Ezekiel 44
Nongpok thong sijinnaba
44 Nongpok olliba ningna sangdugi mapaan-gi sannathongduda mahaakna eibu chingbira klammi. adubu haayriba sannathongsi thinglammi. 2 Matangduda mahaakna eingonda haayrammi, "sannathongsi matam leibada thingdunata leigadabani. maasi hangba yararoi. kana amaa phaaoba maasi phaaoduna changba yaaroi, maramsina haayriba thongsi matam leibada thingdunata leiragadabani. 3 Eesor-gi maangda chakcha heija touba matamda ningthou machaasingna maphamsida phamba yaai. adubu mahaakna phaonaba yaaba kasi phaaoduna changlakkadabani. Mahaakna changlakpa maphamduda amuk haanna thokkhigadabani."
Ningna sangda changbagi lichat
4 ningna sanggi mamaangda awaangda phatliba sannathongduda mahaakna eibu puduna laaklammi. Yeng-u, eina yengtho-kkhiba matamda Eesor-gi matik mayaaina ningna sangdu ngaanthoirammi. 5 Matamduda Eesor-na eingonda haayrammi, "he nupaa, phajanaa yeng-u, namittuna yeng-u adugaa nanaduna tasallu. Eesor-gi ningna sanggi niyamsingdu eina nangonda haayba matamda nanaduna taao. Masigi chatnabi lonchattu ningthina yengadabani. adugaa masigi manungda changba yaaba misingdu masak phajanaa khngjinlu. Ningna sangsida changba yaaroidabasingdusu masak phajanaa khang-u. 6 Israel haayba mangak kanba misingsida asumna haay-u, "mapu ebungngo Eesor-na asumna taakpiri: he Israelgi mising, nakhoyna touriba paapki masak oiraba thabaksingsi muthatlo. 7 lamlaanba, un kaktaba thamoi amadi sadong animak kaktabasingdu eigi ningna sangda pusinduna makhoyna eingonda chinjaak katpa matamda mangthokli. nakhoyna sadong amadi ee katpa matamda mangthokli. nakhoyna touriba phattaba thabaksingsiga loynanaa nakhoyna eigaa chatnakhiba areppa waareptu thugaayre. 8 eigi asengba potsingdugi matik chaaba thoudangdu nakhoyna loukhatre. eigi ningna sangda nakhoyna lamlaanbasingdubu thoudang pisille.
Levisingbu purohit oihandaba
9 maramsina mapu ebungngo Eesor-na asumna taakpiri: Sadong amadi thamoi kaktaba lamlaanba Israelgi misinggi marakta leiribasingdu eigi ningna sangda changba yaaroi. 10 Israelna lammuknaba matamda laai murti lattuna lammuknakhiba Levisingdusu makhoyna toujakhiba ayon araanbasingdugi maheidu matik chaana phang-gani. 11 eigi ningna sangda makhoy seba changbasing oinaa leigani. ningna sanggi sannathong amadi manungda thabak touba yaai. makhoyna meida thaaduna tounaba thougi saa haatkani. misinggi damak makhoyna thou toubigani. misinggi seba changbasu makhoyna oigani. 12 adubu makhoyna murtisinggi mamaangda misinggi seba changba maramna adugaa atoppa amanaa makhoyna touba paaptuna Israelbu leikha taahankhiba maramna mapu ebungngo Eesor-na taakpiri eina waasaktuna haayribasini makhoyna toujaba thabakki maheidu makhoyna phanggani. 13 Purohit oinaa seba changnnabagidamak makhoyna eigi enaakta nakna changba yaaroi. eigi asengba potsing amadi asengba potni haayna leiribasingdugi manaaktasu changba yaaroi. makhoyna toukhiba tukka chaaraba thabaksingduna maram oiraduna makhoy ekaaiba nanggani. 14 adubu makhoybu ningna sang pannabasing oinaa khandokkani. Ningna sangdugi hounabi matung ennaa seba changba amadi toupham thokpa thabaksingdu tounanabagidamak makhoybu eina thoudagani.
Purohit sing
15 adubu Israelgi misingna eibu thaadoktuna chatkhraba matamda Levi saageigi purohit Zadokki machaasingdubu eigi enaak nakna seba changnaba mising oihan-gani. Mapu ebungngo Eesor-na taakpiri: makhoyna sadong amadi eenachingba katnaba potsingdu pusallaaktuna eigi seba tougani. 16 makhoyna eigi ningna sangda changlaklaga eigi phaankhong leiribaduda eibu seba tougani. makhoyna eigi yaathangsingdu ngaakna chatkani. 17 makhoyna manung thangba kadu changba matamda kabranggi phi setkani. Makhoy samtu sethalloi. Haayribasi manunggi loisang amadi masigi manungda makhoyna seba changba matamda tahangadou-ribani. 18 makhoyna kabranggi kokyet makokta yetkani. Makhwaangda kabranggi phina khwaangjet oinaa laakkani. makhoyna humaang souganba phi setloi. 19 mapaan-gi loysangda misinggi manaakta chatpa matamda makhoyna seba changbada sijinnariba phidu louthoklaga asengba kaduda thamlammi. makhoyna atoppa phi setlaga mapaanda thokkadabani. Nattrabadi senglaba matik mayaaidu phisingduna misingda samnahankhiba yaai. 20 Makhoy masam kakpa yaaroi. Makhoygi chikhaktusu yaamna sanghanba yaaroi. makhoyna makokta houriba samdu samjet haatpadi yaai. 21 Manung thangba kaada changba matamda purohit singna yu thakpa yaaroi. 22 lukhraabi nattraga khaainarabi kanagu-mba nupidu makhoyna nupi oinaa louba yaade. Israelgi misinggi maraktagi nupi leisaabi nattraga kanaagumba Purohitna louramba nupidu makhoyna taalloi oinaa louba yaai. 23 makhoyna eigi misingda asengba amadi sengdaba, anisigi khennaba taakpigani. amaangba amadi asengbagi khetnnabadusu nakhoyna taakpigani. 24 Karigumba khatnaba matamda makhoyna waayelgani. makhoyna waayelba matamda eigi waayel matung ennaa bichar tougani. eigi emingda tougadaba khandoklaba thoukatsingdu touba matamda makhoyna eigi yaathang amadi niyamsingdu ngaakna chatkadabani. makhoyna eigi potthaaba numitni haayna thamlibasi sengna ngakkadabani. 25 asibaa kanaagumbagi manaakta changduna masaabu mangthokloidabani. adubu mapa, mamaa machaa nupaa amadi nupi, machin manaao nupaa nattraga luhongdribi machaanupigidamakti mangtho-kpa yaai. 26 asumna soknaruduna manglaba matung numit taretni suraga mahaak sengdoklabani heina lounagani. 27 Sengthoiraba maphamda changduna manung thangba kaada laakpa matamda masaagi oinaa aran thou touthokkadabani. Masimak mapu ebungngo Eesor-na taakpiriba waaphamni. 28 Makhoygini haayduna mapot maran, lam oinaa tungsinba yaade. Makhoygi maran haaybabu eina oiribasini. Israelgi manungda nakhoyna makhoyda lam thungba yaade. Makhoygi chaakthungdu eina oiribasini. 29 makhoyna mahei marong amadi aran thou adugaa tinkok laikokkidamak katlaba potsingdu chaaba yaai. Israelgi manungda katthokhraba potsingdu makhoygi oigadabani. 30 Mahei marongsinggi marakta ahaanba mahei, nakhoyna katpa thousinggi potsingdu purohit singgi oigadabani. nakhoygi emungda bor yaamna phangna-naba purohit singda ata pigadabani. 31 Purohit singna ngachak amadi sanaachingbana masaana siduna leirambadu chaaba yaade. sanaachingbana haatpadusu chaaba yede.