1 Samuel 10
10 Chorphon-dagi louba thaao kharung amaa pairaga Samuelna Saulgi makokta heibirammi. Samuelna Saul bu chupiraduna haayrak-e, "Eesor-na nahaakpu Israelgi ningthou oinanabagidamak thaosi noibirabani. Nahaakna ebungngo-gi misinggi ningthou oigani adugaa makhoygi yeknaba khudingdagi nahaakna kanbigadabani. ebungngo-gi misinggi ningthou oinaa nahaakna pan-gadabani haaybasigi paandamdi noiriba thaosinani. 2 Ngasi eibu thaadoktuna nahaakna chatkhiba matamda Benjamin-gi ngamkheida Rachelgi mongpham manaakta nupaa ani thengnagani. makhoyna nangonda haaygani, "nahaakna thikhiba lolasingdu phangle. Nahaakki napaana lolasinggidi thoina waade adubu nahaakki chinta puduna leihourabani. napaana asumna haairi: eigi echaa dubu kadaayda thirugadage?" 3 Maphamdudagi nahaak khara chatharaga Taborgi uyung paambi amaa houribadugi manaakta thunggani. Bethelda Eesor-bu khurum-jarunaba chatliba nupaa ahum amasu nahaakna thengnagani. amanaa yaao machaa ahum, adugaa atoppa amaduna tal ahum adugaa ahumsubaduna saunna semba khao amada yunachingba puramgani. 4 makhoyna nahaakpu taram taram okkani adugaa tal ani pirakkani. maadu makhoygi makhutagi nahaakna lougadabani. 5 Philisti-singgi laanban leiriba Eesor-gi chingdu tamna nahaak chatkadabani. sahardugi changphamdumaktada nahaakna phaankhong leiriba chingdudagi saaranggi, pung, baangsi amadi pena khongduna laakpa thengnagani. makhoyna tungda tho-llagadouba waa phongdoladuna laakkani. 6 Matamduda Eesor-gi thawaayna nangonda sahum pirakkani. Masigi matu-ngda nahaakna makhoyga loynanaa waa pho-ngdokpa hougani. nahaak pumtop toppa mi amaa oirakkani. 7 Thoudoksi nangonda thokpa matamda Eesor-na haayba khuding nahaak touba taay. 8 eingondagi nahaakna Gilgalda haanna chatlamgadabani. Maphamduda eina nahaakka unagani adugaa meida thaaduna touba puja amadi lamdaai sumdaaigi thounachingba paangthokkadabani. Maphamduda numit taretni eina laktriba phaaoba ngaaiduna leirammu adugaa nahaakna kari tougadage haaybadu eina taakpigani. 9 Saulna Samuelbu thaadoktuna chatlage hek touba matamduda Saul thamoida top toppa ehun amaa phaaoba houkhi. Numittumaktada Samuelna taakpikhiba pumnamak amatta kaidana thokkhi. 10 makhoyna Gibeahda laakpa matamda waa taakthokpa kaangbu amaa laaklammi. Makhoyga mahaakka unakhi. Eesor-gi thawaayna Saulda akanba ethin amaa pikhi. maramsina Saul makhoyga loynanaa waa taakthokpa hourakrammi. 11 Mahaakpu hannana khngba misingna touriba matoudu uraga makhoy masen hangnarammi, "Kisgi machaa-nupaasi keidoure?" Saulsu maichou oirabara?" 12 Maphamduda leiramba nupaa amanaa haay, "maichou ateisingsigi mapaa singdu kari kari oibage haaybadu khangdraa?" "Saul waa thakthokpasinggi marakta amaa oiraba? haayba paaoroudu thoudoksidagi haaynakhibani. 13 Saul jaagoi saaba amadi waa taakthokpa loiraba matungda chingda leiriba phaankhongdu taanna chatlammi.
14 Saulgi makhurana mahaakka minaaiduga ubaa matamda haayrammi, "nakhoy kadaayda chatlubage." Saulda haayrammi, "lola thiba chatlu-i. eikhoyna lolasingdu thiba phangmallaktrabada Samuelgi manaakta chatlammi."
15 Saulgi makhuraduna maakha taana haayrammi, mahaakna nangonda kari haayrakpage?"
16 Saulna khumlammi, "lolasingdu phangkhre haayna mahaakna eikhoyda haaybirammi. adubu makhuraduda ningthou oigadouribani haayba waadudi phongdokkhide.
Saul bu ningthou oinaa laaothokpa
17 Mizpahda Eesor-bu seba amadi thou tounanaba khurumjanabagidamak miyaam tinsi haayna Samuelna yaathang amaa tourammi. 18 Mahaakna Israelgi misingda haayrammi, "Israelgi mapu ebungngo Eesor-na asumna taakpiri: Israelbu Egypttagi Eina pubirakkhi. Egyptta leiriba misinggi makhuttagi nakhoybu eina kanbikhi. nakhoybu otpi neibikhiba misinggi makhuttagigu. 19 adubu ngasidi nakhoybu awaa-ana amadi khudongthiba kayaadagi kanbirakpa Eesor-du kaaothokle. adugaa nakhoygi damak ningthou amaa hapiyu haayjari. phaare, saagei amadi salaai chitthaba leitaana Eesor-gi maangda tillo."
20 Samuelna Israelgi salaai pumnamak tilhallaga laaibak chaang yenghanba matamda Benjamin-gi salaaida taakhi. 21 Benjamin-gi salaaidu Amukka saageigi oinaa kousillammi. maaduda Matrigi emunggi misingda maraibak taakhi. eroi loibada Matrigi emunggi misingdu maraibak yengnaba matamda Kiski machaa-nupaa Saul bu ningthou oinaa khankhi. adubu mahaak thiba phangkhide. 22 maramdi miyaamna Eesor-da hangjarammi, "mahut sinba yaaba kana leiribage?" Eesor-na masida paaoukhum pirak-e amasung asumna haayrammi, "Saul aada leire. Potyom marakta lottuna leire."
23 miyaamduna chensinkhiduna mahaakpu phaaraga mirakta puthorakpa matamda mi pumnamak mahaakki marengbaanda leirammi. 24 Samuelna misingda haaykhi, Eesor-na khandoklaba nupaasi nakhoyna ure. miyaamsigi marakta mahaak-kumba kanaasu yaode." miyaamna amatta oinaa bor piraduna haayrammi, "ningthoudu kuina punsiba oisanu? 25 Samuelna misingda ningthou amagi mathou amadi thoudangsingdu sugaina taakpikhi adugaa haayriba-singsi mahaakna eraga sonnapungda thamkhi. maasi loiraga Samuelna misingdu maagi maagi mayumda halhankhi. mahaakka loynanaa Eesor-na mathou hapiraba mi khara loinakhi adugaa 27 Marin sengdaba mising khara yaaobasingduna haayrammi, “nupaasina matou karamna eikhoybu ngaakpi senbigadouribano?" makhoyna mahaakpu thousaramde amasung karigumba khudon pot amaa phaaoba pikhide. adubu masigi maramda mahaak thoidokpa waa amatta ngangkhide.