Deuteronomy 14
Tengthaa-naaoibagi maramda
14 nakhoydi Napuroi Eesor-gi misingni. maramsina nakhoyna asibaa kanaagumba mi amagi maramda tengthaaba matamda, mi ateisingna toubagumna nasagi saruk khara nattraga lumanggi nasam misingna toubagumna kakpa yaade. 2 nakhoydi napuroi Eesor-gi misingni. ebungngo mahaakna maalemsida leiriba misinggi maraktagi mahaakki oijanaba khandok-khrabani.
Aasengba amadi sengdaba misinggi maramda
(Litchat 11:1-47)
3 "Eesor-na maasidi sengdaba sani haayna laaothokkhrabasingdu chaapharoi. 4 nakhoyna chaaba yaaba saasingdu makhaada leire: saa-san, yao, haameng, 5 saji, lamlakta leiba yao, lamlakta leiba haameng nattraga 6 Makhong longkhum khaayba nattraga saigup saiba saasing chaaba yaai. 7 Longkhum khaaidoktaba adugaa sajik saigup saidaba sadi chaaba yaade. nakhoyna ut, theba amadi lamlakta leiba thebagumba saasingdu chaaba yaade. Haayriba saasingsi sengdaba sani haayna lougani adugaa makhoysi saigup sairabasu makho-ng longkhum khaaidoktte. 8 Ok chaaba yaade, makhoysi sengdaba sani haayna lougadabani. Makhoygi makhong longkhum khaaidok-e adubu saigup saide. Haayriba saasingsi chaaba yaade. adugaa makhoygi asibaa masaadu sokpa phaaoba sokloidoubani.
9 "Maku paanba adugaa masaigap machi paanba ngasingdu chaaba yaai. 10 Maku amadi masaigup machi paandaba eesingda leiba ngasingdu chaaba yaade. Makhoy singdu sengdabani haayna lougadabani.
11 "Aasengba jaatki uchek oirabadi nakhoyna chaaba yaai. 12-18 makhaada piribasingsi nakhoyna charoidouba ucheksingni: achouba uchek, maku, kharang, makhong amadi machin sangba uchek, langja, sadong chaaba uchek, kwaak, umaibi, samudragi uchek, jaat amaa, khunu makhal amaa, urok, usai, epaakta leiba uchek achouba amadi mayaang sekpinachingbasing sini. 19 masa paanba tin pumnamak amaangbani. Makhoysi chaaba yaade. 20 adubu asengbani haayna lounaraba tinsingdu chage haayrabadi chaaba yaai.
21 "Naduna siba saasing chaaba yaade. nakhoygi narakta leiriba lamlaanba misingda maadu chaananaba haayduna pithokpa yaai. Nattraga kanaagumba atoppa lamlaanba misingda adugumba saadu yonthokpa yaai. nakhoygi Napuroi Eesor-gi oiba maramna ebungngo mahaakki misingni.
"Aduga yaao nattraga haameng machadu mamaagi makhomda keidoungeidasu thongpharoi.
Chanda pibagi maramda
22 "Nakhoygi loubuktagi chahi chahigi oinaa loklaba potthokttudagi chamada taraa (10%) khaaidoktuna thammu. 23 maasi khaaidoklaba matungda nakhoygi napuroi Eesor-na ningna sang oinaa khandokpikhraba maphamduda chatlo adugaa maphamduda ebungngo mahaakki mamaangda nakhoyna katchaba mahei marong, angur mahi, Chorphongi thaao amadi nakhoygi saa-san amasung yaaosingna pokpaa ahaanba machaasingnachingbadu chajou. nakhoygi napuroi Eesor-bu matam leibada ekaai-khumnana leiba ngamnaba haayribasi tou. 24 Eesor-na nakhoyda pinabikhraba potthokki saruktu katchagadouriba ningna sangduna yaamna thaapna nayumdagi leikhiba thoklabadi makhaagi asumna tou: 25 Chandadu yonthoktuna ningna sangdu tana peisaadu puraga chatlu. 26 Peisaadumak nakhakna leiningba sansa, yao, angur mahi, nattragasu atei potsing leiraga nakhoygi napuroi Eesor-gi mamaangda nasaamak amadi nahaakki emung manunggi misingna chathaktuna haraao nungaaina paangthokkadabani.
27 "Nakhoygi saharda leiriba Levisingbu kaaothokpiganu. Makhoygini haayna lam leijadabani. 28 Chahi ahum ahum subaa khudinggi nakhoyna lokpa mahei marongsinggi pigadouba saruktu nakhoyna leiriba saharduda puraklaga peisillu. 29 nakhoyna purakliba chinjaaksina lam leijadaba Levising, lamlaanbasing, mapaa mamaa leitrabasing, amadi nakhoygi saharda leiriba lukhrasinggi oihangadabani. makhoyna maphamduda laaklaga makhoygi darkar oiribadu loujagadouribani. Masimak nakhoyna tougadoubani adu oirabadi nakhoygi napuroi Eesor-na nakhoyna touba khudingda kubigani.