinaa leiriba louphamsi eina ebungngoda pithopa yaade maramdi Eeshorna pithokkanu haayna matam amadda taakpikhi."
4 Nabothna haayba waadu taaraga ningthoudu mamaay langshinna amadi shaaona konungda hankhi. Mahaakna phaklanglomda mamaay onsinduna phamungda hiptuna leirammi. Mahaak karisu chaaramde.
5 Maharani Jezreelna ningthouda hanglammi, "Ebungngona maaythong makaa laangsilliba karigino? Karisu chadribasigi maram karino?"
6 Ningthouna khumlammi, "Nabothna haaykhiba waadu ningshingluraga chaaba thakpa yaade. Eina mahaakki angurgi engkhondu leige haayrammi nattraga mahut amaa pige haayrammi adubu mahaakna haayriba engkhonsi eingonda piba yaade haaykhi."
7 Jezreelna haayrammi, "nahaakpu ningthoura nattraga karino? Phamung thaadoktuna nathawaay nungaaina chaak chabiro. Ebungngona paamliba Nabothki engkhondu eina thouraang toujagani."
8 Maasi haayramlaga Jezreelna chithi amaa erammi. madugi makhaada ningthou Ahabki soi tourammi aduga chajum namkhirammi. Chithisi phamnaaibashingda pihankhi.
9 Chithiduda maron asumna erammi, "chara hennaba numit amaa laaothok-u. Miyaam punna maasi paangthok-hangadoubani. Nabothpu thoidokna ekaai-khumnaba utkadabani.
10 Matamsida mi anina Naboth nahaakna Eeshor amadi ningthoubu thina ngaangliba karigino haayduna maraal sigadabani. Maasi touraba matungda saahargi mapaanda puthoktuna mahaakpu nungna thaaduna haatkadabani."
11 Jezreelgi phamnaaibashingduna Jezreelna haaykhiba matung ennaa paangthokkhi.
12 Makhoyna chara hen-gadouba numit amaa leptuna miyaamdu mapham amada tillhankhi aduga Nabothpu ekaai-khumnaba uttuna usobsi paangthokkhi.
13 Awaaiba nupaa aniduna mahaakpu miyaam mamaangda Eeshor amadi ningthoubu thina ngaangi haayduna maraal shikhi. Maramsidagi mahaakpu saahardugi mapaanda puthoklaganungna thaakhi.
14 Paaosi Jezreelda thaakhi amasung asumna haaykhi: Naboth shire."
15 Jezreelna Naboth nungna thaaduna shire haayba paaosi taabada Ahabta haayrammi, hougatlo, Nabothki angur engkhondu mamal pige yaadabadu houjikti eningthougi oire. Naboth taaibang chinjaak chararoi. Mahaak shire.
16 Ahabna Naboth shire taabada angur hingundu loushinnaba thouraang toukhi.
17 Matamsida Tisbigi Elaaijagi maphamda Eeshorna laaibao amaa thaarakkhi. Mahaakna haaykhi,
18 " Samariada leiriba Israelgi ningthou Ahab unnaba chatlu. Mahaak Nabothki angur engkhonda leire. madu loushinnaba mahaak maphamduda laakle.
19 Nahaakna maangonda asumna haayyu: Eeshorna asumna haayri madudi Nabothki eedu huina lekpa maphamduda nahaakki eedusu huina lekkani."
20 Ahabna Elaaijabu ubaa matamda haayrammi, “eigi yeknaba oiriba nahaak eigi enaakta amuk laaklabara?"
Elaaijana khumlammi, "Eeshorgi mityengda phattaba thabak toukhiba maramna eina nahaakpu amuk waarakke haayduna laaklibani.
21 Maramsina Eeshorna nahaakki naramda asumna taakpikhi, Eina nahaakki nathakta mangtaknaba shingani. Nahaakki aroibadu Eina purakkani. Nahaakki konungda leiriba nupaa pumnamak ahan angan khaktana sihan-gani.
22 Nabothki machaanupa Jeroboamgi emunggumna nahaakki emungsi oihan-gani. Ahijahgi machaanupa Baasagi emungda thokkhibadu nahaakki emungda thok-han-gani. Maramdi nahaakna Israelgi mishingbu araanba thabak touhannaba chingbiri.
23 Jezebelgi matangda Eeshorna asumna taakpiri: Jezreelgi lamgi manungda Jezebel huina chaagani.
24 Ahabki matung enbashingdu saaharda shiba thoklabadi huina chaagani. Lamlakta shibashingduna langjana chaagani."
25 (Jezebelna enshinduna Ahabna toukhiba araanbasi Eeshorgi mityengda thoidokna khaangba ngamkhide maramdi Ahabkumna araanba toukhiba mi tanglammi.
26 Israelgi mishinggi mamaangda laai murti latli haayduna taanthokkhiba Amorishinggi matougumna Ahabsu laai murti latpada mapaa leiramde.
27 Haayriba waashingsi taabada Ahabna maphi shegaairammi. Mahaakna een maanba phi setladuna chara henduna tuduna leirammi. Matam khara leiraga mathawaay nungaaitana hankhi.
28 Tisbigi Elaaijagi maphamda Eeshorna Amukka haanna laaibao pirak-e,
29 Ahabna eigi emangda marai haigatpa ngamdribadu nahaak uredana. Mahaakna nolluklabanina mahaakna hinglingei matamsidadi mangtakpa thok-hallaroi. Ahabki emungda karigumba amaang ata thok-hanba taarabasu Ahabki machaanupagi hataktada oihan-gani."