Isaiah 50
50 Lainingthouna hairi, nakhoigi namabu eina khainabagi wakattu kadaida leibage? Nakhoibu eina yonthokkhiba nupadu nakhoina thengnabara? Natte nakhoina toujaba phattaba thabaksingduna mangoinaduna yonkhibani, nakhoina touba phattaba thabaktudana nakhoigi namabu tonganna thamkhibani.
2 Adu oirabadi eina lakpa matamda kana ama phaoba leiramdriba karigino? Eina kouba matamda nakhoigi narakta kana ama phaobana paokhum piraktriba karigino? Eigi ikhutsi nakhoibu kanbinaba hotnabada yamna telli haina nakhoina ningbra? Eihak nakhoibu kannaba ipanggal amatta leitre haina loubra? Madu natte. Eina cheibatada samudra kangkhribani, leikangla oiraba lamduda turel chelhankhribani, makhoigi grabhanungda leiramba lemlei ngasingdu ishing phangdaduna sikhribni, aduga kanglaba khouranglaba leimaida taduna makhoi sikhribani,
3 Ayuk matam oirabada eina nongmadonsi phijet leitengbiba nattra, kupsinbi masibu ina manba phiduna. Lainingthougi manaidi haiba inbani 4 Mapu Ibungo Lainingthouna pinabire eingonda takpi tambiriba nupa amana chen-gadaba gundu, ayukki matamda waraba kanagumbabu wa ama ani haiduna themjinbinaba lousingdusu pinabire, tannaba panggal phanglaba kanagumba mi amagi matougumna, taba ngamnaba mahakina eigi inaisi singhanbi.
5 Mapu Ibungo Lainingthouna eigi inaisi singhanbi, maramsina eina eigi ningba matung inna chatchade,
6 Eibu phage haina singlibasingduda eina inangal onthok-i, ikoi pairibasingduda ikhajai thangjilli, eibu ikaiba piba amadi eigi imaida tin sitpadudagi lotkhide eigi maithongsi.
7 Mapu Ibungo Lainingthouna eibu tengbangbinaba leppikhi. Maramsina eibu ikaiba pibaduna eibu thamoi nahanba ngamloi, machin tumba pot amagi matougumna eina imaisi thanggatlabani, maramdi eibu ikaiba nanghalloi haiba eihak khangi,
8 Eigi mingchatpu manin chathanbigadaba nupa ama eigi nakanda leire. Eiga ninggai sangdanagadaba kana leibage? Mahak chingnaba leitana laksanu. Eigi iramda kanana waroiba ngamgadage? Yengsi mahakpu lakhallu.
9 Mapu Ibungo Lainingthouna eibu iteng pangbigani, adu oirabadi kanana eibu iran lei haina praman touba ngamgadage? Namthagani makhoi phijetki matougumna, chathokkani makhoibu leisouna ngamnamak. 10 Nakhoigi narakta kanana Lainingthoubu kina toujaduna mahakki manaisingna haiba wa tabage? Amamba taibangda khongdariba kanagumba mangal masak khangdraba jibaduna Lainingthougi minglenduda thajaba ngamgadra? Mahakna Mapu Ibungogi makada changjagadra?
11 Mei tharibasa, meiri thokhallibasa, nakhoina thajaba meiduda nakhoi chatlu, chatlunakhoina chukhiba meidugi marakta, eigi iphamdagi nakhoina phangadaba maheidu masini: "awa khangduna nakhoi onna thoina leigani".