Proverbs 25
Solomonna haayramba paaorou makha taarakpa
1 Judahgi ningthou Hezekiahgi loysangda miyaam changduna shinkhiba paaorou-shing:
2 Epuroibu ekaai-khumnajei maramdi ebungngodi khangbana loiba ngamde. Ningthoushingbu ekaai khumnei maramdi makhoyna hiram kayabu shugaaina taakpi.
3 Ningthouna khalliba waakhandu karino haayba nakhoyna laaina khangba ngamloi. Nongmadon-gi awaangba amadi epaakki arubana eikhoydagi henbagumna mahaakki waakhandu eikhoyna lamba phangde.
4 Silver phudonglaga khutsa heibana phajaraba pot puthokpa ngammi.
5 Phattaba paaoutaak pibashingdu ningthougi loysangda leihandaba ngamlabdi leibaak mara tapna engna palli aduga achumba mashak khangba ngamhani.
6 Ningthougi maangda changba matamda nam haduna yaamna aphaoba mi saruganu.
7 Nakhoygi phamdu kanaagumba maru oiba nupaa amanaa munkhigadoubagi shaarukpudi mapham waangna painnaba mina haayjarabaduna henna phei.
8 Makhoyna namitna ukhiba pottugidamak loysangda hekta chatkanu. Atoppa saakhi amanaa nahaakna ukhibadu laalli haayraklabadi karam tougani?
9 Nakhoygi yumlonnaribashingga karigumba nakhoyna mot khetnnaba leirabad khetnnaribadu nakhoy nashen yaashinnanaba hotnou aduga manungda leiriba aronbashingdu mingonda haaydokkanu
10 Nattrabadi mina nahaak napukchel chettaba mini haayna lougani aduga ekaaiba nangbadu keidoungeida kokloi.
11 Silverda sanaa haktuna shemba leitenggummi achumba waakhandu mamal naide.
12 shaayaam thengnaraklaba nupaa amanaa piba chekshin waadu ashengba sanaana shaaba khudop amadi likkondagi henna mamal yaammi.
13 Thaajaba yaaba paaopuba nupaadu paao thaariba nupaadugi maphamda lourok panthada khouraanglaba matamda eeshing thakpagummi.
14 Waashaklaga ngaktabashingdu nong pudaba nungshit amadi leichingumbani.
15 Pukning tapna taksinbana mapukchel kharaba kayabusu laakshinba ngammi. Masina leengakpa phaaoba themjinba ngammi.
16 Khoihi oirabasu henna charuganu. Mallabadi khigani.
17 Narupni haaydunasu toyna chatluganu toimallabadi nungshidaba amaa yaaorakkani.
18 Laanna mibu maraal pibasi thaangshaang, nattraga chei amadi athouba tenjeiga pankhakni.
19 Thaajaba yaadaba kanaagumba nupaa amada thajaruba haaybasi nomaduna leiriba yaana pot shaaibagumbani nattraga khong teklaga chongduna chatpagumbani.
20 Thamoi kairaba kanaagumba nupaa amagi maphamda eshei shakchillurabadi anaaba maphamda thum teibagumbani nat-traga ningtham thaada maphi louthokpibagumbani.
21 Karigumba nahaakki yeknabaduna laamlabadi, mahaakpu mapuk thanna pijapithak-u. Karigumba khouraanglabasu khouraangbadu kokhallu.
22 Nahaakki sebaduna mahaak ekaaibana haayningngai leiroi. Aduga Eeshorna nahaakpu kubigani.
23 Awaanglomdagi sitlakpa nungshitna nong purakpagum waarem ngaangbana ashaaoba purakpa ngammi.
24 Khatnaganbi nupiga leiminnagadoubagi shaarukpudi yumthakta leibana henna phei.
25 Yaamna khouraanglaba matamda eeshing thakpa phangbaduga athaappa lam amadagi taaba paaoduga paandamnaba yaai.
26 Phattaba mina thembada yakhraba nupaadu eephuttagi thorakpa yaansillaba eeshing nattraga hu yaaoraba eeshing leiriba guhagummi.
27 Khoihi chaang hellabadi phattabadu-gumna mina henna thaagatpa paambasu phattaba oirak-e.
28 Mina laaina laakshinba ngamba chekpal yaaodaba saahar amagumna shaaobabu phathaba ngamdaba nupaadu lemna mangduna tok-e.