Lamentations 1
Jerusalem awaaba taba
1 Matam amada mina thallamba Jerusalem ngasi matomta kayaa chikna naitom taaduna leiraba. Matam amada taaibang sinbaa thungna mahaakpu ekaai-khumnarammi adubu ngasidi mapuroiba leitrabi nupi amagumle. Masigi manungda leiramba matik leiraba sahar kayaa maaythire.
2 Ahingchuppa mahaakna tengthaaduna lelli, taarakpa pirangna makhajaida mari mari tarakli. mahaakki mahousagi marupsingdu mahaakpu ngamnamak thaadoktuna chatkhre. Mahaakna tinarambasingduna mahaakpu hundokle adugaa mahaakki mayokta leiri.
3 Judah-gi misingdu upai leitraba minaaigumle mayumdagi taanthokhraba minaaigumle. Makhoygi kouba yararoidouba mitopki lamduda leiri makhoyna saaidaangba oina. Koisinkhre makhoybu yeknaba-singna adugaa makhoygi naanthoknaba laambel leitre.
4 Aasengba numitta ningna sangda mapuda haayjanaba kanaagumba amatta laktre. Maphamduda esei saklamba nupimachaasingdu awaaba taakhre adugaa maphamduda leiramba purohit singdu kaptuna lelli. sahargi thonggaldu ehang hangle, amasung Zion awaaba khaangduna leiri.
5 Mahaakki yeknaba-singna maay paakkhiduna mahaakki mathakta makhoyna sakti sijinnari. Mahaakna toukhiba maransingduna maram oiraduna Eesor-na mahaakpu dandi pigani. mahaakki machaasing ngamnamak phaaduna pukhre.
6 Jerusalemgi matik mayaaidu houkhiba matamgi waaphamni, mahaakki luchingba-singdu chaaba phangdraba sajigumle. sadanbasingna tannarakpa matamda chenba ngamdraba mapaanggal yaodraba sajigumle.
7 Manglaba matungda Jerusalemna ningsingli houkhiba matamgi matik mayaaidu. Yeknabagi khutta taaba matamda mahaakpu tengbangbinaba kanaasu leikhide. Mahaakna maaythiba phangba matamda mahaakki yeknaba-singna noknarammi.
8 Mahaakki matik loikhre, mahaak karisu leitre awaabana masaruk oire. Ekaaikhangdagi mahaak mamaay phiruk khumduna leiri. akibaa phanglaba araanba thabak touduna Jerusalemna masaamakpu manghanjari.
9 Mahaakki asoybadu ephong phongna ubaa phang-e, adubu laaibak thidunasu mahaakna awaaba utte. Mahaakna mamaay thiribasi akibagi masakni adubu mahaakpu kanaanasu themjinbiroi. mahaakki yeknaba-singna mahaakpu ngamkhre adubu tengbangbinaba mahaakna Eesor-da changjari.
10 Mahaakki leijaba pumbaa yeknaba-singna loubikhre, ningna sangda yeknaba-singna laakpa matamda mamitmakna urammi, Eesor-na atoppa Jaatsingbu changhandaba mitinda namduna changkhi.
11 Mahaakki misingna chaanaba thibada kapna kapna koyna chatli. Hingnabagi laanpham thengnabada makhoyna leijariba lan khuding yonthok-e. saharsingna laona kapladuna haairi: he Eesor nanaaina waaribasi yengbiyu, nanaaigi awaabasi kanbiyu. "
12 Mahaakna kapladuna achat aok mi khudingda haayri, "eihakpu udrabra? haayri maakha taana, "eina khangliba awaabasi kanaasu khangde. Eesor-na saaoba matamda khanghalliba awaabasi taaibangda puba ngamba natte.
13 "ebungngona nongmadondagi mei thaarakkhi, masina eigi thamoinungda chakli. Mahaakna eihaak thunaba lang amaa thakli masina eibu leimaayda taahalli. Masigi matungda ebungngona eibu etomta thado klammi adugaa eina cheina khaangduna leihouwi.
14 ebungngona eina toukhiba araanbasingdu esinduna thamkhi adugaa pumnamaksi ebungngona kaoba leite. araanbasingdu ebungngona ngaksamda sibirammi masina potlum amaa oiduna arumba khanglammi. Eesor-na eigu yeknaba-singda pithoklammi maramsina eihaak epaanggal leikhide.
15 "Eesor-na eigi kallaba laanmisingdu namthabikhi, thaarakkhi ebungngona eigi nahaa oiribasingbu manghannaba, ebungngona noihatpikhi eigi misingdu angur mahi sumbagum
16 "maramsinani eigi mittagi tarakliba pirang atatpa leitaana. kanaanasu eigu themjinbiba ngamloi adugaa kanaanasu eibu paanggal happibasu ngamloi. Yeknabana eibu laksinkhre, maramsina eigi misinggini haayba karisu leitre.
17 "Eina ekhut tingthoklammi adubu kanaanasu eibu tengbangkhide. maaykei khudingdagi Eesor-na eigi yeknaba-sing kourammi. makhoyna eibu amotpa potki matougumna laknabirammi.
18 "Adubu Eesordi achumbaduni maramsina haayba endabagi mahei oinaa awaaba phangbani. maalemsida leiriba mising, eigi waasi taro, eingonda yengduna eigi awaabasi khangbiyu. eigi nahaa oiriba nupaa amadi nupising loi oinaa pukhre.
19 "Eiga yaanaba misingdu kourammi adubu eigi eteng paangbiyu haaybadi makhoyna yaakhide. sahargi laambelda purohit amadi luchingba-sing loina siduna leire. Kharana hingnanaba chinjaak thiduna leiri.
20 "He Eesor, nanaaigi thamoinungda awaaba khanglibasi yengbiyu. Eina toukhiba eranduna maram oiraduna thamoisi awaabana meihoure. laambelda mihatpana soure, emung phaaobada asibaa leiri.
21 “eigi awaabasi yengbiyu maramdi eibu themjinbinaba kanaasu leitre. ebungngona nanaaibu awaaba taahanbasida yeknaba-singna nungaairi. ebungngona waasakpikhiba numittu amuktadi oihanbiyu maramdi numittuda eigi yeknaba-singdu awaaba khanggani.
22 "Makhoygi phattaba thabaksingduna maram oiduna awaapham taahanbiyu. eigi eran yengduna ebungngona dandi pibikhibagumna makhoybusu awaaba taahanbiyu. Awaaba khaangduna eina laori adugaa eigi thamoida anaaba phaore.