1 John 5
Christiangi thajaba
5 Jesusbu Christani haiba thajaba mi khuding Ishordagi poklabani, aduga pokpiba Ibungo mahakpu nungsiba mi khudingna Ibungo mangondagi poklaba mahakpusu nungsi. 2 Asina, eikhoina Ishorbu nungsiduna Ibungo mahakki yathang makhei inba matamda, Ishorgi machasingbu nungsi haiba eikhoina khangi. 3 Maramdi eikhoina Ibungo mahakki yathang makhei ngakpa, asi Ishorbu nungsibani; aduga Ibungo mahakki yathang makhei arumba natte.
4 Maramdi Ishordagi poklaba khudingna taibangpanbabu ngammi; aduga taibangpanbabu ngamlaba mangam adu asini, haibadi eikhoigi thajabani. 5 Amasung Jesusbu Ishorgi machanipani haiba thajaba mahak adu nattana, taibangpanbabu ngamba mahak adu kanano?
6 ishingga amasung iga loinana lenglakpa Ibungo adu asini, haibadi Jesus Christani; ishing adutana nattana, ishing aduna amasung iga aduna lenglakpani. 7 Aduga sakhi piriba adu thawai aduni, maramdi thawai adudi achumbani. 8 Maramdi sakhi piriba ahum lei, madudi thawai, ishing amasung iga aduni, aduga ahum asi amata oina yanei.
9 Eikhoina mishinggi sakhi lourabadi, Ishorgi sakhina henna chaoi; maramdi Ishorgi sakhi adu asini, haibadi, Ibungo mahakna macha nipa adugi marida sakhi pibire. 10 Ishorgi macha nipa adubu thajaba mahak adu masamakta sakhi adu lei. Ishorbu thajadaba mahak aduna Ibungo mahakpu chinthiba oihalle; maramdi Ishorna Ibungo mahakki macha nipa adugi marida pikhraba sakhi aduda mahakna thajade. 11 Amasung sakhi adu asini, madudi, Ishorna eikhoida lomba naidaba hingba pibire, aduga hingba asi Ibungo mahakki macha nipa aduda lei. 12 Macha nipa adubu phanglaba mahak aduna hingba adu phangle; Ishorgi macha nipa adubu phangdaba mahak aduna hingba adu phangde.
Aroiba wa
13 Ishorgi macha nipa adugi mingda thajaba nakhoida lomba naidaba hingba lei haiba nakhoina khangnanaba, eina waramsing asi nakhoida ire. 14 Amasung Ibungo mahakki mangda eikhoigi leiba thouna adu asini, madudi Ibungo mahakki ningba matung inna karigumba eikhoina nijarabadi, Ibungo mahakna eikhoigi nijaba tabi. 15 Aduga eikhoina kari karigumba nijaba Ibungo mahakna tabi haiba eikhoina khanglabadi, eikhoina Ibungo mangondagi nijaba makhei adu phangjare haiba eikhoina khangi.
16 Kanagumbana mahakki machin manaona siba thok-hanba nattaba pap touriba urabadi, mahakna nijagadabani, amasung Ishorna mangonda siba thok-hanba nattaba pap toubasinggi damak hingba pibigani. Siba thok-hanba pap lei; asigi maramda mahakna nijagadabani haiduna eina haiba natte. 17 Dharmachendaba pumnamak papni, aduga siba thok-hanba nattaba pap lei.
18 Ishordagi poklaba mi khudinginak pap chende, adubu Ishordagi pokkhraba mahak aduna masabu sennajei, amasung phattaba ama aduna mahakpu sokte haiba eikhoina khangi.
19 Eikhoidi Ishorgini, aduga taibangpanba apumbana phattaba ama adugi makha ponduna lei haibi eikhoina khangi.
20 Aduga Ishorgi macha nipa aduna lengbirakle, amasung eikhoida khangnaba pibire haiba eikhoina khangi; aduna eikhoina achumba oiba Ibungo mahakpu khangi, amasung Ibungo mahakki machanipa Jesus Christada leiduna, eikhoina achumba oiba Ibungo mangonda leiri. Asi achumba Ishor, amasung lomba naidaba hingba aduni.
21 Nungsiba angangsa, nakhoi nasabu laimurtisingdagi ngakchou.